Genesis 13:5 - De Beebaa Dabu

⁵ Gai Lot, taane e hano saele laa madali Abram, gu lagolago hogi ana ssiibi, ma ana manu haangai, aama ono hale malo.

Genesis 13:5 Referans Kwoze

Jeremiah 49:29

Olaadeu hale malo ma alaadeu ssiibi e gaavee gee naa, olaadeu malo buibui ma olaadeu goloa alodahi ma alaadeu gamelo e gaavee gee naa. Gai dangada e oo naa, ga hai ange, ‘Denga mee hagamaatagu gu hai i mommee alodahi!’

Genesis 25:27

Gai ga maatua huu luu gauligi daane laa, gai Esau se daane dau i de dili manu, ia ne noho saele i lodo henua, aagai Jacob se daane dee muu, ia e noho i lodo hale malo.

Genesis 4:20

Gai Adah ne haanau Jabal, go ia tamana o dangada e nnoho i lodo hale malo, ma de haangai denga manu.

Genesis 12:5

Ia ne kave hogi dono bodu go Sarai, ma Lot, tama daane a dono daina daane, ma alaadeu mee alodahi ne mau, aama de gau hai hegau alaadeu ne kave mai i Haran, gai gilaadeu ne hulo ga tae gi de henua go Canaan.

Genesis 13:6

Gai gilaau gu dee oo i de nnoho i dahi mommee daudahi i de henua laa, go hiidinga gu kona de lagolago olaau goloa, gilaau gu dee maua i de nnoho i dahi mommee.

Genesis 12:4

Gai Abram ne hano, bei de hai a Tagi Maolunga gu tala ange gi de ia; gai a Lot ne hano madali ia. Gai Abram gu madahidu ma lima ono ngadau i de masavaa oona ne hano gee ai i Haran.