Genesis 21:2 - De Beebaa Dabu

² Gai Sarah gu hai dama, gai ia gu haanau ange gi Abraham dahi dama daane i de masavaa oona gu madumadua ai, gai ne hai i de masavaa gu lava laa i de hagailonga, bei dagodo muna a de Maadua ange gi de ia.

Genesis 21:2 Referans Kwoze

Hebrews 11:11

De gai o Sarah ne hai ga maua e ia i de haanau hanu dama, e dee galemu donu gu ui dono masavaa e maua ai gi hai dama, go hiidinga ia ne hagadaba bolo de ia ne haia de hagatoo donu laa, e hai hegau i de muna abodonu.

Galatians 4:22

Gai gu sisi i de Beebaa Dabu bolo Abraham e dogolua ana dama daane, dahi se dama nii de hine hai hegau, gai dahi se dama nii de hine ilaage.

Acts 7:8

De Maadua ne gaavange gi Abraham de hagatoo donu hagaheloongoi o de tuu dagaholiage. Gai Abraham ne hagadili Isaac, gai ne tuu dagaholiage ia i dua de hagavalu laangi; Isaac ne hagadili Jacob, gai Jacob ne hagadili odaadeu dubuna hagadubu e dinoangahulu ma dogolua.

Luke 1:36

Gai tilo, doo dangada go Elizabeth gu hai dama hogi i dahi dama daane i dono masavaa gu madumadua ai nei, gai deenei de ono malama o de hine e hagabinga laa bolo se hine dee hua.

Genesis 18:14

E deai donu se mee daudahi e hai ngadaa i daho Tagi Maolunga! Au e ahe mai naa donu gi ooluu daha i de masavaa gu hagamodu i de ngadau e humai nei, gai Sarah e haanau naa dahi dama daane.”

Genesis 18:10

Gai Tagi Maolunga ga hai ange, “Au e ahe mai naa donu gi ooluu daha i de masavaa mau i de ngadau e humai nei. Gai tilo, doo bodu go Sarah e haanau naa dahi dama daane.” Gai Sarah ne duu ga hagallongo alaadeu muna i gaogao de haitoga o de hale malo i ono dua.

Genesis 17:19

Gai de Maadua ga hai ange, “E dee go ia, gai doo bodu go Sarah e haanau adu naa gi de goe dahi dama daane, gai koe ga hagaingoo ange ia go Isaac. Gai au e hai naa dagu hagatoo donu hagaheloongoi madali ia, gai se hagatoo donu hagaheloongoi e deai se ngado mai ange gi dono aamuli i muli mai.

Genesis 17:21

Gai au e hai naa dagu hagatoo donu hagaheloongoi madali Isaac, tama a Sarah e haanau adu gi de goe, i de masavaa bee nei i de ngadau e humai nei.”

Romans 9:9

Gai aanei muna o de hagatoo donu, “De masavaa bee nei gai au e ahe mai naa, gai Sarah e haanau naa dahi dama daane.”

Joshua 24:3

Gai au ne kave doodou dubuna go Abraham mai i de baasi laa o Euphrates, ga dagi saele ia i de henua go Canaan, ma de hai ga soa dono hagadiilinga. Au ne gaavange gi de ia Isaac,