Genesis 3:8 - De Beebaa Dabu

⁸ Gai gilaau gu langona de leo o Tagi Maolunga go de Maadua i dono seesee i lo te veelenga i de maluulu o de ahiahi, gai taane laa ma dono bodu ga hulo ga mmuni i Tagi Maolunga go de Maadua i magavaa o denga manu ssomo i lo te veelenga.

Genesis 3:8 Referans Kwoze

Jeremiah 23:24

E aha, e maua e tangada i de mmuni i dahi mommee gi dee gidee ai e au ia? go Tagi Maolunga e hagadaba. E aha, e dee noho au i mommee alodahi i de langi ma henua i lalo? go Tagi Maolunga e hagadaba.

Proverbs 15:3

Luu mada o Tagi Maolunga i mommee alodahi, ia e dagitilo de gau baubau aama gilaadeu e danuaa.

Hebrews 4:13

Gai e deai donu se mee daudahi e lilo i mada luu mada o de Maadua, aagai mee alodahi e maahuge ma tee maua i de hagammuni i mada luu mada o de ia adaadeu e tala ange mee alodahi aagena.

Romans 2:15

Gai gilaadeu e hagaago mai bolo de hainga gu sisi donu i olaadeu lodo, gai tagi o olaadeu lodo e tala hagadonu hogi mee nei, gai alaadeu maanadu e hagabaubau aabe e hagaheohi gilaadeu,)

Genesis 3:10

Gai taane laa ga hai ange, “Au ne langona doo leo i lo te veelenga, gai au gu madagu, go hiidinga au e deai donu ogu malo, gai au ga hano ga mmuni.”

Jonah 1:3

Gai Jonah ne hidi age ga savini e hano gee mai i mada luu mada o Tagi Maolunga. Gai ia ne hano iho gi Joppa, gu gidee e ia dahi vaga i kilaa gu dai malanga e hano gi Tarshish. Gai ia ne hagao dono paasese, ga gage i de vaga laa e hano gi Tarshish, e mmuni ai i Tagi Maolunga.

De Beebaa go Job 31:33

noo au e dee tala dagodo o ogu haisala bei de gau ange laa, gai e hagammuni ogu baubau i ogu lodo,

De Beebaa go Job 38:1

Gai Tagi Maolunga ne basa mai gi a Job i lo te sio, ga hai ange:

Deuteronomy 23:14

Go hiidinga Tagi Maolunga doodou Maadua e noho madali goodou i de mommee nnoho gaainga, gai ia ga hagaola ai goodou ma de hai gi dee kii oodou hagadaumee. Deenei ai, goodou haia gi dabu doodou mommee nnoho gaainga, gai ia gi dee gidee dahi mee hakino gee daudahi, gai ia ga huli gee i goodou.

Deuteronomy 5:25

Aagai gimaadeu e dee llodo gi maakau gimaadeu. De ahi laumalie nei e maua donu i de daa gimaadeu gi maakau. Noo e daulooloa ange demaadeu hagallongo de leo o Tagi Maolunga taadeu Maadua, gai gimaadeu e maakau donu.

Deuteronomy 4:33

Gai gu hanu ange nei donu dangada ne langona de leo o de Maadua e basa ange ai gi gilaadeu mai i lo te ahi ula bei oodou dagodo, gai gilaadeu tee maakau?

De Beebaa go Job 22:14

Denga hagausinga maadolu e haoli ia, ma e dee gidee e ia gidaadeu, i dono holiage saele i lo te langi.’

Revelation 6:15

Gai denga hodooligi o henua i lalo ma de gau maolunga, ma dagi o de hebagi, ma de gau lava, ma de gau mmahi, ma de gau hai hegau dee ilaage aama gilaadeu e ilaage, gu mmuni i lodo haonga ma magavaa hadu o denga mounga.

Genesis 18:33

Gai ga lava huu de basa ange o Tagi Maolunga gi Abraham, gai ia ga hano gee mai i kilaa, gai Abraham ne ahe hogi gi dono mommee.

Leviticus 26:12

Au e seesee naa i oodou magavaa, ma de hai go doodou Maadua, gai goodou go ogu dangada.

Hosea 10:8

Denga mommee daumaha o Aven e oha naa, go de mommee o Israel ne haisala ai. Manu daladala ma manu duiduia e ssomo age naa i honga olaadeu mommee o ssigidaumaha. Gai gilaadeu e hai ange naa gi denga mounga, “Haolia gimaadeu!” gai e hai ange naa gi denga duuduu, “Baakuu mai haolia gimaadeu!”