Genesis 10:6 - De Beebaa Dabu

⁶ Dama daane a Ham: go Cush, ma Egypt, ma Put, aama Canaan.

Genesis 10:6 Referans Kwoze

Ezekiel 27:10

Denga daane o Persia, ma Lud aama Put ne hebagi madali doo hagabuulinga hebagi. Gilaadeu ne hagalaulau age alaadeu mee hungihungi ma olaadeu goobai baalanga i honga doo buibui ga hagamahamaha ai goe.

Jeremiah 46:9

Denga hoosa, goodou saavini! Denga hada hebagi, goodou hakemo! Gai daane dau o de hebagi gi seesee gi hulo; denga daane o Ethiopia ma Put e sabaia laa denga mee hungihungi, ma daane o Lydia e dilia laa denga mee hholu.

Isaiah 11:11

De laangi laa gai de Ia Aamua e hagaahe mai naa ono dangada e doe i ssauaa o dono lima, mai i Assyria, ma Egypt, ma Pathros, ma Ethiopia, ma Elam, ma Babylon, ma Hamath, aama mai i denga modu alodahi.

Psalm 106:22

ma hegau hagalele mouli i de henua o Ham, ma mee hagamaatagu i gaogao Tai Mmea.

Psalm 105:27

Gilaau ne hai ana hegau hagalele mouli i olaadeu magavaa, ma denga sauaa i de henua o Ham.

Psalm 105:23

Gai Israel ne humai hogi gi Egypt; Jacob ne noho gaainga i de henua o Ham.

Psalm 78:51

Ia ne daa ga maakau denga ganimua alodahi o Egypt, go dama ne haanau i de masavaa olaadeu e dama daane ai i lodo hale malo o Ham.

1 Chronicles 4:40

Gilaadeu ne gidee dahi gelegele danuaa iai helii e haangai ai manu, gai se henua laumalie, gai e nnoho paba ai dangada ma tee hagalongaa. I mua gai hanu dangada de aamuli o Ham nogo nnoho i kilaa.

Genesis 9:22

Gai a Ham, tamana o Canaan, ne gidee bolo dono damana gu maatala ono malo ma gu too, gai ia ga tala ange gi luoono daina daane i duaahaho.

Genesis 9:18

Gai denga dama daane a Noah ne ssao mai laa i lo te vaga hale go Shem, ma Ham aama Japheth. Gai a Ham e dahi ana dama daane, dono ingoo go Canaan.

Genesis 10:5

(Gai denga huaadangada i tagudai nei ne hai ga dohu olaadeu vaaenga i olaadeu hagadiilinga ma olaadeu huaahenua, gai dahi huaadangada nei ma ana muna.)

Ezekiel 38:5

Persia, ma Ethiopia, aama Put e dau ange naa hogi madali gilaadeu, gilaadeu alodahi e hagauda alaadeu mee hungihungi ma olaadeu goobai baalanga,

Genesis 2:13

De ingoo o de lua saalingaa vai go Gihon, gai e sali ma e hano laa luu baasi alodahi o de henua go Ethiopia.

Genesis 5:32

Gai ga 500 huu ngadau o Noah, gai ia ga hagadili a Shem ma Ham aama Japheth.