Galatians 3:5 - De Beebaa Dabu

⁵ E aha, de ia ne gaavadu gi goodou de Hagasaalunga ⌊Dabu⌋, ma de hai denga mee hagalele mouli i oodou daha, ne hai laa mee nei i dono daudali i de hainga, aabe go hiidinga doodou langona de longo danuaa ga kai ange aagena?

Galatians 3:5 Referans Kwoze

Galatians 3:2

Gai au e ssili adu gi goodou dahi mee: goodou ne kave laa de Hagasaalunga ⌊Dabu⌋ i doodou hai hegau i de hainga, aabe go doodou langona muna o de longo danuaa ga kai ange aagena?

2 Corinthians 13:3

i hiidinga goodou e llodo e ssala gi iloo abodonu be go Klisdo donu e basa nei i ogu daha. Gai ia e dee baageaa donu i de hai hegau i oodou daha, aagai e mmahi mmao i oodou daha.

Acts 14:3

Gai Paul ma Barnabas ne daulooloa delaau nnoho i kilaa, ma de lo taane i de agoago muna a Tagi Maolunga, gai ia ne hagadonu agoago o dono abodonu, i dana hai gi maua e gilaau i de hai denga hagailonga ma mee hagalele mouli.

2 Corinthians 12:12

Au ne hagaduu ngae ga hagaago adu gi goodou dagodo o tangada tala abodonu, i dogu noho i oodou magavaa, i denga hagailonga ma mee hagalele mouli aama denga sauaa mmahi.

2 Corinthians 10:4

Gai odaadeu goloa hebagi e dee ni mee niio henua i lalo, aagai go ssauaa o de Maadua e oha ai laa denga buibui makaga o de hagadaumee.

Romans 15:19

ma hagailonga mmahi ma mee hagalele mouli, i ssauaa o de Hagasaalunga o de Maadua. Gai au gu agoago de longo danuaa o Klisdo alodahi, mai i Jerusalem ga dae ai gi Illyricum,

2 Corinthians 3:8

gai dee hee maa ai naa de laumalie ange de mahamaha hegau a de Hagasaalunga?

1 Corinthians 12:10

gai dahi ne gaavange ssauaa e hai ai mee hagalele mouli, gai dahi go de basa pelaabisi, gai tangada ange laa go de maua i de made dagodo o denga hagadaagangaa hagasaalunga, gai dahi go de basa i denga hagadaagangaa muna, gai dahi go de hagadonu hagadaagangaa muna laa.

Romans 10:17

Deenei ai, de gai e daamada mai i taadeu langona de muna, go de agoago o de longo danuaa o Klisdo.

2 Corinthians 9:10

De ia e gaavange golee a tangada hai veelenga ma pelaoaa e gai mee ai ia, e gaavadu naa hogi oodou mee, ma de hai gi laumalie tau gai o oodou heohi.

Philippians 1:19

go hiidinga au e iloo bolo au e ola mai naa donu i mee gu hai mai gi de au, i doodou dalodalo ma de bale mai i daho de Hagasaalunga o Iesu Klisdo.