Galatians 6:7 - De Beebaa Dabu

⁷ Aude hagasengalia donu huu goodou; e deai donu se dangada e maua i de hagangadi mee de Maadua, go hiidinga be se aha naa huu a tangada e doo, gai ia e hagihagi hogi hua o ana mee ne doo.

Galatians 6:7 Referans Kwoze

2 Corinthians 9:6

Deenei tagodo: tangada e sogoisi ana mee e doo, e sogoisi naa hogi ana mee e hagihagi, gai tangada e lagolago ana mee e doo, e lagolago naa hogi ana mee e hagihagi.

Hosea 10:12

Goodou dooa ange de heohi gi oodou lodo, gai goodou ga hagihagi ai hua o de abodonu; hagabalabala ina de gelegele makaga i oodou lodo, go hiidinga gu dae mai de masavaa oodou e ssala ai Tagi Maolunga, ga dae ai gi dono humai ga hai gi hano iho de heohi gi oodou elunga.

De Beebaa go Job 4:8

Au gu gidee bolo gilaadeu e doo ina de baubau, ma gilaadeu e dooa de hai ngadaa e hagihagi naa hogi ono hua.

1 Corinthians 15:33

Goodou gi dee hagasengalia: “De hai soa ange gi de gau baubau e oha denga dahulinga danuaa.”

Proverbs 11:18

Tangada baubau e kave denga hagaoanga hagasenga, aagai tangada e hai hegau laa i de mee heohi, e kave donu de hagaoanga abodonu.

Proverbs 1:31

gilaadeu e gai naa hua o alaadeu hegau, ma de boobosu i de gai hua o alaadeu hagatau.

Ephesians 5:6

Goodou gi dee dugua ange dahi dangada gi hagasengalia goodou i hanu ngadi muna; go hiidinga aanei mee e haia ga humai de bole o de Maadua gi gilaadeu e dee hagallongo ange gi ana muna.

Hosea 8:7

Gilaadeu ne doo de madangi, gai e hagihagi naa hua o ssio. Alaadeu grain e deai olaadeu hua, gai e dee maua i de hai ai pelaoaa. Gai noo e hanu olaadeu hua grain, gai de gau henua gee e loomai naa ga kave.

1 Corinthians 6:9

Goodou e dee iloo laa bolo dangada e haia mee dee heohi e dee maua donu i de ulu i de nohoanga hodooligi o de Maadua? Goodou gi dee daahangadia donu huu goodou: gilaadeu e dagodo haisala, ma gilaadeu e daumaha ange gi denga diinonga, ma gilaadeu e gaiaadia bodu o dangada, ma denga daane e dagodo haisala ma denga daane,

Proverbs 6:14

ia e hagasaele denga hagatau baubau i ono lodo, ma de hagadee heloongoi magavaa o dangada i masavaa alodahi.

De Beebaa go Job 15:31

Gai ia gi dee hagasengalia donu huu ia, i dana tali hagalodolodo ange gi mee e deai olaadeu haigamaiana, go hiidinga e deai naa donu mee e maua mai ai.

Luke 16:25

Aagai Abraham ga hai ange gi de ia, ‘Dagu dama, koe gi manadua doo masavaa nogo mouli ai gai koe ne kave au mee danuaa, aagai Lazarus ne kave mee baubau, aagai iainei gu hagaaneane ono lodo gai koe gu duasala.

James 1:22

Goodou gi dee hagalaangona donu huu denga agoago, ga daahanga ai donu huu goodou. Gai goodou hai hegau ai.

1 John 3:7

Agu dama, goodou gi dee dugu ange dahi dangada gi daahangadia goodou. Tangada e haia de mee heohi se dangada heohi, ia e bei dagodo o Klisdo, ia e heohi.

Obadiah 1:3

Doo lodo maolunga gu hagasenga goe; koe e noho i lo te baba, ma de hai doo hale i denga mommee maolunga; koe e hagadaba i oo lodo, ‘Goai e maua i de gave iho au gi honga de gelegele?’

Galatians 6:3

Go hiidinga noo tangada e maanadu bolo ia se mee dau, gai ia e dee dau donu, aagai ia e hagasenga donu huu ia.

James 1:26

Noo dahi dangada e hagadaba bolo ia se dangada taumaha, aagai ia e dee maua i de daohi dono alelo, gai ia e daahanga donu huu ia, dono se dangada taumaha e deai donu haigamaiana.

1 Corinthians 3:18

Gai tangada gi dee hagasengalia donu huu ia. Noo dahi goodou e maanadu bolo ia se dangada heiangi i de mouli nei, gai ia gi se dangada senga, gi heiangi abodonu ai ia.

1 John 1:8

Noo gidaadeu e hagataba bolo gidaadeu e deai odaadeu haisala, gai gidaadeu e daahanga donu huu gidaadeu, gai e deai donu se muna abodonu i odaadeu lodo.

Luke 21:8

Iesu ne hai ange gi gilaadeu, “Goodou dagidiiloo gi dee hagasengalia goodou. E soa naa dangada e loomai i dogu ingoo ga hagataba, ‘Go au go ia!’, gai ‘Gu baa mai de masavaa laa!’ Gai goodou gi dee daudali ange i gilaadeu.

Jude 1:18

Gilaadeu ne hai adu gi goodou, “Denga laangi hagaodi naa huu gai gu loomai de gau doo mee, gai gilaadeu ga hai hegau i olaadeu lodo baubau laa.”

Proverbs 6:19

ma tangada tala hagadonu hadu muna, aama tangada e haia ga dee heloongoi denga hai daina.

2 Thessalonians 2:3

Goodou gi dee dugua ange dahi dangada gi hagasengalia goodou. Go hiidinga de laangi laa e dee hai naa donu, ga dae ai gi de sula age de hai baasi, gai de ia e oohaa de hainga e hagasula mai naa, go de ia gu hagadabena ange laa e hagaduasala.

Jeremiah 37:9

Gai e hagadaba Tagi Maolunga: Goodou gi dee hagasengalia donu huu goodou, gi hagataba, ‘De gau Babylon e hulo gee mai naa donu i omaadeu daha,’ go hiidinga gilaadeu e dee hulo gee naa donu.

Hosea 10:13

Goodou ne doo de baubau, gai goodou gu hagihagi hua o de baubau, goodou ne gai hogi hua o de hadu muna. Gai go hiidinga goodou ne kai ange gi oodou mahi donu ma oodou daane hebagi soa,

Ezekiel 14:5

Gai au ga hagaahe mai ai lodo o de gau Israel alodahi gu hulo gee laa i de au i hiidinga delaadeu daumaha ange gi denga diinonga.’