Genesis 1:4 - De Beebaa Dabu

⁴ Gai de Maadua gu gidee bolo de maalama gu danuaa; gai ia ga vvae de maalama ma de gohu.

Genesis 1:4 Referans Kwoze

Ecclesiastes 11:7

De maalama e hagamalangilangi, gai tangada e malangilangi i de tilo de maalama o de laa.

Ecclesiastes 2:13

Au gu gidee bolo de heiangi e danuaa ange i de lodo senga, gai e bei ai hogi, de maalama e danuaa ange i de gohu.

Genesis 1:18

ma de hagamaalama ai de laangi ma de boo, ma de vvae ai de maalama ma de gohu. Gai de Maadua gu gidee bolo gu danuaa.

Genesis 1:12

Gai gu ssomo age denga hagadaagangaa manu ssomo alodahi i honga de gelegele: manu iai golee, dahi manu ma ono golee, ma manu ssomo e hhaa mai ai hua gai, dahi manu ma ono hua. Gai de Maadua gu gidee bolo gu danuaa.

Genesis 1:31

Gai de Maadua ga tilo huu mee alodahi aana gu hai, gai ia gu gidee bolo gu danuaa mmao. Deenei de ahiahi ma taiao o de hagaono laangi.

Genesis 1:10

Gai de Maadua ga hagaingoo ange de gelegele mmasa go de henua, gai denga lausedi go tai. Gai de Maadua gu gidee bolo gu danuaa.

Genesis 1:25

Gai de Maadua ga hai denga manu lodo henua, ma manu haangai, ma manu vaaligiligi e nnoho ma de tolo saele i honga de gelegele, dahi manu ma ono dagodo. Gai de Maadua ne gidee bolo gu danuaa.

Psalm 145:9

Tagi Maolunga e abodonu ange gi dangada alodahi, gai e lodo aloha ange gi mee alodahi aana ne hai.

Psalm 145:10

Tagi Maolunga, mee alodahi aau ne hai e hagaahe adu naa de abodonu gi de goe, oo dangada dabu e tuhi naa goe.

Isaiah 45:7

Au ne hagaholi de maalama ma de hagadau de gohu; go au e haia de nnoho paba ma de hai ngadaa; go au go Iahweh, ne haia mee nei alodahi.