Genesis 30:20 - De Beebaa Dabu

²⁰ Gai Leah ga hagadaba, “De Maadua gu gaamai dahi mee ngadi gaavange danuaa gi de au. Iainei gai dogu bodu e hagadubu naa donu au, go hiidinga au gu haanau ange gi de ia e dogoono dama daane.” Gai ia ga hagahi ange de ingoo o tama daane laa go Zebulun.

Genesis 30:20 Referans Kwoze

Matthew 4:13

Ia ne hano gee hogi i Nazareth ga noho i Capernaum, se aduhale i gaogao de vai, i de vaaenga o Zebulun ma Naphtali,

Genesis 49:13

Zebulun e noho naa i tagudai; gai e hai naa go taulanga o denga vaga, ono goinga e hano naa ga tae gi Sidon.

Genesis 35:23

Dama a Leah: go Reuben, tama madua a Jacob, ma Simeon, ma Levi, ma Judah, ma Issachar aama Zebulun.

Psalm 68:27

De aamuli o Benjamin e sogoisi laa ono dangada, e dagi gilaadeu, gai denga dagi soa o Judah i kilaa hogi, aama denga dagi hogi o Zebulun ma Naphtali.

Judges 5:14

Gilaadeu ne loomai i Ephraim, olaadeu maadua ni dangada Amalek; gai Benjamin madali gilaadeu ne daudali adu i de goe. Dagi o de hebagi ne daga mai i Makir, gai denga dagi ne daga mai i de vaaenga o Zebulun.

Judges 4:10

Gai Barak ga aalu denga daane i de aamuli o Zebulun ma Naphtali gi loomai gi Kedesh; gai e dahisemada daane ne loomai ga daudali ange i de ia. Gai Deborah ne hano hogi madali ia.

Genesis 46:14

Dama daane a Zebulun: go Sered, ma Elon, aama Jahleel.

Genesis 30:15

Aagai Leah ne hai ange gi de ia, “Tigi lava naa donu au mee e kave mai i ogu daha? Koe gu kave gee dogu bodu, gai koe ga kave naa hogi denga mandrake a dagu dama?” Gai Rachel ga hai ange, “Gaamai hanu mandrake a dau dama maagu, gai Jacob ga hanadu gi oo daha aaboo nei.”

Genesis 29:34

Gai ia ne hai dama ange hogi, ga haanau dahi dama daane, gai ia ga hagadaba, “Dua iainei gai dogu bodu e hagapigi mai naa donu gi de au, go hiidinga au gu haanau ange gi de ia e dolu dama daane.” Gai ia ga hagaingoo ange ia go Levi.

Genesis 30:19

Gai Leah gu hai dama ange hogi ga haanau togoono dama daane ange gi Jacob.

Genesis 30:21

Muli mai gai ia ne haanau hogi dahi damaa hine, gai ia ga hagaingoo ange ia go Dinah.

Genesis 34:12

Goodou daalaa mai be dee hee maa de hagaoanga, ma de mee ngadi gaavange aagu e gaavadu, gai au ga gaavadu donu gi bei doodou mee e llodo ai, aagai goodou gaamai doodou damaa hine e hai ai dogu bodu.”

Exodus 22:17

Aagai noo tamana o tamaa hine e dee lodo donu e dugu ange dana damaa hine gi hai bodu ange gi taane laa, gai taane laa gi gaavange donu taelodo o sseene e hagao ai laa de bua moe gu dai hai bodu laa.

1 Samuel 18:25

Saul ne hai ange, “Goodou hai ange gi David, ‘E deai ange donu se hagaoanga o de hodooligi e lodo ai, i doo hai bodu ange gi dana damaa hine, go doo hano donu huu ga duuduu e lau gili o denga daane Philistia, e sui ange ai hegau a ono hagadaumee ne hai.’ ” Aagai a Saul ne maanadu de hai denga daane Philistia gi daia David gi magau.

Deuteronomy 27:13

Gai denga aamuli nei e hulo e tuu i honga de mounga go Ebal e hagamalaia ai dangada: go de aamuli o Reuben, ma Gad, ma Asher, ma Zebulun, ma Dan, aama Naphtali.