Genesis 29:35 - De Beebaa Dabu

³⁵ Gai ia ne hai dama ange hogi, ga haanau dahi dama daane, gai ia ga hagadaba, “De masavaa nei gai au e tuhi Tagi Maolunga.” Gai ia ga hagaingoo ange ia go Judah. Gai ia tee haanau ange.

Genesis 29:35 Referans Kwoze

Matthew 1:2

Abraham ne hagadili Isaac, Isaac ne hagadili Jacob, gai Jacob ne hagadili Judah ma ono daina.

1 Chronicles 5:2

aagai de aamuli o Judah ne mmahi ange i ono daina ange laa, gai dahi dagi ne sula age i daho ono hagadiilinga, aagai de boolonga o tama madua ne gaavange gi Joseph.)

Deuteronomy 33:7

Ia ne tala dagodo o Judah, ga hagadaba, “Tagi Maolunga, hagalaangona tangidangi a Judah, gaamai ia gi buni ange madali ono dangada. Luoo lima gi suuia ia gi hebagi ai gai koe balea ange ia e hebagi ange ai gi ono hagadaumee.”

Genesis 35:26

Dama a Zilpah, de hine hai hegau o Leah: go Gad, ma Asher. Aanei dama ne haanau ange gi Jacob i Mesopotamia.

Genesis 46:12

Dama daane a Judah: go Er, ma Onan, ma Shelah, ma Perez, aama Zerah (aagai Er ma Onan ne maakau i de henua go Canaan). Dama daane a Perez: go Hezron ma Hamul.

Numbers 1:26

Gai daane mai i de aamuli o Judah: go daane alodahi gu dagimadalua olaadeu ngadau ga hanage ai, gai gu maua i de dau i de hebagi, ne dau ga sisi olaadeu ingoo madali olaadeu aamuli ma huaabodu o olaadeu dubuna madagidagi.

Numbers 34:19

Aanei ingoo o denga daane: tagi o de aamuli o Judah go Caleb tama daane a Jephunneh.

Genesis 30:9

Aagai ga gidee huu e Leah bolo ia gu dee maua gi hanu ange ana dama, gai ia ga kave dono hahine hai hegau go Zilpah ga gaavange gi Jacob, e hai ai dono bodu.

Ezekiel 48:7

De vaaenga e mua ange gi Reuben go de vaaenga o Judah, gai e daamada mai i baasi i dua ga hano ga sao i dai.