Genesis 30:26 - De Beebaa Dabu

²⁶ Gai gaamai hogi luoogu bodu oogu ne hai hegau adu ai gi de goe, aama agu dama e hulo gimaadeu. Koe e iloo dagodo o dagu hai hegau adu ai gi de goe.”

Genesis 30:26 Referans Kwoze

Hosea 12:12

Jacob ne savini ga hano gi de henua go Syria; Israel ne hai hegau gi maua ai dono bodu, ma de hagaloosi denga ssiibi e hagao ai dono bodu.

Genesis 29:30

Gai Jacob ne hagahebaa hogi ma Rachel, gai e kii Rachel dono aloha ai i Leah. Gai ia ne hai hegau ange gi a Laban i e hidu ange ngadau.

Genesis 31:31

Gai Jacob ne basa ange ga hai ange gi Laban, “Au ne manavasaa, i dagu maanadu bolo koe e kave gee luaau damaa hine mai i ogu daha.

Genesis 31:26

Gai Laban ne hai ange gi Jacob, “Se hegau bee hee aau gu hai nei? Koe ne doo gaiaa au ga mmuni ga hano, ga kave agu damaa hine bei dagodo o dangada ne hagadee kii ina i de hebagi.

Genesis 31:6

Gooluu e iloo, bolo au ne hai hegau ange gi dooluu damana i ogu mahi alodahi,

Genesis 29:18

Gai Jacob ne aloha i Rachel, gai ia ga hai ange, “Au e hai hegau adu gi de goe i e hidu ngadau, gai koe ga gaamai dau damaa hine gauligi go Rachel, e hai ai dogu bodu.”