Genesis 28:17 - De Beebaa Dabu

¹⁷ Gai ia gu madagu ga hagadaba, “Ga dae laa de hagamaatagu de mommee nei! De mommee nei go de hale donu o de Maadua; gai deenei donu de haitoga o de langi.”

Genesis 28:17 Referans Kwoze

1 Timothy 3:15

Gai noo au gu mmule adu, gai koe gu iloo doo hai e hai hegau ange ai gi dangada i lo te huaabodu o de Maadua, go de nohoanga dabu o de Maadua e mouli laa, gai go tuludulu ma tagelo o de mee abodonu.

Ecclesiastes 5:1

Dagidiiloo au mee e hai i doo masavaa e ulu ai i de hale o de Maadua. E danuaa ange noo koe e hano ga hagallongo, i doo hano ga hai ssigidaumaha a de gau llodo ssenga, go gilaadeu e dee iloo bolo alaadeu mee e hai e dee heohi.

Exodus 3:6

Go au de Maadua o oo dubuna madagidagi; go au de Maadua o Abraham, ma de Maadua o Isaac, aama de Maadua o Jacob.” Gai Moses ga haoli luoono mada, go hiidinga ia gu madagu i de galo ange e tilo de Maadua.

Luke 2:9

Gai tangada de langi o Tagi Maolunga ga hakide ange gi gilaadeu, gai de mahamaha o Tagi Maolunga gu hagamaalama gilaadeu, gai gilaadeu gu maatagu mmao.

2 Chronicles 5:14

Gai de gau haimeedabu gu dee maua i de tuu i kilaa e hai ai alaadeu hegau i de hagausinga laa, go hiidinga de mahamaha o Tagi Maolunga gu hhao ma gu honu de hale o de Maadua.

Judges 13:22

Gai Manoah ga hai ange gi dono bodu, “Gidaau e maakau naa donu, go hiidinga gidaau gu gidee de Maadua.”

Genesis 28:22

Gai de hadu aagu gu hagaduu age nei gi se duludulu hagamaanadu, e hai naa go de hale o de Maadua, gai au e gaavadu naa gi de goe dahi diba i diba e madaangahulu, o mee alodahi aau e gaamai gi de au.”

Revelation 1:17

De masavaa aagu ne gidee ai ia, gai au ga hagabaguu gi honga de gelegele i gaogao luoono vae gu bei dagodo o tangada magau. Aagai ia ga poo mai au i dono lima madau, ga hai mai, “Aude madagu, go au Tahi gai go au de Hagaodi,

1 Peter 4:17

Gai gu dae mai de masavaa e daamada ai de hagamodu muna o dangada o de Maadua; gai noo de hagamodu muna e daamada i gidaadeu, gai aahee ai naa dagodo o dangada e dee hagallongo ange gi de longo danuaa a de Maadua?

Hebrews 10:21

Gai gu dahi odaadeu dangada haimeedabu maolunga e dagina de hale o de Maadua.

Luke 8:35

Aagai dangada ne loomai e tilo mee gu hai laa, gai ga tae mai huu gilaadeu gi daho Iesu, gai gilaadeu gu gidee taane ne ssao mai laa denga hagasaalunga baubau i ono daha gu noho i gaogao luu vae o Iesu, ia gu gahu gai gu dee libolibo ange, gai gilaadeu gu maatagu.

Matthew 17:6

Gai ga langona huu e ana dangada agoago muna laa, gai gilaadeu gu maatagu mmao, gai gilaadeu ga ino olaadeu mada gi honga de gelegele.

Psalm 68:35

De Maadua, koe e hagamaatagu mmao, i doo mommee dabu; de Maadua o Israel ne gaavange de mmahi ma ssauaa gi dono huaadangada. Hagadegi ina de Maadua!

Genesis 28:18

Gai Jacob ga oho age i taiao ga kave de hadu oona ne ulunga ange laa aagena ga hagaduu age e hai ai tuludulu hagamaanadu, gai ia ga llingi ange hanu lolo gi honga de hadu laa.

Exodus 3:5

Gai ia ga hai ange, “Aude humai gi hagabaa mai gi de mommee nei, gai koe aaua oo mee vae, go hiidinga de mommee oou e duu ai naa se gelegele dabu.