Genesis 2:7 - De Beebaa Dabu

⁷ Gai Tagi Maolunga go de Maadua ga hagaholi tangada mai i bela o de gelegele, gai ia ga busi ange de madangi o de mouli gi lodo luoono bongaa usu, gai taane laa gu se dangada e mouli.

Genesis 2:7 Referans Kwoze

1 Corinthians 15:45

Gai gu sisi e hai ange, “Adam, go tangada ne hai i taamada, ia ne hai ga se dangada e mouli;” gai de Adam hagaodi se dangada e mouli iai de hagasaalunga e vange de mouli gi dangada.

De Beebaa go Job 33:4

De Hagasaalunga o de Maadua ne hai au, gai de madangi o de manava o de Ia Mmahi Mmao laa ne hai au gi mouli.

Ecclesiastes 12:7

gai de mama o de gelegele e ahe ange naa gi de gelegele, ne daamada mai ai laa, gai de hagasaalunga e ahe gi daho de Maadua ne gaavange laa.

Isaiah 64:8

Gai iainei, Tagi Maolunga, go koe demaadeu Damana. Gimaadeu go denga bela pigi, gai koe go de ia hai gumedi hadu; gimaadeu alodahi ni mee niiau ne hai.

Acts 17:25

Gai e dee ni dangada e hai hegau ange gi de ia, e dagodo be ia e duasala i dahi mee. Aagai go ia donu e gaavange gi dangada alodahi de mouli, ma de madangi olaadeu e manamanava ai aama mee ange alodahi.

1 Corinthians 15:47

Tahi dangada ne hai i gelegele o henua i lalo; gai togolua dangada ne humai i de langi.

Genesis 3:19

Koe e hai hegau naa gi salia goe i taadaa, gai koe ga maua i de gaimee, ga dae ai gi doo ahe ange gi de gelegele, go hiidinga koe ne kave mai i de gelegele; gai koe go de mama donu o de gelegele, deelaa ai, koe e ahe ange naa donu gi de gelegele.”

De Beebaa go Job 27:3

taulooloa o dogu mouli, gai de manava o de Maadua i lodo luoogu bongaa usu,

Genesis 7:22

mee alodahi e mouli ma e manavanava i honga de henua gu odi i de maakau.

Zechariah 12:1

Muna hagadaemaha a Tagi Maolunga i dagodo o Israel. E hagadaba Tagi Maolunga, go de ia ne hoolaa laa de langi ma de hai henua i lalo, gai go de ia ne haia de hagasaalunga o tangada:

Psalm 103:14

Go hiidinga ia e iloo odaadeu dagodo; ia e manadua bolo gidaadeu ni mama.

Psalm 100:3

Goodou gi iloo bolo Iahweh go de Maadua donu. Go ia ne haia gidaadeu, gai niiana donu gidaadeu; gidaadeu go ono dangada, gai go ssiibi i dana mommee iai helii.

Romans 9:20

Koe se dangada, gai go koe goai, gai koe ga tugi ange ai muna a de Maadua? E maua e de gumedi hadu i de hai ange gi tangada hai gumedi, “Gu aha goe gu hai ai nei au gi dagodo bee nei?”

Isaiah 2:22

Aude tali hagalodolodo ange gi dangada, e manavanava laa i luoono bongaa usu. Gai ni aha naa donu aau e mau ai?

Genesis 3:23

Gai Tagi Maolunga go de Maadua ga alualu taane laa gi hano gee mai i de veelenga go Eden, gai ia ga hagabalabala ai ga doo de gelegele oona ne daamada mai ai laa.

Hebrews 12:9

E dahi ange mee: odaadeu damana donu e haele gidaadeu, gai gidaadeu e hagadubu gilaadeu. Gai e kii ange mmao de hagamogomogo taadeu hagallongo ange, gi Tamana o denga hagasaalunga gi mouli ai gidaadeu!

Numbers 16:22

Gai gilaau ga ino ga hagapaa olaau mada gi honga de gelegele, ga hai ange, “De Maadua, go de Maadua o hagasaalunga o dangada alodahi, koe ga daohi naa donu huu doo lili i de hagabuulingaa dangada nei, i hiidinga haisala o dahi dangada sogosogo?”

Proverbs 20:27

De hagasaalunga o tangada go de laama a Tagi Maolunga e ssala ai laa gi gidee dagodo lodo alodahi o tangada.

De Beebaa go Job 33:6

Tilo, gidaau se dagodo daudahi i daho de Maadua; au se dangada hogi ne hai i gelegele pigi.

2 Corinthians 5:1

Gai gidaadeu e iloo bolo noo de hale malo, go odaadeu angaanga, odaadeu e mouli ai nei i henua i lalo gu maoha, gai e dahi odaadeu hale gu hagaduu i daho de Maadua, e dee se hale e hai i lima o dangada, gai se hale e dee ngado mai i de langi.

2 Corinthians 4:7

Aagai de mee hagamogomogo nei e hhao i lodo ssaa e hai i bela pigi, e hagaago mai ai bolo ssauaa e dubu ange laa i mee alodahi se mee mai i daho de Maadua, e dee se mee mai i odaadeu.

John 20:22

Ga lava huu i dana tala muna nei, gai ia ga manava ange i olaadeu elunga, ga hai ange gi gilaadeu, “Goodou gaavee de Hagasaalunga Dabu.

De Beebaa go Job 4:19

gai dee hee maa naa de kii ange dana dee hagadonu dangada ne hai i bela pigi, go gilaadeu ne daamada mai i gelegele, gai e hai ngaohie ange de oha gilaadeu i dahi lengisi.

Numbers 27:16

“Tagi Maolunga, de Maadua e gaavange laa de hagasaalunga o de mouli gi dangada alodahi, gi hilia dahi dangada gi dagina de hagabuulingaa dangada nei,

Ecclesiastes 3:7

e dahi masavaa e saesae ai, gai e dahi hogi masavaa e dui ange ai; e dahi masavaa e dee mmuu ai, gai e dahi hogi masavaa e pasa ai;

1 Timothy 2:13

I hiidinga go Adam ne hai i mua gai muli mai go Eve.

Genesis 2:6

gai de mama o denga vai lo te gelegele e hanage ma e hagamaluulu honga de gelegele alodahi.

Lamentations 4:20

De ia a Tagi Maolunga gu hagadabu i de lolo, go de ia omaadeu e mouli ai, gu too ange gi lodo geelonga. Gai gimaadeu ne maanadu bolo gimaadeu e nnoho i lalo dono malu, i demaadeu nnoho i magavaa o denga huaahenua.

Ezekiel 37:5

De Ia Aamua go Iahweh e hai ange gi denga ivi nei: Tilo, au e hai naa de madangi gi ulu adu gi goodou, gi aahe ange ai goodou gi mouli.

Genesis 1:27

Gai de Maadua ne hai tangada ga hagadulagi ange gi ono dagodo donu, ia ne hai tangada gi bei hagadulagi o de Maadua; ia ne hai taane ma de hine.

Ezekiel 37:6

Au e hai naa gi pigi adu denga uaua gi goodou, ma de hai denga kano gi aahe ange gi pigi adu gi goodou, ma de haoli goodou i denga gili; au e gaavadu naa de madangi gi goodou, gai goodou e aahe ange naa ga mouli. Gai gi iloo ai e goodou bolo go au donu go Iahweh.’ ”