Galatians 6:6 - De Beebaa Dabu

⁶ Gai tangada e agoagona muna a de Maadua i daho dahi dangada, gi balea ange hogi tangada laa i ana mee danuaa alodahi e hanu.

Galatians 6:6 Referans Kwoze

Romans 15:27

Gai gilaadeu ne malangilangi donu i de hai de hegau nei, ni muna abodonu denga Gentile e muli ange donu gi gilaadeu. Go hiidinga noo denga Gentile gu kave hogi denga manuuia i de baasi gi de hagasaalunga madali de gau Ssuu, gai e heohi donu delaadeu bale ange de gau Ssuu i mee bee nei.

Deuteronomy 12:19

Gai goodou dagidiiloo gi dee ngalo e goodou de aamuli o Levi, i taulooloa doodou nnoho i honga doodou henua.

Matthew 10:10

Goodou e dee kave hogi hanu beagi e hulo ai, be e lua malo gahugahu, be e lua mee vae, aabe se dogo; go hiidinga e heohi donu de kave a tangada hai hegau ono mee e gaimee ai.

Luke 1:4

gi iloo ai e goe de muna abodonu i mee gu lava i de tala adu gi de goe.

2 Timothy 4:2

Koe gi agoagona ana muna; koe gi baba ange aagena i de masavaa oou e saohia ai aama de masavaa oou e dee saohia ai; hagaheohi, ma de hagasee, aama de hagammahi ange olaadeu lodo — i de golomagi lodo i doo agoago ai.

Numbers 18:31

Gai gu dee hilihili donu de mommee oodou ma oodou huaabodu e gai ai mee nei; go hiidinga deenei de hagaoanga o oodou hegau i de hale malo hagabuni.

Nehemiah 10:36

Gimaadeu e gaamai hogi gi de hale o demaadeu Maadua, amaadeu dama daane maatua ma tama e haanau i taamada i daho amaadeu manu haangai, ma amaadeu kaau ma amaadeu ssiibi, e gaavange gi de gau haimeedabu e haia hegau i kilaa, bei de hai gu sisi ai i de hainga.