Galatians 3:14 - De Beebaa Dabu

¹⁴ gai gi maua ai hogi e denga Gentile i de kave de manuuia o Abraham i daho Klisdo Iesu, gai gi maua ai e gidaadeu i de kave de Hagasaalunga gu hagatoo donu laa i de gai.

Galatians 3:14 Referans Kwoze

1 Corinthians 12:13

Gai gidaadeu alodahi ne babudaisi i de Hagasaalunga daudahi e hai ai de angaanga e dahi — e dee hilihili be ni dangada Ssuu aabe ni dangada Greek, be ni dangada hai hegau aabe ni dangada e ilaage — gai gidaadeu alodahi ne kave de Hagasaalunga daudahi.

Ephesians 2:18

Gai go ia odaadeu alodahi ne maua ai i de hulo gi Tamana i de Hagasaalunga e dahi.

Galatians 3:2

Gai au e ssili adu gi goodou dahi mee: goodou ne kave laa de Hagasaalunga ⌊Dabu⌋ i doodou hai hegau i de hainga, aabe go doodou langona muna o de longo danuaa ga kai ange aagena?

Acts 2:33

Deenei ai, ia gu noho i de baasi madau o de Maadua, gai gu kave de Hagasaalunga Dabu gu lava laa i de hagatoo donu i daho Tamana, ma gu hai ia gi hano iho, bei doodou hai gu gidee ai naa ma de langona.

Ezekiel 11:19

Au e hai naa gilaadeu gi buni i de lodo daudahi, ma de hagahoou olaadeu lodo; au e kave gee naa olaadeu lodo e makaga laa bei de hadu, gai ga gaavange gi gilaadeu dahi lodo hoou.

1 Peter 1:22

Gai go hiidinga goodou gu gilimalali i doodou daudali i de muna abodonu, gai goodou gu maua i de hagadau aaloha i de lodo se mee abodonu, gai goodou hagadau aaloha i de lodo e gilimalali.

John 7:39

Gai ia ne basa i dagodo o de Hagasaalunga ⌊Dabu⌋, gu dai hano iho laa gi honga o dangada gu hagadonusia ia; de masavaa laa gai de Hagasaalunga ⌊Dabu⌋ tigi hano iho, go hiidinga Iesu tigi kave dono mahamaha.

Isaiah 32:15

ga dae ai gi de hano iho o de Hagasaalunga o de Maadua i de mommee maolunga, gai de vao e hai naa ga se gelegele danuaa e ssomo ai manu, gai gelegele danuaa e ssomo ai manu e hai naa ga se lodo mee muimui.

Ephesians 4:30

Gai goodou gi dee hagadaemaha ina de Hagasaalunga Dabu o de Maadua, go de ia oodou ne hagailonga ange ai gi de laangi e hagahonu ai doodou hagaola.

Ephesians 3:16

gai ia ga hai ai gi mmahi oodou lodo i ssauaa o dono Hagasaalunga, bei dagodo de laumalie o dono mahamaha,

Ephesians 2:22

Gai go ono daha oodou ne hagatuu age ai alodahi, e hai ai de mommee o de Maadua e noho ai i de Hagasaalunga.

Galatians 4:6

Gai go hiidinga goodou ni dama niiana, deelaa ai, de Maadua gu hai gi humai de Hagasaalunga o dana Dama Daane gi noho i odaadeu lodo, gai goodou ga hagahi ange ai, “Abba! Tamana!”

Galatians 3:16

Denga hagatoo donu ne gaavange gi Abraham ma ono hagadiilinga. Gai tee hai ange, “ange gi denga hagadiilinga,” ni dangada soa; aagai ange gi dahi, “gai ange gi doo hagadiilinga,” go Klisdo.

2 Corinthians 1:22

ma de maaga gidaadeu i dono hagailonga, i dana gaamai dono Hagasaalunga gi noho i odaadeu lodo e hagadonu ai mee e loomai.

Isaiah 49:6

ia e hagadaba, “Se mee dee dau dagu hai goe go dogu dangada hai hegau, e hagaola ai denga aamuli o Jacob, ma de hagaahe mai de gau Israel aagu ne hagaola. Au e hai naa hogi goe gi se maalama ange gi denga huaahenua, gai koe ga kave ai dagu hagaola gi de bido laa o henua i lalo.”

Acts 5:32

Gai gimaadeu ni dangada e daalaa hagadonu dagodo o mee nei. Gai e bei ai hogi de Hagasaalunga Dabu, go ia a de Maadua gu gaavange gi dangada alodahi e daudali i ono lodo.”

Acts 4:12

E deai ange donu se hagamouli i daho dahi dangada ange, gai e deai ange donu se ingoo ne gaavange gi dangada o henua i lalo e maua i de hagamouli gidaadeu.”

Luke 24:49

Gai tilo, au e hai naa gi hano iho gi oodou elunga, de ia a dogu Damana gu hagatoo donu laa. Aagai goodou nnoho i de aduhale nei, ga dae ai gi doodou kave ssauaa mai i de mommee maolunga.”

Luke 11:13

Goodou ni dangada baubau, gai goodou e iloo de hai e gaavange ai mee danuaa gi oodou dama. Aagai doodou Damana i de langi, e kii ange donu dono lodo e gaavange de Hagasaalunga Dabu gi gilaadeu e dangidangi ange ai gi de ia!”

Zechariah 12:10

“Gai au e gaavange naa gi de huaabodu o David de hagasaalunga o de lodo aloha ma talodalo. Gilaadeu e daumada naa donu au, de ia alaadeu ne velo laa ga hagalagohia, gai gilaadeu ga tangi ai naa i ono hiidinga, bei de dangi o tangada i dana dama dagidahi, ma de kona de hinangalosaa i de ia bei de dangi o tangada i de magau o dana dama madua.

Ezekiel 39:29

Au gu dee huli gee luoogu mada i gilaadeu, gai au e hai naa gi hano iho dogu Hagasaalunga gi honga o de gau Israel, go de Ia Aamua go Iahweh e hagadaba.”

Jeremiah 32:40

Gai au e hai naa dahi hagatoo donu hagaheloongoi dee ngado mai madali gilaadeu, au e dee tuu naa donu dagu hai ange tanuaa gi gilaadeu. Gai au e hai naa gilaadeu gi madagu i de au, gi dee daahuli gee ai gilaadeu i de au.

Jeremiah 31:33

Gai deenei dagu hagatoo donu hagaheloongoi e hai madali dangada o Israel i dua laangi laa, go Tagi Maolunga e hagadaba. Au e hai naa gi daakodo agu hainga i alaadeu maanadu, ma de sisi ange gi olaadeu lodo. Gai au e hai naa go delaadeu Maadua, gai gilaadeu go ogu dangada.

Isaiah 52:10

Tagi Maolunga e hagaabo naa dono lima dabu, i madamada o denga huaahenua alodahi, gai henua i lalo alodahi e gidee naa de hagaola a taadeu Maadua.

Isaiah 41:8

Israel, go koe dogu dangada hai hegau, Jacob, go de ia aagu ne hili, goodou go hagadiilinga o dogu soa go Abraham.

Genesis 22:18

Gai denga huaahenua alodahi o henua i lalo e manuuia naa i hiidinga o doo hagadiilinga, go hiidinga koe ne daudali i agu muna.”

1 Peter 3:9

Goodou gi dee hagao ina ange de baubau i de baubau, be go muna baubau i muna baubau. Aagai gi hagao ina ange de baubau i hagamanuuia, go hiidinga deenei doodou mee ne hagahi ange aagena, gi maua ai e goodou de manuuia.