Genesis 19:3 - De Beebaa Dabu

³ Aagai ia ne hagammahi ange gilaau, gai gilaau ga hulo ai loo madali ia gi dono hale. Gai Lot ne hai hanu gai e gaimee ai gilaau; ia ne dao hanu pelaoaa dee hagahua, gai luu daane laa ga nnoho ga gaimee.

Genesis 19:3 Referans Kwoze

1 Samuel 28:24

Gai de hine laa e dahi ana kaau gauligi gu lava i de haangai ma gu bedi. Gai ia ga hagamoolau ga daa de kaau laa, ga hagabau hanu pelaoaa lligi ga labu ai hanu pelaoaa dee hagahua ga dao.

Judges 6:19

Gai Gideon ne hano gi dono hale ga hai gu mmoa dahi guudi gauligi, ga hagabau ange e dahi ephah pelaoaa lligi ga hai ai hanu keege dee hagahua. Gai ia ga hhao ange kano manu laa gi dahi gede, gai vai o denga kano laa ne hhao ange gi dahi anibada, gai ia ga kave gi lalo de manu somo laa ga gaavange gi taane laa.

Hebrews 13:2

Goodou gi dee ngalo de abodonu ange gi de gau henua gee, go hiidinga deenei de hai a hanu ne abodonu ange ai gi hanu dangada de langi, gai gilaadeu tee iloo donu.

1 Corinthians 5:8

Deenei ai, gidaadeu ga hai Taonga Hagasili, gai e dee hai i mee hagahua duai, be go de mee hagahua go de vaivai hai dangada ma de baubau, aagai e hai i pelaoaa e dee hagahua, go de lodo e gilimalali ma de mee abodonu.

Exodus 12:39

Gai gilaadeu ga dao hanu pelaoaa dee hagahua i pelaoaa alaadeu ne labu ga gaamai madali gilaadeu i Egypt, i hiidinga teai mee hagahua ne gaavange aagena, go hiidinga gilaadeu ne daa hagalele donu huu delaadeu haia gi hulo gee mai i Egypt, deelaa ai, gilaadeu tee maua i de hagadabena alaadeu pelaoaa aabe go gai ange laa.

2 Corinthians 5:14

Go hiidinga de aloha o Klisdo e usuusu mai gimaadeu, i hiidinga gimaadeu gu iloo de mee nei: e dahi ne magau i hiidinga o dangada alodahi, deelaa ai, dangada alodahi gu maakau madali ia.

John 12:2

Gai gilaadeu ne hai ange dahi daonga gi Iesu i kilaa. Martha e duha denga gai, gai Lazarus e hakaogao i teebele madali ia.

Luke 14:23

Gai dono dangada aamua ga hai ange hogi gi de ia, ‘Hannoo gi honga haiava ma dao haiava i tua de aduhale, usuusuhia ange ai dangada gi loomai, gi haoa gi honu dogu hale.

Luke 11:8

Au e hai adu gi goodou: noo tangada i lo te hale e dee hidi age e gaavange hanu mee gi de ia i hiidinga gilaau se hai soa, aagai ia e hidi age naa donu ga gaavange mee alodahi oona e lodo ai, i hiidinga dono soa tee helui dono hagammahi ga dangidangi.

Luke 5:29

Gai Levi ne hai ange dahi daonga laumalie gi Iesu i dono hale; gai ne soa hogi dangada hagabudu taagisese ma dangada ange laa ne nnoho ga gaimee i teebele madali gilaadeu.

2 Kings 4:8

Dahi laangi gai Elisha ne hano gi Shunem, gai e dahi hahine lava e noho laa i kilaa. Ia ne gauna ange ia gi humai gi gaimee. Deelaa ai, masavaa alodahi oona e humai ai gi de mommee laa, gai ia e hano gi kilaa ga gaimee ai.

Exodus 12:15

E hidu laangi oodou e gai ai pelaoaa e dee hagahua. Tahi laangi naa huu o denga laangi e hidu nei, gai goodou ga aau gee denga mee hagahua i lodo oodou hale, go hiidinga tangada naa huu e gaina pelaoaa hagahua i denga laangi e hidu nei, gai e vvae gee mai i daho de gau Israel.

Genesis 21:8

Gai ga madua huu de gauligi laa, gu dee unuunu, gai Abraham ga hai dahi daonga laumalie i de laangi o Isaac ne hai ai gi dee unuunu.

Genesis 19:2

ga hai ange, “Luoogu dangada aamua, au e dangidangi adu, gooluu taa mai gi de hale o dooluu dangada hai hegau, ga nnoho ai aaboo nei. Gai gooluu ga hhui ai ooluu vae ga sseni ai aaboo nei; gai gooluu ga oho age ai ga hulo i boo taiao.” Gai gilaau ga hai ange, “E deai, gimaau e sseni donu huu i duaahaho aaboo nei.”

Genesis 24:31

Gai ia ga hai ange, “Humai, koe se dangada gu hagamanuuia i daho Tagi Maolunga. Gai gu aha gu duu ai naa goe i tua de aduhale? Au gu hagadabena dahi mommee moou i de hale, ma dahi mommee moo denga gamelo.”

Genesis 26:30

Gai Isaac ga hai ange dahi daonga gi gilaadeu, gai gilaadeu ga gaimee ai ma de unu.