Galatians 5:11 - De Beebaa Dabu

¹¹ Denga daina, noo au goi agoago ange huu dangada gi tuu dagaholiage, gai gu aha goi vaivai haia ai nei huu au? E bei ai naa ssele e laavea ai laa dangada i dagodo o de laagau lui gu hagadeai.

Galatians 5:11 Referans Kwoze

1 Corinthians 1:23

aagai gimaadeu e agoago dagodo de daudau o Klisdo i de laagau lui, go mee e hagahaisala ina de gau Ssuu, gai ni ngadi muna i daho denga Gentile.

Galatians 6:12

Gai go dangada e llodo laa gi duuhia alaadeu hegau e usuusuhia adu goodou gi tuu dagaholiage, gi dee vaivai haia ai gilaadeu i hiidinga o de laagau lui o Klisdo.

Galatians 4:29

De masavaa laa gai tama ne haanau bei de hagatau a dangada ne vaivai hai tama ne haanau laa i lodo o de Hagasaalunga ⌊Dabu⌋, gai e bei ai hogi mee e hai iainei.

Galatians 2:3

Aagai gilaadeu tee hai hogi Titus, taane madali au, gai se daane Greek, gi tuu dagaholiage.

1 Corinthians 15:30

Gai ni haigamaiana aha demaadeu hagahai ngadaa omaadeu mouli i masavaa alodahi?

Acts 21:21

Gai gilaadeu gu langona hogi bolo koe e agoago ange de gau Ssuu alodahi e nnoho i magavaa o denga Gentile gilaadeu gi dilia hainga a Moses, ma de hai ange gilaadeu gi dee tuu dagaholiage ina alaadeu dama, aabe gi daudali i adaadeu dahulinga.

Galatians 6:17

Mai iainei ga hano ai, gai gi deai dangada e haia gi hai ngadaa au; go hiidinga au e hagauda denga maaga o Iesu i dogu angaanga.

1 Corinthians 1:18

Gai agoago o de laagau lui e dagodo bei muna a tangada lodo senga ange gi gilaadeu e maakau, aagai go ssauaa donu o de Maadua mai gi gidaadeu gu hagamouli laa.

Acts 21:28

ma de hevaalogi ga hagataba, “Dangada o Israel, goodou balea mai gimaadeu! Deenei taane e agoagona ange laa dangada i mommee alodahi, gilaadeu gi hai baasi ange gi de gau Ssuu ma de hainga, aama de mommee nei. Aagai ia gu gaamai hogi hanu dangada Greek gi lo te temple, e hai ai gi dee gilimalali de mommee dabu nei.”

Acts 16:3

Gai a Paul ne lodo e kave Timothy madali ia, deelaa ai, ia ne tuu dagaholiage Timothy i hiidinga o de gau Ssuu e nnoho laa i kilaa; gilaadeu alodahi e iloo bolo tamana o Timothy se daane Greek.

Isaiah 8:14

gai ia e hai naa ga se mommee dabu; aagai ange gi luu hale o Israel ia go de hadu e hagalaavea laa vae o dangada, gai se hadu e haia ga baakuu gilaadeu. Gai ia e bei naa donu dagodo o ssele ange gi dangada o Jerusalem.

Galatians 3:1

De gau Galatia, goodou e llodo ssenga! Goai ne helau ina naa goodou? Dagodo de daudau o Iesu Klisdo i de laagau lui gu lava donu i de hagadonu danuaa adu gi goodou.