Genesis 23:4 - De Beebaa Dabu

⁴ “Au se dangada henua gee e noho gaainga i oodou daha, gai goodou gaamai dahi mommee i oodou daha e hai ai dahi mommee e hai ai agu daanunga, gai au ga kave dagu magau e danu ai.”

Genesis 23:4 Referans Kwoze

Hebrews 11:9

De gai ne hai ga maua e ia i de noho gaainga, i de henua gu lava i de hagatoo donu ange gi de ia; gai ia ne noho i lodo hale malo madali Isaac ma Jacob, go luu daane ne gaavee de boolonga madali ia i de hagatoo donu daudahi.

1 Chronicles 29:15

Gai gimaadeu ni dangada henua gee i mada luoo mada, gai ni dangada e nnoho gaainga, bei dagodo omaadeu dubuna madagidagi alodahi. Gai omaadeu laangi i henua i lalo e bei de goohunga o de laa e lilo ngaohie laa, e dee maua gi dagodo.

Genesis 17:8

Gai de henua alodahi o Canaan, oou e noho gaainga ai naa, e gaavadu naa gi doo hagadiilinga e loomai i oo dua ga hano ai; gai au e hai naa go delaadeu Maadua.”

Psalm 119:19

Au se dangada e noho gaainga i henua i lalo; koe gi dee hagamuunia au muna i de au!

Acts 7:5

Gai de Maadua tee bolo ange gi de ia dahi damaa mommee e duu ange dono vae aagena. Aagai ne hagatoo donu ange bolo gilaadeu ma dono hagadiilinga e loomai laa i ono dua e kave naa i de henua nei, e dee galemu donu tigi ai sana dama i de masavaa laa.

Psalm 39:12

Tagi Maolunga, hagalaangona dagu dalodalo, hagalaangona dogu dangi adu koe gi balea mai; koe gi dee hagangadi mee ina dogu dangi. Go hiidinga au se dangada e noho gaainga gai se dangada henua gee bei ogu dubuna madagidagi alodahi.

Leviticus 25:23

“ ‘Gai denga alahenua e dee maua donu i de hagao gi daha ga hano ai; go hiidinga de henua niiogu, gai goodou ni dangada henua gee e nnoho gaainga i dogu henua.

Genesis 49:30

i lo te haonga i honga de alahenua i Machpelah, i baasi dua o Mamre i de henua go Canaan, go de alahenua a Abraham ne hagao mai i daho Ephron, taane Heth e hai ai de mommee o ana daanunga.

1 Peter 2:11

Ogu daina hagamogomogo, au e hagammahi adu goodou e nnoho gaainga ma de mavaevae saele, gi dilia lodo haisala o de angaanga, go mee e hai baasi ange laa gi oodou hagasaalunga.

Ecclesiastes 12:7

gai de mama o de gelegele e ahe ange naa gi de gelegele, ne daamada mai ai laa, gai de hagasaalunga e ahe gi daho de Maadua ne gaavange laa.

Ecclesiastes 12:5

de masavaa olaadeu gu maatagu ai i de mommee maolunga, gai denga mee hagamaatagu gu honga denga haiava; i de masavaa e aala ai hua o de almond, gai de itebuubuu gu tagi luoono vae, gai gu deai donu se lodo e hanage i ono lodo; go hiidinga tangada e hano gi dono mommee e dee ngado mai, gai de gau hinangalosaa e hulo saele i honga haiava;

Ecclesiastes 6:3

Noo tangada e hagadili e lau dama ma de mouli i ngadau lagolago, gai ga daulooloa naa donu dono mouli, gai noo ia e dee maua gi malangilangi i mee danuaa o de mouli nei, gai teai hogi dangada ne danumia ia, gai au e hagadaba bolo tama ssege e danuaa ange i de ia.

De Beebaa go Job 30:23

Au e iloo bolo koe e kave naa ngau gi de magau, go de mommee gu hagadabena ange gi dangada alodahi e mouli.

Genesis 50:13

gilaadeu ne hagauda ia ga kave gi de henua go Canaan, ga danu i lo te haonga i de alahenua i Machpelah i de baasi dua o Mamre, go de alahenua a Abraham ne hagao mai i daho taane Heth go Ephron, e hai ai de mommee o ana daanunga.

Genesis 47:9

Jacob ne hai ange gi Pharaoh, “Gu 130 ogu ngadau gu noho gaainga saele ai. Ogu ngadau ne mouli ai e sogoisi ma de hai ngadaa, gai au tigi daea donu ngadau o ogu maadua ne nnoho gainga saele ai.”

Genesis 3:19

Koe e hai hegau naa gi salia goe i taadaa, gai koe ga maua i de gaimee, ga dae ai gi doo ahe ange gi de gelegele, go hiidinga koe ne kave mai i de gelegele; gai koe go de mama donu o de gelegele, deelaa ai, koe e ahe ange naa donu gi de gelegele.”

Acts 7:16

Gai olaadeu angaanga ne hagaahe ga danu i Shechem, go de mommee iai denga daanunga a Abraham ne hagao i hanu selevaa i daho denga dama a Hamor i Shechem.

Genesis 23:5

Gai de gau Heth ga pasa ange gi Abraham, ga hai ange gi de ia,

Exodus 2:22

Gai Zipporah ne hai dama ga haanau dahi dama daane, gai Moses ga hagaingoo ange ia go Gershom, i hiidinga ia ne hagadaba, “Au se dangada e noho gaainga i dahi henua gee.”