Galatians 4:3 - De Beebaa Dabu

³ Gai e bei ai hogi odaadeu dagodo: de masavaa odaadeu tigi maatua abodonu ai, gai gidaadeu e nnoho i lalo ssauaa o denga hagasaalunga e dagina laa henua i lalo.

Galatians 4:3 Referans Kwoze

Colossians 2:20

Noo goodou gu maakau madali Klisdo, ange gi ssauaa o hagasaalunga o henua i lalo nei, gai gu aha goodou gu hai hegau ai naa bei dagodo o dangada e daudali i denga hainga bee nei:

Colossians 2:8

Goodou diiloo maalie gi deai dangada e gaavee oodou lodo i denga hagasaele ma maanadu hadu muna e deai ono haigamaiana, e daudali laa i dahulinga a dangada ma hagasaalunga mmahi o henua i lalo, gai e dee bei dagodo lodo o Klisdo.

Galatians 4:9

Gai iainei goodou gu iloo de Maadua, gai de Maadua gu iloo goodou; gai gu aha gu aahe ange ai naa goodou e hai hegau ange gi denga hagasaalunga baageaa o henua i lalo nei e deai laa olaadeu haigamaiana? Goodou gu llodo naa donu e hai gi ni dangada hai hegau niiolaadeu?

Galatians 2:4

Gai de mee nei ne hai i hiidinga o dangada e dee hagadonusia gu ulu mai laa gi odaadeu magavaa, ma e dagitilo ai dagodo o demaadeu ilaage i daho Klisdo Iesu, gai gilaadeu ga hai ai gimaadeu gi ni dangada hai hegau dee ilaage.

Galatians 4:31

Deenei ai, denga daina, gidaadeu e dee ni dama nii de hine hai hegau, aagai ni dama nii de hine ilaage.

Acts 15:10

Deenei ai, gu aha goodou gu hagatale ai naa de Maadua iainei, i doodou hagauda ange gi honga o dangada gu hagadonusia denga hainga adaadeu ma odaadeu dubuna madagidagi tee maua i de daudali ai?

Romans 8:15

Goodou tee kave de hagasaalunga e haia laa goodou ga ni dangada hai hegau, gai goodou ga aahe ange ai ga maatagu, aagai goodou ne kave de Hagasaalunga e haia goodou ga ni dama daohi. Gai go ono hiidinga odaadeu e maua i de hagataba, “Abba! Tamana!”

John 8:31

Iesu ne hai ange gi de gau Ssuu gu hagadonusia laa ia, “Noo goodou e daohi agu muna, gai goodou ni dangada agoago abodonu niiagu,

Hebrews 7:16

ga hai gu se dangada haimeedabu, gai de mee nei tee hai bei dagodo muna o de hainga i de aamuli oona e humai ai, aagai ne hai i ssauaa o de mouli e deai laa se hagaodi.

Galatians 4:25

Hagar go de mounga go Sinai i Arabia; ia e hagasengasenga ange gi Jerusalem, go hiidinga gilaadeu ma ana dama ni dangada hai hegau.

Galatians 3:19

Gai aahee hiidinga ne gaamai ai laa de hainga? De hainga ne gaamai i hiidinga o denga haisala, ga dae gi de masavaa e dae mai ai de hagadiilinga ne gaavee laa de hagatoo donu. Gai de hainga ne gaamai i daho de gau de langi ma tangada e hano i magavaa.

Matthew 11:28

Loomai gi de au, goodou alodahi e daalea ma de daemaha, gai au ga hagammabu goodou.

Romans 7:14

Gidaadeu e iloo bolo de hainga se mee ange gi de baasi gi de hagasaalunga; aagai au se dangada, e noho i lalo ssauaa o de haisala.

2 Corinthians 11:20

Gai goodou e dugu ange naa donu dahi dangada gi haia goodou gi ni dangada hai hegau, be e vaivai hai goodou, be dagudagu adu oodou mee e hai, be e hagamaolunga i goodou, aabe e hagailiili oodou ganomada.

Galatians 4:2

Gai ia e noho i lalo o dangada e diiloo ange laa ia ma dangada e diiloo ange ana mee, ga dae ai gi de laangi a dono damana gu lava laa i de hagamodu.

Galatians 4:8

I mua gai goodou e dee iloo de Maadua, goodou ni dangada hai hegau niio mee e dee ni Maadua abodonu.

Galatians 4:24

De mee nei se mee hagasengasenga: luu haahine nei ni hagatoo donu hagaheloongoi e lua. Dahi ne hai i honga de mounga go Sinai, gai ana dama ni dangada hai hegau; deenei de hine go Hagar.

Hebrews 5:12

Iainei goodou gu maua donu i de agoago, gai e deai, goodou goi aahe ange huu ma e agoago i muna heohi a de Maadua i taamada. Goodou goi mouli donu huu i vai uu, goodou tigi maua donu i de gai mee makaga;