Genesis 26:1 - De Beebaa Dabu

¹ Gai gu onge honga de henua — bei de onge ne hai laa i de masavaa o Abraham e mouli ai — gai Isaac ne hano ga noho i Gerar i daho Abimelek, de hodooligi o de gau Philistia.

Genesis 26:1 Referans Kwoze

Genesis 12:10

Gai gu onge honga de henua, gai Abram ne hano gi Egypt ga noho ai, go hiidinga gu kona de laumalie de onge i honga de henua.

Genesis 25:11

Dua huu de magau o Abraham, gai de Maadua ne hagamanuuia dana dama daane go Isaac. Gai Isaac e noho i Beer Lahai Roi.

Genesis 25:34

Gai Jacob ne gaavange gi Esau hanu pelaoaa ma hanu suba lentil. Gai ia ga noho ga gaimee ma de unu, muli mai gai ia ne hano gee mai i kilaa. Gai Esau ne hagangadi mee donu de boolonga o tama madua.

Genesis 42:5

Gai denga dama a Israel ne hulo hogi ga hagao mee madali dangada, i hiidinga gu hai hogi de onge i de henua go Canaan.

Genesis 43:1

Gai gu kona huu de laumalie de onge i de henua laa.

Exodus 33:1

Gai Tagi Maolunga ga hai ange gi Moses, “Goodou ma dangada aau ne hagassao mai naa i de henua go Egypt hulo gee mai kinei, goodou hulo gi de henua aagu gu hagatoo donu ange laa gi Abraham, ma Isaac, aama Jacob, ma gu hai ange, ‘Au e gaavange naa de henua nei gi doo aamuli.’

Ruth 1:1

De masavaa o de gau hagamodu muna e dagi ai de henua, gai ne hai de onge laumalie i honga de henua. Gai e dahi daane mai i Bethlehem i Judah, ma dono bodu aama luaana dama daane ne hulo gee mai ai i Judah. Gai gilaadeu ne hulo ga nnoho gaainga i de henua go Moab.

2 Samuel 21:1

De masavaa o David e hodooligi ai, gai ne duudagi de hai de onge i honga de henua i e dolu ngadau. Gai David ne ssili ange gi Tagi Maolunga dagodo o de onge. Gai Tagi Maolunga ne hai ange, “De onge nei ne hai i hiidinga o Saul ma dono huaabodu daa dangada; go hiidinga gilaadeu ne daa ga maakau de gau Gibeon.”