Genesis 1:27 - De Beebaa Dabu

²⁷ Gai de Maadua ne hai tangada ga hagadulagi ange gi ono dagodo donu, ia ne hai tangada gi bei hagadulagi o de Maadua; ia ne hai taane ma de hine.

Genesis 1:27 Referans Kwoze

Matthew 19:4

Iesu ne hai ange gi gilaadeu, “Goodou tigi daulia ange naa donu bolo de Maadua ne hai taane ma de hine i taamada age,

Ephesians 2:10

Go hiidinga gidaadeu ni mee niiana ne hai, ma de hai i lodo o Klisdo Iesu, ange gi denga hegau danuaa a de Maadua gu hagadabena laa i mua, gidaadeu gi hai hegau ai.

Mark 10:6

Aagai mai i taamada age de hai o mee alodahi, ‘Gai de Maadua ne hai taane ma de hine,’ ⌊bei de hai gu sisi ai laa i de Beebaa Dabu⌋.

Ephesians 4:24

ga hakahu goodou i tangada hoou, ne hai laa ga bei de hagadulagi o de Maadua i de heohi abodonu laa aama de dabu.

Psalm 139:14

Au e hagaahe adu de abodonu gi de goe i dau hai ne hai ai au; go hiidinga e hagamaatagu ma de hagalele mouli mmao, au hegau e hagalele mouli mmao, gai au e iloo donu de mee nei.

Isaiah 43:7

dangada alodahi e hagaingoo i dogu ingoo, go gilaadeu aagu ne hai e hagamahamaha ai au, gai go gilaadeu aagu ne hagaholi aama de hai.”

Colossians 1:15

Klisdo go de hagadulagi donu o de Maadua e dee gidee laa, gai go Tama madua o mee alodahi ne hai i taamada age.

Malachi 2:15

E aha, e dee go de Maadua ne haia gooluu gi dahi? De angaanga ma de hagasaalunga ni mee niiana. Gai se aha a de Maadua e ssala? Go denga hagadiilinga dabu. Deenei ai, goodou dagidiiloo dagodo o oodou lodo, goodou gi dee oohaa de hagatoo donu ange gi doo bodu mai i doo masavaa e dama daane ai.

Genesis 2:18

Gai Tagi Maolunga go de Maadua ga hagadaba, “E dee danuaa de noho sogosogo o taane, au e gaavange naa gi de ia dahi dangada bale e heohi ange gi de ia.”

Colossians 1:26

go de mee nogo dee iloo laa e denga atangada gu hulo i dahi masavaa daulooloa, aagai iainei gu hagaago ange gi ono dangada dabu.

Colossians 3:10

gai gu kahu i tangada hoou, e hagahoou laa i doodou iloo dagodo o de ia ne haia goodou.

Genesis 9:6

Be goai e daia dahi dangada ga magau, gai ia e daa naa hogi gi magau; go hiidinga de Maadua ne hai tangada ga hagadulagi ange gi ono dagodo.

Deuteronomy 4:32

Goodou siilia dagodo o mee gu hai i laangi gu hulo, i mua doodou masavaa, ma mai i de laangi a de Maadua ne hai ai tangada i henua i lalo; goodou ga ssili gi iloo e goodou mai i dahi bido o de langi ga dae ai gi de bido ange laa. Be gu hanu laa mee hagalele mouli bee nei gu hai, aabe gu hanu nei mee bee nei a dangada gu langona?

Ecclesiastes 7:29

Tilo, deenei dagu mee ne gidee: de Maadua ne hai dangada gi heohi, aagai dangada e ssala denga hagadaagangaa hagatau.”

Genesis 2:7

Gai Tagi Maolunga go de Maadua ga hagaholi tangada mai i bela o de gelegele, gai ia ga busi ange de madangi o de mouli gi lodo luoono bongaa usu, gai taane laa gu se dangada e mouli.

Judges 21:22

Gai de masavaa naa huu a olaadeu damana ma olaadeu daina daane e loomai ai ga nnanu mai gi gimaadeu, gai gimaadeu ga hai ange, ‘Goodou degi ange ma de balea ange gilaadeu, go hiidinga gimaadeu tee maua mai hanu bodu moolaadeu i de hebagi. Gai goodou tigi haisala donu, i hiidinga e dee go goodou ne gaavange oodou damaa hine gi gilaadeu.’ ”

Jeremiah 29:6

Gai goodou hai bodu ga hagadili oodou dama, gai hagahai bodu ina oodou dama daane ma oodou damaa hine, gai gilaadeu gi hagadili ina alaadeu dama gi soa, e dee hai gi sogoisi mai goodou.