Genesis 12:15 - De Beebaa Dabu

¹⁵ Gai ga gidee huu e denga daane hai hegau o Pharaoh Sarai, gai gilaadeu ga tuhi ange ia gi Pharaoh. Gai de hine laa gu gaavee gi de hale o Pharaoh.

Genesis 12:15 Referans Kwoze

Genesis 20:2

gai Abraham ne tala bolo Sarah se daina hahine niiona. Gai Abimelek, de hodooligi o Gerar, ne aalu mai ga kave Sarah.

Hebrews 13:4

Goodou alodahi gi hagadubu ina de hai bodu, gai dangada gu hai bodu gi dee dagodo haisala. Go hiidinga de Maadua e hagaduasala donu tangada hai be se manu, ma dangada alodahi e dagodo haisala.

Jeremiah 46:17

Gai gilaadeu e hagataba naa i kilaa, ‘Pharaoh, de hodooligi o Egypt ni ngadi muna donu huu aana ne tala; ia tee maua i de hai dahi mee daudahi!’

Proverbs 29:12

Noo tagi e daudali i denga muna hhadu, gai dagi alodahi i ono lalo e hulo naa ga ni dangada baubau.

Proverbs 6:29

Gai e bei ai hogi taane e hano gi daho de bodu o dahi daane gee, taane e dagodo haisala ma de hine laa e hagaduasala donu.

Psalm 105:4

Saalaa Tagi Maolunga ma ono mahi; saalaa ia i masavaa alodahi.

2 Kings 18:21

Tilo, dau tali go Egypt, go de henua e bei laa dagodo o togo madila gu hadi laa, gai e duuia ai naa de lima o tangada e hannagi ange aagena! Aanei dagodo o Pharaoh, de hodooligi o Egypt, ange gi dangada alodahi e daalia ange ia.

1 Kings 3:1

Gai Solomon ne hagaheloongoi ma Pharaoh de hodooligi o Egypt, ga hai bodu ange gi tamaa hine a Pharaoh. Gai ia ne gaamai tamaa hine laa gi de aduhale o David, ga dae ai gi de lava dono hale donu ma de hale o Tagi Maolunga, aama de buibui i luu baasi o Jerusalem.

Exodus 2:15

Gai ga langona huu e Pharaoh mee nei, gai ia ga ssala Moses e daa gi magau, aagai Moses ga savini ga hano gi Midian e mmuni ai i Pharaoh. Gai ia ga hano ga noho ga hagamabu i gaogao dahi vai geli.

Exodus 2:5

Gai tamaa hine a Pharaoh ne humai e gaugau i lo te Nile, gai gilaadeu ma ono haahine hai hegau e seesee i gaogao ssaalingaa vai, gai ia gu gidee adu dahi gede i magavaa o denga aalege, gai ia ga hai dahi ono hahine hai hegau gi hano gi gaamai.

Genesis 41:1

Gai dua huu e lua ngadau, gai Pharaoh ne hai dahi midi. Ia ne midi ange bolo ia e duu i gaogao de Nile,

Genesis 40:2

gai Pharaoh gu lili i luu daane hai hegau laa, go taane e haia mee unu aama taane e haia pelaoaa.

Ezekiel 32:2

“Tama a tangada, huudia taahili o de magau o Pharaoh, de hodooligi o Egypt, ma gi hai ange gi de ia: ‘Koe e bei dagodo o dahi laiono i magavaa o denga huaahenua, aagai koe e bei dahi manu lausedi hagamaatagu; e hagakobu saele i lodo oo saalingaa vai e noho ai laa, ma de hagabeabeau lo te vai i luoo vae, ma de hagabaubau lodo saalingaa vai.

Jeremiah 25:19

go Pharaoh de hodooligi o Egypt ma ono dangada hai hegau, ma dagi o de henua aama ono dangada alodahi,

Genesis 12:14

Gai ga dae huu Abram gi Egypt, gai de gau Egypt gu gidee bolo dono bodu se hine mahamaha mmao.

Genesis 26:7

De masavaa a denga daane o de mommee laa ne ssili ange ai gi de ia dagodo o Rebekah, gai ia ga hai ange, “Ia go dogu daina hahine,” go hiidinga ia gu madagu i de tala ange, bolo Rebekah go dono bodu donu; ia ne maanadu bolo denga daane o de mommee laa, e daa naa ia ga magau i hiidinga o Rebekah, go hiidinga ia se hine mahamaha.