Galatians 6:2 - De Beebaa Dabu

² Goodou gi hagadau hagauda ina oodou daemaha; noo goodou e hai de mee nei, gai goodou gu daudali i de hainga a Klisdo.

Galatians 6:2 Referans Kwoze

Romans 15:1

Gidaadeu e mmahi laa i de gai gi golomagi ina odaadeu lodo i gilaadeu e baageaa, gai gi dee hagamalangilangi ina donu huu gidaadeu.

1 Thessalonians 5:14

Denga daina, gimaadeu e dangidangi adu goodou gi agoagona ange gilaadeu e vaiduu, ma de hagaaneane ange gilaadeu e daemaha olaadeu lodo, aama de bale ange gilaadeu e baageaa, gai golomagi ina oodou lodo i dangada alodahi.

John 13:34

Au e gaavadu gi goodou dahi hainga hoou: goodou hagadau aaloha. Goodou hagadau aaloha bei dogu hai ne aloha adu ai gi goodou.

1 John 4:21

Gai ia ne tala mai gi gimaadeu de muna nei: tangada e aloha i de Maadua e aloha hogi i dono daina.

James 2:8

Noo goodou e hagasula de hainga o de nohoanga hodooligi o de Maadua, bei de hai gu sisi ai laa i de Beebaa Dabu, “Koe gi aloha i tangada e baa adu gi de goe bei doo aloha donu i de goe,” gai gu danuaa.

John 15:12

Aanei agu muna, goodou hagadau aaloha bei dogu hai ne aloha ai i goodou.

Exodus 23:5

Noo koe e gidee dahi donkey a tangada e kino i de goe gu baguu ma e dagodo i lalo dana mee e hagauda, gai koe e dee tili donu dana manu i kilaa; aagai koe bale ange hagahidi age de manu laa.

1 Peter 2:24

Ia ne hagauda odaadeu haisala i dono angaanga i honga de laagau lui, gi deai ai se sauaa o de haisala e dagi ai gidaadeu, aagai gidaadeu gu mouli i de mee heohi. Gai ono mee lagolagohia gu hagaieiangi goodou.

Matthew 8:17

De mee nei ne hai e hagassula ai mee gu tala i daho de pelaabisi go Isaiah, e hagadaba, “Ia ne kave odaadeu baageaa ma de hagauda odaadeu magi.”

Galatians 6:5

Go hiidinga dahi ma dahi e hanu donu ana mee daemaha e hagauda.

1 Corinthians 9:21

Au gu hai gi se dangada e deai agu hainga i hiidinga olaadeu e deai alaadeu hainga, (e dee galemu naa donu dagu dee mau i tee daudali i de hainga a de Maadua, aagai au e noho donu i lalo de hainga a Klisdo,) gi maua ai e au hanu dangada e deai laa alaadeu hainga.

Romans 8:2

Go hiidinga de hainga a de Hagasaalunga o de mouli gu hagailaage au mai i ssauaa o de hainga o de haisala ma de magau, i hiidinga o Klisdo Iesu.

Luke 11:46

Iesu ne hai ange gi de ia, “E vakaa naa hogi goodou e de gau agoago o de hainga! Goodou e hagauda ange mee daemaha gi honga o dangada, gai goodou e dee hagauda donu mee nei i dahi oodou madannia daudahi.

Isaiah 58:6

E aha, e dee deenei de hagahiikai aagu ne hili: go de hagadangadanga daula o hegau baubau, ma de tala daula o de laagau hagahai hegau, ma de hai gi ilaage gilaadeu e vaivai haia, aama de hadihadi laagau hagahai hegau alodahi?

Deuteronomy 1:12

Aagai au gu dee maua i de hagauda sogosogo oodou mee e daemaha ai aama tee heloongoi ai.

James 1:25

Aagai tangada e diiloo mee i lo te hainga e honu abodonu laa, go de hainga o de ilaage, ma de duudagi de hai de mee nei — gai ia e dee ngalo ana mee gu langona, aagai e hai hegau ai — tangada bee nei e manuuia i mee alodahi aana e hai.

James 2:12

Deenei ai, oodou muna ma oodou hegau gi bei dagodo o dangada e tonu iho laa bolo gilaadeu e hagamodu olaadeu muna i de hainga e haia laa gidaadeu ga ilaage.

2 Peter 2:21

Gai e danuaa ange noo gilaadeu tee iloo de haiava heohi, i delaadeu tonu ange gi de mee nei, aagai muli mai gilaadeu gu daahuli gee i muna dabu gu gaavange laa gi gilaadeu.

2 Peter 3:2

Gai goodou gi manadua muna gu tala laa madagidagi i daho denga pelaabisi dabu ma muna a Tagi Maolunga de Ia Hagaola gu tala mai laa i daho oodou dangada tala.

1 Chronicles 19:12

Gai ia ga hai ange, “Noo de gau Syria gu mmahi ange i de au, gai koe humai balea mai au; aagai noo de gau Ammon gu mmahi ange i de goe, gai au ga hanadu ga bale adu goe.