Galatians 5:5 - De Beebaa Dabu

⁵ Gai gidaadeu e hagaduu ngae i de tali hagalodolodo ange gi taadeu hagaheohi i de Hagasaalunga ⌊Dabu⌋ i de gai.

Galatians 5:5 Referans Kwoze

Psalm 130:5

Au e tali ange Tagi Maolunga, dogu hagasaalunga e tali, gai au e tali hagalodolodo ange gi ana muna;

1 Thessalonians 1:10

gai goodou e tali de humai o dana Dama Daane mai i de langi, go Iesu, de ia a de Maadua ne hagamouli age mai i de magau. Gai go Iesu donu hogi ne hagaola ina gidaadeu mai i de bole ⌊o de Maadua⌋ gu dai humai laa.

Psalm 62:5

Dogu hagasaalunga, go de Maadua donu huu aagu e tali, gai go ia dagu tali hagalodolodo.

2 Timothy 4:8

Deenei ai, de hau o de heohi gu hagadabena mai donu gi de au, go de hau a Tagi Maolunga, de ia hagamodu muna heohi, e hagao mai ai au i de laangi laa, gai e dee go au donu huu, aagai se mee ange gi gilaadeu alodahi e malangilangi i dono hagasula mai.

Titus 2:13

i de masavaa adaadeu e tali ai de mee adaadeu e tali hagalodolodo ange laa aagena, go de hagasula mai i de mahamaha taadeu Maadua maolunga, go taadeu Ia Hagaola go Iesu Klisdo.

Philippians 3:9

ma de dau madali ia, gai e dee se heohi ne maua i dogu daudali i de hainga, aagai se heohi ne maua i dogu gai ange gi Klisdo — go de heohi mai i daho de Maadua ne maua laa i de gai,

Genesis 49:18

Tagi Maolunga, au e tali dau hagaola.

Romans 5:21

Deenei ai, e bei de hai o de haisala e daohi ai laa ssauaa o de magau, gai e bei ai hogi, de abodonu o de Maadua e daohi ssauaa e hagaheohi ai dangada, ma de gaavange gi gilaadeu de mouli e dee ngado mai i hiidinga o Iesu Klisdo taadeu Dagi Maolunga.

Hosea 12:6

Deenei ai, koe gi aahe mai gi doo Maadua; hai hegau i de abodonu ma de hagamodu heohi, ma de tali hagalodolodo ange gi doo Maadua i masavaa alodahi.

Psalm 25:5

dagina ngau i de mee abodonu ma de agoago mai ai au, i hiidinga go koe dogu Maadua ma dogu Ia Hagaola; go koe dagu tali hagalodolodo i laangi alodahi.

2 Thessalonians 3:5

Gai Tagi Maolunga gi dagina oodou lodo i de aloha o de Maadua aama de golomagi lodo o Klisdo.

Ephesians 2:18

Gai go ia odaadeu alodahi ne maua ai i de hulo gi Tamana i de Hagasaalunga e dahi.

Psalm 25:3

Gai gi deai donu se dangada e daalia adu goe e dogaa; aagai haia gi dookaa gilaadeu e hai baasi adu gi de goe i teai hiidinga.

1 Corinthians 1:7

gai gu deai donu se duuhanga oodou tigi kave i de baasi gi de hagasaalunga, i doodou tali de ahe mai o Iesu Klisdo taadeu Dagi Maolunga.