Genesis 19:37 - De Beebaa Dabu

³⁷ Gai tamaa hine madua ne haanau dahi dama daane, gai ia ga hagaingoo ange ia go Moab; go ia ne hagadili ina de gau Moab ga dae mai ai gi anailaa nei.

Genesis 19:37 Referans Kwoze

Deuteronomy 2:9

Gai Tagi Maolunga ne hai mai gi de au, “Goodou e dee hakoso de gau Moab gi hebagi adu ai gilaadeu gi goodou, aabe e hagadaumee ange gi gilaadeu, go hiidinga au e dee gaavadu donu gi goodou, dahi damaa mommee i delaadeu henua. Au gu gaavange Ar gi de aamuli o Lot gi henua ai.”

Ruth 4:10

Gai au e kave hogi a Ruth de hine Moab, de bodu o Mahlon, e hai ai dogu bodu. Gai gimaau ga hai ai gi dee lilo de ingoo o demaadeu daina gu magau laa i honga dono alahenua, ma mai i daho dono huaabodu aama mai i dono aduhale. Anailaa nei gai goodou gu hai ai de gau hagadonu o mee nei!”

Deuteronomy 23:3

E deai donu se dangada Ammon be se dangada Moab e maua i de dau madali de hagabuulingaa dangada o Tagi Maolunga, ga dae ai loo gi de madaangahulu atangada.

Deuteronomy 2:19

Gai ga tae naa huu goodou gi de mommee o de gau Ammon, gai goodou e dee hakoso gilaadeu, gi hebagi adu ai gilaadeu gi goodou, i hiidinga au e dee gaavadu donu gi goodou dahi mommee i de henua o de gau Ammon, go hiidinga au gu gaavange de mommee laa gi de aamuli o Lot gi henua ai.”

Numbers 21:29

De gau Moab, goodou e vakaa naa! Dangada o Chemosh, goodou e maakau donu! Ia gu tili ana dama gi silivaahea saele, gai ana damaa hine gu noonoodia ma gu gaavee gi Sihon, de hodooligi o de gau Amor.

Genesis 19:36

Gai luu damaa hine a Lot gu hai tama ange ngaadahi gi delaau damana.

1 Samuel 14:47

De masavaa o Saul ne hodooligi ai i Israel, gai ia ne hebagi ange gi ono hagadaumee alodahi i luu baasi de henua: go de gau Moab, ma de gau Ammon, ma de gau Edom, ma denga hodooligi o Zobah, aama de gau Philistia. Gai mommee alodahi oona e hano aagena, gai ia ne hagaduasala gilaadeu.

Psalm 83:9

Haia gilaadeu gi bei dagodo o de gau Midian, ma Sisera aama Jabin i gaogao ssaalingaa vai go Kishon,

Zephaniah 2:8

“Au gu langona de hagammae manava a de gau Moab ma de gau Ammon ogu dangada, i delaadeu hagammae manava dogu huaadangada ma de pasa hagamaolunga i delaadeu henua.