Galatians 4:6 - De Beebaa Dabu

⁶ Gai go hiidinga goodou ni dama niiana, deelaa ai, de Maadua gu hai gi humai de Hagasaalunga o dana Dama Daane gi noho i odaadeu lodo, gai goodou ga hagahi ange ai, “Abba! Tamana!”

Galatians 4:6 Referans Kwoze

Romans 5:5

Gai de tali hagalodolodo nei e hai gi dee llodo baageaa gidaadeu, go hiidinga de Maadua gu gaamai dono aloha gi odaadeu lodo, i daho de Hagasaalunga Dabu aana ne gaamai laa gi noho i odaadeu lodo.

Romans 8:9

Aagai goodou gu dee nnoho i lalo ssauaa o de angaanga, gai gu nnoho i lalo ssauaa o de Hagasaalunga, noo de Hagasaalunga o de Maadua e noho i oodou lodo. Tangada e dee noho de Hagasaalunga o Klisdo i ono lodo, e dee se dangada niiona.

Philippians 1:19

go hiidinga au e iloo bolo au e ola mai naa donu i mee gu hai mai gi de au, i doodou dalodalo ma de bale mai i daho de Hagasaalunga o Iesu Klisdo.

Ephesians 2:18

Gai go ia odaadeu alodahi ne maua ai i de hulo gi Tamana i de Hagasaalunga e dahi.

2 Corinthians 3:17

Gai Tagi Maolunga go de Hagasaalunga donu, gai be go hee naa huu o de Hagasaalunga o Tagi Maolunga iai, gai iai hogi de ilaage.

Ephesians 4:30

Gai goodou gi dee hagadaemaha ina de Hagasaalunga Dabu o de Maadua, go de ia oodou ne hagailonga ange ai gi de laangi e hagahonu ai doodou hagaola.

Jude 1:20

Aagai goodou, ogu daina hagamogomogo, goodou hagadau hagammahi ina goodou i de gai e dabu mmao laa, ma de dalodalo i ssauaa o de Hagasaalunga Dabu.

John 16:7

Gai au e tala adu gi goodou de muna abodonu: e haigamaiana adu donu gi goodou dogu hano gee mai i oodou daha. Noo au e dee hano gee, gai de Ia Bale e dee humai gi oodou daha; aagai noo au e hano gee, gai au e hai naa ia gi humai gi oodou daha.

John 14:16

Gai au ga dangidangi ange naa gi Tamana, gai ia ga gaavadu ange gi goodou dahi Ia Bale gi noho i oodou daha ga hano ai,

Luke 11:13

Goodou ni dangada baubau, gai goodou e iloo de hai e gaavange ai mee danuaa gi oodou dama. Aagai doodou Damana i de langi, e kii ange donu dono lodo e gaavange de Hagasaalunga Dabu gi gilaadeu e dangidangi ange ai gi de ia!”

2 Corinthians 1:22

ma de maaga gidaadeu i dono hagailonga, i dana gaamai dono Hagasaalunga gi noho i odaadeu lodo e hagadonu ai mee e loomai.

John 15:26

“De masavaa naa huu o de Ia Bale e humai ai, go de ia aagu e hai gi humai i daho Tamana — go de Hagasaalunga o de muna abodonu, e humai laa i daho Tamana — gai ia ga tala hagadonu adu ogu dagodo.

Luke 11:2

Iesu ne hai ange gi gilaadeu, “De masavaa naa huu oodou e dalodalo ai, gai goodou ga hai ange: ‘Tamana, gi dabu doo ingoo; gi humai doo nohoanga hodooligi.

John 3:34

Gai de ia a de Maadua ne hai gi humai e tala muna a de Maadua, gai de Maadua e gaavange gi de ia de Hagasaalunga ⌊Dabu⌋, gai e dee hagabau donu.

Jeremiah 3:4

E aha, koe tee hagahi mai, ‘Dogu damana ma dogu soa mai i dogu gauligi,

1 Peter 1:11

gilaadeu ne ssala gi iloo e gilaadeu tangada ma de masavaa a de Hagasaalunga o Klisdo e noho laa i olaadeu lodo gu tala laa, i de masavaa aana ne tala pelaabisi ai dagodo de hagaduasala o Klisdo aama dono hagamahamaha i dua mee nei.

Ephesians 6:18

Goodou dalodalo ma de dangidangi i ssauaa o de Hagasaalunga i masavaa alodahi. Gai goodou dagitilo i masavaa alodahi, ma de dalodalo i dangada alodahi o de Maadua.

Jeremiah 3:19

Au ne hagadaba, ‘Au e lodo mmao e hai goodou gi ni dama niiagu, ma de gaavadu gi goodou dahi henua danuaa, gai se boolonga e mahamaha ange i denga huaahenua alodahi!’ Gai au ne maanadu bolo goodou e hagahi mai naa Tamana gi de au, ma tee huuhuli gee i de daudali mai i de au.

Revelation 19:10

Gai au ga ino i gaogao luoono vae ga daumaha ange gi de ia, aagai ia ga hai mai gi de au, “Aude daumaha mai gi de au! Go hiidinga au se dangada hai hegau bei oo dagodo ma oo daina ne daohia laa muna e tala hagadonu ai dagodo o Iesu. Gai daumaha ange gi de Maadua.” Gai de tala hagadonu dagodo o Iesu go de Hagasaalunga donu o de basa pelaabisi.

Ephesians 1:13

Goodou gu dau hogi madali Klisdo, i de masavaa oodou ne langona ai de muna abodonu, go de longo danuaa oodou ne hagamouli ai, ma doodou hagadonusia ia, ga hagailonga i de Hagasaalunga Dabu gu lava laa i de hagatoo donu ai,

1 Corinthians 15:45

Gai gu sisi e hai ange, “Adam, go tangada ne hai i taamada, ia ne hai ga se dangada e mouli;” gai de Adam hagaodi se dangada e mouli iai de hagasaalunga e vange de mouli gi dangada.

Acts 16:7

Gai de masavaa huu olaadeu ne tae ai gi gaogao o Mysia, gai gilaadeu ga hagatale de hulo gi Bithynia, gai de Hagasaalunga o Iesu ne daohi gilaadeu gi dee hulo.

John 7:39

Gai ia ne basa i dagodo o de Hagasaalunga ⌊Dabu⌋, gu dai hano iho laa gi honga o dangada gu hagadonusia ia; de masavaa laa gai de Hagasaalunga ⌊Dabu⌋ tigi hano iho, go hiidinga Iesu tigi kave dono mahamaha.

Mark 14:36

Gai ia ne hai ange, “Abba, dogu Damana! Koe e maua i de hai mee alodahi. Gaavee gee de ubu nei mai i ogu daha; gai e dee go ogu lodo e hai, aagai go oo lodo.”

1 Thessalonians 4:8

Deenei ai, tangada e hagangadi mee ina hainga nei e dee hagangadi mee dangada, gai ia e hagangadi mee donu de Maadua, go de ia ne gaavadu gi goodou dono Hagasaalunga Dabu.