Genesis 18:20 - De Beebaa Dabu

²⁰ Gai Tagi Maolunga, ne hai ange, “Muna hagabaubau o Sodom ma Gomorrah gu kona donu de lagolago, gai olaadeu haisala gu kona mmao de hagadaemaha.

Genesis 18:20 Referans Kwoze

Genesis 19:13

Gimaau gu dai oha naa donu de mommee nei, go hiidinga muna e hagabaubau ai gilaadeu gu lagolago mmao, gai gu tae age donu gi mada luu mada o Tagi Maolunga, gai ia gu hai gimaau gi loomai gi oohaa de aduhale nei.”

Isaiah 3:9

Olaadeu mada e hagabaubau donu huu gilaadeu; gilaadeu e hagaago mai olaadeu haisala bei Sodom; gilaadeu e dee hagammuni donu olaadeu haisala. E vakaa naa gilaadeu! Gilaadeu e hagaduasala donu huu gilaadeu.

Genesis 13:13

Gai de gau Sodom ni dangada baubau, ma de kona de haisala ange gi Tagi Maolunga.

Genesis 4:10

Gai Tagi Maolunga ga hai ange, “Se hegau bee hee aau gu hai nei? Tilo, dodo o doo daina e tangi mai gi de au i lo te gelegele.

James 5:4

Tilo, hagaoanga o de gau hai hegau ne hagihagia hua o oodou veelenga e tangi, go hiidinga goodou tee hagao ange gilaadeu. Gai Tagi o denga hagabuulinga hebagi gu langona de tangi o de gau hagihagi.

Jeremiah 14:7

Tagi Maolunga, omaadeu baubau gu hagahaisala gimaadeu, aagai koe balea mai i hiidinga o doo ingoo. Gu kona mmao tee modu demaadeu aahe dua; gimaadeu gu haisala adu donu gi de goe.

Isaiah 5:7

De veelengaa grape a Tagi o denga hagabuulinga hebagi go de hale o Israel, gai dangada o Judah go de veelenga oona e malangilangi ai laa. Ia ne ssala de hagamodu muna heohi i kilaa, aagai tilo, go de daa dangada donu huu aana ne gidee; ia ne saalaa de heohi, aagai tilo, go de tangi donu huu o dangada aana ne langona!

Genesis 19:4

Aagai i mua delaadeu daakodo iho e sseni, gai denga daane alodahi o de aduhale go Sodom — go denga dama daane ma denga daane maatua — ga loomai ga holiage luu baasi de hale laa.

Jeremiah 23:14

Au gu gidee hogi dahi mee baubau mmao i magavaa o denga pelaabisi o Jerusalem: gilaadeu e dagodo haisala ma de hadu muna. Gilaadeu e bale ange dangada e haia de baubau, deelaa ai, gu deai donu se dangada daahuli gee i de baubau. Gai au gu gidee bolo gilaadeu gu bei donu dagodo o Sodom; gai dangada o Jerusalem gu bei dangada o Gomorrah.”

Ezekiel 16:46

Doo daina hahine madua go Samaria, ia e noho madali ana damaa hine i oo baasi ngaiho; gai doo daina hahine gauligi go Sodom, ia e noho i oo baasi i ngaage madali ana damaa hine.

Joel 3:13

Hagaabo ina de kamaa, go hiidinga denga huamanu gu lleu. Hannoo, dagadagahia denga grape, i hiidinga gu honu de mommee e kumi ai uvaini, gai mommee hhao uvaini gu honu malingilingi — olaadeu baubau gu lagolago mmao!

Jonah 1:2

“Hidi age hannoo gi Nineveh, de aduhale laumalie laa, daalaa ange ai agu muna e hai baasi ange ai gilaadeu, go hiidinga alaadeu hegau baubau gu tae age donu gi mada luoogu mada.”

Genesis 6:12

Gai de Maadua ga tilo huu honga henua i lalo, gai ia gu gidee bolo gu kona donu de hakino gee, go hiidinga hegau alodahi a dangada gu kona donu hakino gee.