Galatians 2:9 - De Beebaa Dabu

⁹ Gai ga gidee huu e James, ma Cephas, aama John, go gilaadeu e hagabinga laa bolo ni dagi, de abodonu o de Maadua gu gaamai laa gi de au, gai gilaadeu ga luuluu omaau lima ma Barnabas, ga hai gimaau gi hulo gi denga Gentile, gai gilaadeu ne hulo gi de gau Ssuu.

Galatians 2:9 Referans Kwoze

Romans 12:3

Gai au e hai adu gi goodou alodahi, i hiidinga de abodonu o de Maadua mai gi de au, dahi ma dahi gi dee gona odi dana hagadubudubu donu huu ia; aagai ia gi maua i de maanadu gi heohi, bei de hai a de Maadua gu gaavange ai gi dahi ma dahi dono duuhanga i de gai.

Revelation 3:12

Be goai e kii, gai au e hai ia gi se duludulu i lo te temple o dogu Maadua. Gai ia e dee ahe ange naa donu e hano gee i kilaa. Gai au e sisi ange naa gi de ia de ingoo o dogu Maadua, ma de ingoo o de aduhale o dogu Maadua, go Jerusalem hoou, e hano iho laa i de langi i daho de Maadua, aama dogu ingoo hoou.

Galatians 2:2

Au ne hano gi kilaa i hiidinga se mee ne hagaago mai i daho de Maadua au gi haia. Gai au ne hagabuni donu huu madali denga dagi i kilaa ga tala ange gi gilaadeu dagodo o de longo danuaa aagu e agoago ange laa gi denga Gentile, gi dee ni ngadi hegau ai aagu e hai.

Romans 1:5

Gai go ono hiidinga amaadeu ne maua ai i de kave de abodonu o de Maadua ma de hegau a tangada tala, gi maua ai e huaahenua alodahi i de hagallongo ange aama de kai ange gi de ia.

1 John 1:3

Gai gimaadeu gu tala adu hogi gi goodou amaadeu mee gu gidee ma de longo, gi buni ai gidaadeu i de mee daudahi. Gai gidaadeu gu buni madali Tamana ma dana Dama Daane go Iesu Klisdo.

Ephesians 3:8

Gai dagu hai go au hugadoo e maolalo i dangada o de Maadua alodahi, aagai tuuhanga nei ne gaamai gi de au i dono abodonu, gai au ga agoago ange ai denga Gentile, i dagodo de lava o Klisdo e dee maua laa i de tala ono dagodo,

1 Timothy 3:15

Gai noo au gu mmule adu, gai koe gu iloo doo hai e hai hegau ange ai gi dangada i lo te huaabodu o de Maadua, go de nohoanga dabu o de Maadua e mouli laa, gai go tuludulu ma tagelo o de mee abodonu.

Colossians 1:29

Gai au e hagaduu ngae e hai mee nei alodahi i ssauaa mahi o de Maadua gu hagahai hegau laa i ogu daha.

Ephesians 2:20

Goodou gu hagatuu ange gi honga tagelo a de gau tala ma denga pelaabisi, gai go Klisdo Iesu donu tuludulu o de logunga,

2 Corinthians 8:4

Gilaadeu ne dangidangi mai bolo gilaadeu e llodo hogi e daohi age dahi mee e bale ai dangada o de Maadua.

1 Corinthians 15:10

Aagai de abodonu o de Maadua gu hai au gi bei ogu dagodo iainei, gai dono abodonu mai gi de au tee se ngadi mee donu. Gai au e kii ange donu dogu hai hegau hagammahi i de gau tala ange laa — aagai e dee go ogu mahi, gai go de abodonu o de Maadua mai gi de au.

Romans 15:15

Gai au e lo taane donu i de sisi adu dagodo o hanu mee e hagamaanadu adu ai goodou, go hiidinga o tuuhanga gu gaamai nei gi de au i de abodonu o de Maadua,

Acts 15:13

Gai ga lava huu muna a Paul ma Barnabas, gai James ga hai ange gi gilaadeu, “Denga daina, goodou nnoho mai hagalaangona agu muna.

Acts 15:7

Gai ga daulooloa huu delaadeu hagasaele, gai Peter ga hidi age ga hai ange gi gilaadeu, “Denga daina, goodou e iloo bolo hanu masavaa gu hulo, gai de Maadua ne hili au gi daalaa ange de longo danuaa gi denga Gentile, gi hagadonusia ai hogi e gilaadeu.

Acts 4:36

Gai Joseph, taane e hagaingoo ange laa go Barnabas (e bei go “taane e hagammahi ina ange lodo o dangada”) gai se dangada de aamuli o Levi mai i Cyprus,

Matthew 16:18

Au e hai adu, go koe go Peter; go honga de baba nei aagu e hagaduu ai dogu nohoanga dabu, gai ssauaa o Hades e dee maua donu i de hagadee kii.

2 Kings 10:15

De masavaa huu o Jehu ne hano gee ai i kilaa, gai Jehonadab, tama daane a Recab gu humai e hedae ange gi de ia. Gai Jehu ga hagaboo ange gi de ia, ga ssili ange, “Koe e dau mai naa gi dogu baasi, bei dogu hai e dau adu ai nei gi doo baasi?” Jehonadab ne hai ange, “Uaa, au e dau adu gi doo baasi.” Gai Jehu ga hai ange, “Noo koe e dau mai, gai koe haalo ina mai doo lima.” Gai Jehonadab ga haalo ange dono lima, gai Jehu ga hakage age ia gi lo tono hada hebagi.

Luke 22:8

Aagai Iesu ga hai gi hulo Peter ma John, ga hai ange, “Gooluu hulo hagadabena ina Taonga Hagasili e gaimee ai gidaadeu.”

John 1:42

Gai ia ne dagi mai ia gi daho Iesu. Gai Iesu ne galo ange ga tilo Peter, ga hai ange, “Doo ingoo go Simon tama daane a John? Koe e hagaingoo ange naa go Cephas” (e bei go Peter).

Acts 12:17

Gai Peter ga daodaohi ange dono lima, ga hai gilaadeu gi dee pasa, gai ia ga tala ange gi gilaadeu de hai a Tagi Maolunga ne hagasao mai ai ia i lo te hale pono. Ia ne hai ange hogi gi gilaadeu, “Goodou hulo daalaa ange gi James ma denga daina ange laa mee nei.” Aagai ia ga hano gee mai i kilaa ga hano gi dahi mommee gee.

2 Corinthians 11:5

Gai au e hagadaba bolo au e dee maolalo ange donu i gilaadeu e hagataba naa bolo gilaadeu ni dangada tala maolunga.

2 Corinthians 12:11

Au ne basa be se dangada lodo senga! Gai go goodou donu ne hidi ai. De mee heohi, go goodou donu e duuhia ngau. Go hiidinga au e dee maolalo ange donu i dangada e hagataba naa bolo gilaadeu ni dangada tala maolunga, e dee galemu donu au se dangada e dee dau.

Galatians 1:16

ne malangilangi ai i de hagaago mai dana Dama Daane gi de au, gi maua ai e au i de agoago ange ia gi denga Gentile, gai au tee hano donu e kave de bale mai i daho dahi dangada daudahi.

Galatians 1:18

Aagai dua huu e dolu ngadau gai au ne hano e hedae ange gi Cephas i Jerusalem, ga noho i ono daha i e madaangahulu ma lima laangi.

Galatians 2:1

Gai dua huu e madaangahulu ma haa ngadau, gai au ne ahe gi Jerusalem madali Barnabas, gai au ne kave hogi Titus madali au.

Galatians 6:3

Go hiidinga noo tangada e maanadu bolo ia se mee dau, gai ia e dee dau donu, aagai ia e hagasenga donu huu ia.