Genesis 1:3 - De Beebaa Dabu

³ Gai de Maadua ga hagadaba, “Gi dahi maalama,” gai gu dahi maalama.

Genesis 1:3 Referans Kwoze

2 Corinthians 4:6

Gai de Maadua ne hagadaba, “De maalama gi hanage gi hagamaalama ina lo te gohu,” go de Maadua hogi e hagamaalama ina omaadeu lodo, ga gaamai ai de maalama gi iloo ai e gimaadeu dagodo de mahamaha o de Maadua e gidee laa i luu mada o Klisdo.

John 1:5

De maalama nei e hagamaalama lo te gohu, gai de gohu e dee maua donu i de hai gi lilo.

Isaiah 45:7

Au ne hagaholi de maalama ma de hagadau de gohu; go au e haia de nnoho paba ma de hai ngadaa; go au go Iahweh, ne haia mee nei alodahi.

Isaiah 60:19

Gai e dee go de laa e hagamaalama ina goe i de laangi, e dee go de maasina hogi e hagamaalama ina goe i de boo; gai go Tagi Maolunga donu doo maalama ga hano ai, gai go doo Maadua e hagamahamaha ina goe.

1 John 1:5

Gai deenei de muna amaadeu ne langona mai i ono daha amaadeu e tala adu nei gi goodou, bolo de Maadua go de maalama gai e deai donu se damaa gohu daudahi i ono daha.

Ephesians 5:8

Go hiidinga i mua goodou e gohu, gai iainei goodou gu maalama i lodo o Tagi Maolunga; deenei ai, goodou mouli bei dagodo o dama a de maalama,

John 1:9

De maalama abodonu e hagamaalama ina laa dangada alodahi ne humai gi henua i lalo.

John 3:19

Gai deenei de mee gu modu: de maalama ne humai gi henua i lalo, aagai dangada e kii de gohu i delaadeu llodo ai i de maalama, i hiidinga alaadeu hegau e baubau.

Psalm 33:6

Tagi Maolunga ne tala de muna, gai gu hai de langi, gai mee alodahi iai ne hai i de madangi ne busi mai i lo tono ngudu.

Psalm 148:5

Mee nei alodahi gi duuhia de ingoo o Tagi Maolunga, go hiidinga ia ne basa donu huu, gai mee nei gu hanu.

Psalm 97:11

De maalama e hagamaalama gilaadeu e heohi, gai gilaadeu e heohi olaadeu lodo e malangilangi.

Psalm 33:9

Go hiidinga ia ne basa, gai gu hai ga bei; ia ne tala de muna, gai gu hanu mee.

1 John 2:8

Gai ni muna hoou hogi aagu e sisi adu nei gi goodou, gai se muna abodonu i lodo o Klisdo aama oodou lodo hogi, go hiidinga de gohu ga lilo nei donu, gai de maalama abodonu gu sula age donu.

Ephesians 5:14

go hiidinga mee alodahi gu hagaago mai i de maalama gu gidee. Deenei ai, gu tala e hai ange, “Tangada goi seni, alahage, gai mouli age mai i de magau, gai Klisdo ga hagamaalama goe.”

Psalm 104:2

Ia e gahu i de maalama bei de malo; ia e doha de langi bei de hale malo,

De Beebaa go Job 38:19

Gai dee hee de haiava e hano ai gi de mommee e daamada mai ai de maalama, gai go hee iai de mommee e daamada mai ai de gohu?

1 Timothy 6:16

Ia e dee magau donu, gai e noho i de maalama e dee maua laa e dangada i de hagapaa ange aagena, aagai tigi ai donu se dangada ne gidee ia, aabe e maua i de tilo ia. Gai go ia e bau ange gi kave de hagadubu ma ssauaa e dagi ai ga hano ai. Amen.

Psalm 118:27

Iahweh go de Maadua, gai ia ne hai dono maalama gi hagamaalama ina gimaadeu. Noodia ange de manu o ssigidaumaha i daula gi denga hanga o de mommee o ssigidaumaha.

De Beebaa go Job 36:30

Tilo, ia e hai de maalama o ana uila gi duuli ina ia, ma de haoli tagelo o de moana.

John 11:43

Gai ga lava huu i dana tala muna laa, gai ia ga oo i de leo mmahi ga hai ange, “Lazarus, sao mai.”

Matthew 8:3

Gai ia ga haalo dono lima ga poo ange ia, ga hai ange. “Au e lodo, koe gu gilimalali!” De masavaa laa donu huu gai taane laa gu ieiangi.

Genesis 2:4

Gai deenei taalanga o de langi ma henua i lalo i de masavaa ne hai ai. De masavaa a Tagi Maolunga go de Maadua ne hai ai henua i lalo ma de langi,