Galatians 4:26 - De Beebaa Dabu

²⁶ Aagai Jerusalem i de langi laa e ilaage, deenei tinana odaadeu alodahi.

Galatians 4:26 Referans Kwoze

Hebrews 12:22

Aagai goodou gu loomai gi de mounga go Zion ma de aduhale o de Maadua e mouli laa, go Jerusalem i de langi, ma de hagabuulinga soa o de gau de langi e hagabuni laa ma de malangilangi,

Philippians 3:20

Aagai gidaadeu, taadeu henua go de langi, go kilaa iai Iesu Klisdo Tagi Maolunga, gai gidaadeu e hagaduu ngae e tali dono ahe mai.

Revelation 21:2

Gai au ne gidee de aduhale dabu, go Jerusalem hoou, e hano iho i de langi i daho de Maadua, gai gu lava i de hagadanuaa bei dagodo o de hine gu dai hagahai bodu gu gahu laa e hagadabena ange gi dono bodu.

Revelation 3:12

Be goai e kii, gai au e hai ia gi se duludulu i lo te temple o dogu Maadua. Gai ia e dee ahe ange naa donu e hano gee i kilaa. Gai au e sisi ange naa gi de ia de ingoo o dogu Maadua, ma de ingoo o de aduhale o dogu Maadua, go Jerusalem hoou, e hano iho laa i de langi i daho de Maadua, aama dogu ingoo hoou.

Isaiah 66:10

Malangilangi madali Jerusalem, ma de lodo danuaa i ono hiidinga, goodou alodahi e aaloha i de aduhale laa; goodou gi malangilangi mmao madali Jerusalem, goodou alodahi e hinangalosaa i ono hiidinga.

Galatians 4:22

Gai gu sisi i de Beebaa Dabu bolo Abraham e dogolua ana dama daane, dahi se dama nii de hine hai hegau, gai dahi se dama nii de hine ilaage.

Romans 6:18

Iainei goodou gu ilaage mai i de haisala, gai gu hai gi ni mee hai hegau niio de heohi.

Romans 6:14

Go hiidinga de haisala gu deai sono sauaa e dagi ai goodou, i hiidinga goodou gu dee nnoho i lalo ssauaa o de hainga, aagai gu nnoho i lalo ssauaa o de abodonu o de Maadua.

John 8:36

Gai noo Tama e hagailaage goe, gai koe gu ilaage donu.

Joel 3:17

“Gai goodou e iloo naa, bolo go au donu go Iahweh doodou Maadua, e noho laa i Zion, dogu mounga dabu. Jerusalem e hai naa gi dabu; gai de gau henua gee e dee aahe ange donu e kage mai gi honga de henua.

Isaiah 65:18

Aagai goodou llodo danuaa ma de malangilangi ga hano ai, i mee aagu gu hai; tilo, au e hai naa Jerusalem gi malangilangi, gai ono dangada gi llodo danuaa.

Hosea 4:5

Goodou e baakuu i de laangi ma de boo, gai denga pelaabisi e baakuu hogi madali goodou. Gai au e oha naa doo dinana.

Hosea 2:5

Delaadeu dinana se hine hai be se manu, de hine ne hanaua gilaadeu e hagadookaa ana dahulinga. Ia ne hagadaba, ‘Au ga hano nei e ssala ogu dau soa, e gaamai laa agu gai ma vai e unu, ma agu wool ma flax, ma agu lolo aama agu mee e unu.’

Hosea 2:2

“Hagaseegina doodou dinana, hagaseegina ia, go hiidinga ia e dee go dogu bodu, gai au e dee go dono bodu. Ia gi dugua gee ana dahulinga hai be se manu, aama ana hegau dagodo haisala.

Isaiah 50:1

E hagadaba Tagi Maolunga, “I hee iai de beebaa maavae a doodou dinana, aagu ne gaavadu ga hai ai ia gi hano gee? Gai goai aagu ne hagao ange goodou aagena e hagao ai agu muli? Tilo, go hiidinga oodou haisala oodou ne hagao ai gi daha, gai go oodou haisala ne hidi mai ai de hano gee o doodou dinana.

1 Peter 2:16

Goodou mouli bei dagodo o dangada e ilaage, aagai goodou gi dee hagahai hegau ina oodou ilaage gi hagamuunia ai oodou hegau baubau, gai gi mouli bei dagodo o de gau hai hegau o de Maadua.

Galatians 5:1

Klisdo ne hai ga ilaage gidaadeu, gai gi ilaage abodonu ai gidaadeu. Deenei ai, goodou tuu gi makaga, gai gi dee aahe ange gi haia goodou gi ni dangada hai hegau e dee ilaage.

Isaiah 52:9

Denga mommee i Jerusalem gu ngadi daakodo laa, goodou alodahi hevaalogi daahili i de malangilangi, go hiidinga Tagi Maolunga gu hagaaneane lodo o ono dangada; ia gu hagaola Jerusalem.

Revelation 17:5

Gai honga dono lae e sisi ai dahi mee e dee iloo laa: “Babylon de aduhale laumalie, tinana o de gau hai be ni manu, aama de hai denga dahulinga hakino gee o henua i lalo.”

Galatians 4:25

Hagar go de mounga go Sinai i Arabia; ia e hagasengasenga ange gi Jerusalem, go hiidinga gilaadeu ma ana dama ni dangada hai hegau.

Revelation 12:1

Gai dahi hagailonga hagalele mouli gu hagasula iho i de langi: dahi hahine e gahu i de laa, gai de maasina i lalo luoono vae, gai honga dono biho iai dahi hau e madaangahulu ma lua heduu iai.