Genesis 27:28 - De Beebaa Dabu

²⁸ De Maadua gi gaavadu gi de goe de mee suungia mai i de langi, ma mee moomuna o de gelegele ma grain ma uvaini lagolago.

Genesis 27:28 Referans Kwoze

Deuteronomy 33:28

Gai de gau Israel gu dee maatagu, gai hagadiilinga o Jacob gu nnoho paba, i de henua iai denga grain ma uvaini hoou, gai se mommee e hano iho aagena de mee suungia i de langi.

Deuteronomy 33:13

Ia ne tala dagodo o Joseph, ga hagadaba, “Tagi Maolunga e hagamanuuia delaadeu henua i denga mee danuaa mai i de langi i lunga aama lalo de henua,

Psalm 133:3

Gai e bei de mee maluulu o Hermon, e hano iho laa gi honga de mounga go Zion. Go kilaa a Tagi Maolunga e hagamanuuia ai; go kilaa hogi iai de mouli e dee ngado mai.

2 Samuel 1:21

Goodou denga mounga o Gilboa, gi deai se maluulu be go de langi e pala iho gi oodou elunga, gai denga veelenga gi deai grain iai! Go hiidinga de mee hungihungi a taane mmahi ne maoha i kilaa, de mee hungihungi a Saul gu dee ahe ange e hulu i lolo.

Deuteronomy 32:2

Agu agoago e bei dagodo o de langi pala, agu muna e loiho bei de mee suungia o taiao; bei de langi e pala iho laa gi honga helii se goodo matili age, aama de langi e hano iho maalie laa gi honga denga manu ssomo vaaligiligi.

Deuteronomy 7:13

Ia e aloha naa i goodou ma de hagamanuuia goodou, ga hai goodou gi hagadili gi soa. Ia e hagamanuuia naa oodou dama, ma manu ssomo i honga oodou gelegele — go oodou grain, ma oodou uvaini hoou ma oodou lolo — ma de hai oodou manu gi hagadili gi lagolago, ma dama a oodou ssiibi, i de henua aana gu hagatoo donu ange gi oodou dubuna madagidagi bolo e gaavadu gi goodou.

Zechariah 8:12

Gilaadeu e doo naa denga golee i de masavaa o de nnoho paba. De grapevine e hua naa, gai de gelegele e lagolago naa huamanu e maua ai, gai de maluulu o taiao e hano iho naa i de langi ga hagamaluulu de gelegele. Au e gaavange naa gi dangada e doe mee nei alodahi.

Joel 2:19

Gai Tagi Maolunga e basa ange naa ga hai ange gi gilaadeu: “Tilo, au e gaavadu naa gi goodou denga grain, ma uvaini hoou, aama lolo lagolago, goodou e gaimee naa ga boobosu; gai au e dee ahe ange naa donu e dugu ange denga huaahenua gi hagangadi mee ina goodou.

Isaiah 45:8

De langi i lunga, haia gi hano iho de heohi bei de langi pala mai i denga hagausinga. Gai henua i lalo gi huugea ono haitoga, gi somo age ai de hagaola gai de heohi gi matili age hogi; go au, go Iahweh ne haia de mee nei.

Psalm 104:15

ma uvaini e hagamalangilangi ai tangada, ma lolo e hulu ai luoono mada gi malamalama, aama gai e hagammahi ai de angaanga o tangada.

Psalm 36:8

Gilaadeu e gaimee i mee lagolago i doo hale; koe e hai gilaadeu gi unu i dau saalingaa vai iai laa de malangilangi.

1 Kings 17:1

Gai Elijah, taane Tishbe mai i Gilead, ne hai ange gi Ahab, “Au e hagatoo donu adu gi de goe i de mouli o Tagi Maolunga, de Maadua o Israel, go de ia oogu e hai hegau ange nei aagena, bolo e deai naa donu se mee maluulu aabe se langi e pala i hanu ngadau, gai go dagu hagadaba donu huu bolo ga hai mee nei.”

Numbers 18:12

Au gu gaavadu hogi gi goodou denga lolo danuaa hugadoo, ma denga uvaini hoou aama grain a dangada e ngadi gaavange gi Tagi Maolunga, mai i denga huamanu e hagihagi i taamada.

Hebrews 11:20

De gai o Isaac ne hai ga maua e ia i de hagamanuuia Jacob ma Esau i mee tigi loomai.

Zechariah 9:17

Ga dae laa de tilo danuaa ma de mahamaha ono dangada! Hua o denga grain e hai naa ga mmahi denga dama daane, gai denga uvaini hoou e hai naa ga mmahi denga damaa hine.

Micah 5:7

Gai dangada o Jacob e doe i daho denga huaadangada soa e bei naa de mee maluulu mai i daho Tagi Maolunga, ma de langi pala i honga helii, e dee tali ange donu dahi dangada aabe e dahi alaadeu tali ange gi tangada.

Jeremiah 14:22

Gu hanu laa ngadi diinonga i magavaa diinonga o denga huaahenua e maua i de hai gi pala de langi? E aha, e maua e de langi i de hai gi pala iho de langi? E deai, gai go Iahweh demaadeu Maadua e haia mee nei. Deenei ai, go koe demaadeu tali hagalodolodo, gai go koe e haia mee nei alodahi.

2 Chronicles 2:10

Au e gaavadu naa hogi e luasemada cor wheat, ma e luasemada cor barley, ma e luasemada bath uvaini, ma e luasemada cor lolo e haangai ai oo dangada hai hegau ma denga daane e duuduudia laagau.”

1 Kings 5:11

gai Solomon ne gaavange gi Hiram e luasemada cor grain, e haangai ai dangada i dono hale, ma e luasemada bath lolo ne tugi. Ia ne gaavange gi Hiram mee nei i ngadau alodahi.

Joshua 5:6

Go hiidinga de gau Israel ne seesee saele i de vao i e madahaa ngadau, ga dae ai gi de odi denga daane hebagi alodahi, ne ssao mai laa i Egypt i de maakau. Gilaadeu ne maakau i hiidinga gilaadeu tee hagallongo ange gi muna a Tagi Maolunga, gai Tagi Maolunga ne hagatoo donu ange gi gilaadeu bolo gilaadeu e dee gidee naa donu de henua aana gu hagatoo donu ange gi omaadeu dubuna madagidagi e gaamai gi gimaadeu, se henua iai denga vai uu ma hooni lagolago.

Genesis 49:20

Asher e gai naa gai moomuna ma de mmammami, gai e hai gai moomuna e heohi ange gi denga hodooligi.

Genesis 45:18

gai goodou ga gaamai doodou damana ma dono huaabodu ga aahe mai ai gi ogu daha. Gai au ga gaavadu gi goodou de mommee danuaa hugadoo i de henua go Egypt, gai goodou gu maua i de gai mee moomuna o de henua.’

Romans 11:17

Aagai noo hanu laa gu aau gee, gai koe, de laa o de uli o dahi olive de vao, gu hagapigi ange madali denga laa ange laa, gai iainei koe gu kave hogi mahi mai i aga o de olive laa,

Numbers 13:20

gai aahee dagodo o de gelegele, e danuaa be deai. Gai diiloo be e lagolago manu e ssomo ai be deai. Gai goodou hagammahi gaamai hanu huamanu i de henua madali goodou.” (Gai de masavaa laa go de masavaa e daamada ai de lleu denga grape.)

Genesis 27:39

Gai dono damana go Isaac ga basa ange, ga hai ange gi de ia, “Tilo, doo mommee noho ai e mmao gee i de gelegele e hhua danuaa ai denga manu ssomo, ma mai i de mommee e hano iho ai de mee suungia o de langi.

Genesis 27:37

Gai Isaac ne basa ange ga hai ange gi Esau, “Au gu hai ia go doo dagi, gai ono daina alodahi e hai hegau ange naa gi de ia; gai au gu gaavange gi de ia denga grain, ma uvaini e gaimee ai ia. Gai se aha naa donu aagu e maua i de hai adu maau, e dagu dama?”

Genesis 49:25

Gai de Maadua o doo damana e bale adu naa goe, gai de Ia Mmahi Mmao laa e hagamanuuia naa goe i denga manuuia i lo te langi i lunga, ma manuuia i lo te gelegele i lalo de henua, ma denga manuuia o de gaanuunu ma de mommee o denga dama.

Proverbs 3:20

Dono iloo mee ne vvae denga moana kelo, gai ne hai gi hano iho de mee suungia i lodo hagausinga.

Proverbs 19:12

De bole o de hodooligi e bei de hagangolo o de laiono, aagai dono abodonu e bei de mee suungia e hano iho laa gi honga helii.