Genesis 27:4 - De Beebaa Dabu

⁴ Gai koe ga hai mai ai de haigai mmammami aagu e lodo laa e gai, gai au ga hagamanuuia ai goe i mua dogu magau.”

Genesis 27:4 Referans Kwoze

Hebrews 11:20

De gai o Isaac ne hai ga maua e ia i de hagamanuuia Jacob ma Esau i mee tigi loomai.

Genesis 48:9

Gai Joseph ga hai ange gi dono damana, “Aanei luu dama a de Maadua ne gaamai gi de au i kinei.” Israel ne hai ange, “Gaamai gilaau gi ogu daha, gai au ga hagamanuuia ai gilaau.”

Genesis 49:28

Aanei hagadiilinga alodahi e dinoangahulu ma dogolua o Israel, gai aanei muna a delaadeu damana ne tala ange gi gilaadeu, i de masavaa aana ne hagamanuuia ai gilaadeu. Ia ne hagamanuuia dahi ma dahi i de manuuia e heohi ange gi de ia.

Genesis 27:25

Gai Isaac ga hai ange, “Gaamai hanu au giidagi e gai au, gai au ga hagamanuuia ai goe.” Gai Jacob ne gaamai giidagi laa gi dono damana gi gaina; ia ne gaamai hogi hanu uvaini e unu ia.

Luke 24:51

Gai de masavaa aana e hagamanuuia ai gilaadeu, gai ia gu kave gee mai i olaadeu daha ga gaavage gi de langi.

Luke 2:34

Gai Simeon ne hagamanuuia gilaadeu ga hai ange gi Mary, dono dinana, “Tamaa gauligi nei gu hagababa ange gi oohaa ma de hagaahe age o dangada soa o Israel, gai se hagailonga e hai baasi ange dangada aagena i alaadeu muna,

Joshua 22:6

Gai Joshua ga hagamanuuia gilaadeu ga hai gilaadeu gi aahe, gai gilaadeu ga aahe gi olaadeu mommee.

Joshua 14:13

Gai Joshua ga hagamanuuia ia, ga gaavange Hebron gi Caleb, tama daane a Jephunneh, gi henua ai.

Genesis 27:7

‘Hannoo dilia mai dahi manu e haia ai dahi haigai mmammami e gai au, gai au ga hagamanuuia ai goe i mada luu mada o Tagi Maolunga, i mua dogu magau’.

Genesis 28:3

Gai de Maadua Mmahi Mmao laa e hagamanuuia naa goe, ma de hai goe gi hagadili gi soa, gai koe ga hai ai hanu hagabuulingaa dangada soa.

Genesis 27:31

gai ia ga hagadabena hogi dahi haigai mmammami e gai dono damana, gai ia ga hai ange gi de ia, “Dogu damana, hidi age gaina giidagi a dau dama gu gaamai nei, gai koe ga hagamanuuia ai au.”

Genesis 27:27

Gai Jacob ne hano ga hagabaa ange ga oso dono damana, gai ga dungua huu e Isaac de nnamu o ono malo, gai ia ga hagamanuuia ia, ga hagadaba, “De nnamu o dagu dama daane e bei de nnamu i lo te duu malaelae a Tagi Maolunga gu hagamanuuia.

Genesis 27:23

Gai Isaac tee madea bolo go Jacob deelaa, go hiidinga luoono lima e huluhulua, bei luu lima o Esau dono daina daane, gai ia ga hagamanuuia Jacob.

Genesis 24:60

Gai gilaadeu ne hagamanuuia Rebekah, ga hai ange gi de ia, “Demaadeu daina, koe gi hagadili gi dagisemada dama; oo hagadiilinga gi henua i aduhale o olaadeu hagadaumee.”

Genesis 14:19

Gai ia ne hagamanuuia Abram ga hagadaba, “De Maadua Maolunga Mmao laa e hagamanuuia Abram, go de ia ne haia de langi ma henua i lalo.

Genesis 27:5

Gai Rebekah ne langona de tala ange o Isaac muna nei gi dana dama daane go Esau, gai de masavaa huu o Esau ne hano ai gi lodo henua e tili mai ai de giidagi a dono damana,

Genesis 27:9

Hannoo gi de buibui o de hagabuulingaa ssiibi ma guudi gaamai ai e lua guudi gauligi pedi, gai au ga hai ai de haigai mmammami a doo damana e lodo e gai.

Genesis 27:14

Gai ia ga hano ga gaamai luu manu laa ga gaavange gi dono dinana, gai dono dinana ga hai ai de haigai mmammami a dono damana e lodo laa e gai.

Genesis 27:17

Gai Rebekah ga gaavange de haigai mmammami laa ma pelaoaa aana gu hai gi dana dama go Jacob gi gaavee.

Genesis 27:19

Gai Jacob ga hai ange gi dono damana, “Go au go Esau, dau dama madua; au gu hagassula au muna mai gi de au. Hidi age gaina agu giidagi gu gaamai nei, gai koe ga hagamanuuia ai au.”