Genesis 25:27 - De Beebaa Dabu

²⁷ Gai ga maatua huu luu gauligi daane laa, gai Esau se daane dau i de dili manu, ia ne noho saele i lodo henua, aagai Jacob se daane dee muu, ia e noho i lodo hale malo.

Genesis 25:27 Referans Kwoze

Hebrews 11:9

De gai ne hai ga maua e ia i de noho gaainga, i de henua gu lava i de hagatoo donu ange gi de ia; gai ia ne noho i lodo hale malo madali Isaac ma Jacob, go luu daane ne gaavee de boolonga madali ia i de hagatoo donu daudahi.

Genesis 21:20

Gai de Maadua ne noho i daho tama laa, gai ia ne madua age i lodo henua, gu se daane dau i de dili manu.

Genesis 10:9

Gai ia gi se daane e abo i de dili manu i mada luu mada o Tagi Maolunga; deelaa ai, e hai ange, “Koe e bei dagodo o Nimrod, taane abo i de dili manu i mada luu mada o Tagi Maolunga.”

Genesis 6:9

Deenei taalanga o de huaabodu o Noah. Noah se daane e heohi aama tee haisala i dono atangada; Noah ne seesee madali de Maadua.

Psalm 37:37

Daumada ina tangada e dee haisala, gai diiloo dagodo o tangada heohi; tangada daudonu e soa naa ono hagadiilinga.

De Beebaa go Job 1:8

Gai Tagi Maolunga ga ssili ange hogi gi Satan, “Koe gu gidee naa dagodo o dogu dangada hai hegau go Job? E deai ange donu se dangada e bei ono dagodo i henua i lalo; ia e dee haisala ma de heohi, gai e madagu i de Maadua ma de kino i de baubau.”

De Beebaa go Job 1:1

E dahi daane e noho i de henua go Uz, dono ingoo go Job. Ia se daane e dee haisala gai e heohi, gai ia e madagu i de Maadua ma de kino i de baubau.

Genesis 46:34

gai goodou ga hai ange, ‘Gimaadeu, oo dangada hai hegau ni dangada haangai manu, mai loo i de masavaa omaadeu e gauligi ai, bei dagodo o omaadeu dubuna madagidagi.’ Gai ia e dugu adu naa goodou gi nnoho i Goshen, go hiidinga de gau haangai manu alodahi, ni dangada e hakino gee i daho de gau Egypt.”

Genesis 27:40

Koe e mouli naa i dau gadilaasa, gai koe e hai hegau ange naa gi doo daina daane. Aagai de masavaa naa huu oou e huli ange ai gi de ia, gai koe e hadihadi naa dana laagau gu hagauda adu gi honga doo eu.”

De Beebaa go Job 2:3

Gai Tagi Maolunga ne ssili ange gi Satan, “Koe gu gidee naa dagodo o dogu dangada hai hegau go Job? E deai ange donu se dangada e bei ono dagodo i henua i lalo; ia e dee haisala ma de heohi, gai e madagu i de Maadua, ma de kino i de baubau. Gai ia goi duudagi donu huu de hai hegau i de muna abodonu, e dee galemu donu koe gu hai au gi hai baasi ange gi de ia, ma de hagaduasala ia, gai e deai donu hiidinga.”

Jeremiah 35:7

Goodou e dee hagatuu hogi hanu hale, be e doo hanu manu aabe ni veelengaa grape. Aagai goodou nnoho i lodo hale malo i taulooloa oodou mouli, gi lagolago ai laangi oodou e nnoho ai i de henua oodou e nnoho gaainga ai.’