Galatians 4:21 - De Beebaa Dabu

²¹ Au e ssili adu gi goodou e llodo laa e nnoho i lalo de hainga, goodou tigi langona naa donu muna gu tala laa i de hainga?

Galatians 4:21 Referans Kwoze

Galatians 3:10

Gai dangada alodahi e tali hagalodolodo ange gi hegau o de hainga gu hagamalaia donu; go hiidinga gu sisi e hai ange, “E malaia dangada alodahi e dee daohia mee alodahi gu sisi i de Beebaa o de hainga ga daudali ai.”

Romans 3:19

Gidaadeu e iloo bolo muna alodahi o de hainga e basa ange gi dangada e nnoho laa i lalo de hainga, gi dee maua ai e dahi dangada daudahi i de hagaheohi donu huu ia, gai henua i lalo alodahi gi too ange gi de hagaduasala a de Maadua.

Galatians 4:9

Gai iainei goodou gu iloo de Maadua, gai de Maadua gu iloo goodou; gai gu aha gu aahe ange ai naa goodou e hai hegau ange gi denga hagasaalunga baageaa o henua i lalo nei e deai laa olaadeu haigamaiana? Goodou gu llodo naa donu e hai gi ni dangada hai hegau niiolaadeu?

Romans 6:14

Go hiidinga de haisala gu deai sono sauaa e dagi ai goodou, i hiidinga goodou gu dee nnoho i lalo ssauaa o de hainga, aagai gu nnoho i lalo ssauaa o de abodonu o de Maadua.

John 15:25

Gai de mee nei gu bei donu muna gu sisi laa, i lodo alaadeu hainga ma e hai ange, ‘Gilaadeu ne kino i de au, gai e deai donu hiidinga.’

John 12:34

Dangada ne hai ange gi de ia, “Gimaadeu gu langona mai i de hainga bolo de Klisdo e mouli naa donu huu ga hano ai. Gai dee hee dau hai e tala mai ai naa bolo Tama a Tangada e hagaduu age? Goai Tama a tangada oou e basa ai naa?”

John 10:34

Iesu ne hai ange gi gilaadeu, “E aha, tigi sisi i oodou hainga, e hai ange, ‘Au e hagadaba bolo goodou ni maadua donu’?

Luke 16:29

Aagai Abraham ne hai ange gi de ia, ‘Muna a Moses ma denga pelaabisi e daakodo i olaadeu daha; gilaadeu gi hagalaangona alaadeu muna.’

Mark 10:3

Iesu ne ssili ange hogi gi gilaadeu, “Gai aahee muna a Moses gu tala adu gi goodou?”