Galatians 2:6 - De Beebaa Dabu

⁶ Gai gilaadeu e hagabinga laa bolo ni dagi — olaadeu duulanga aamua e dee ni mee dau donu i ogu daha; de Maadua e dee vae dangada donu — gai teai hogi alaadeu muna ne bale mai ai au.

Galatians 2:6 Referans Kwoze

Galatians 2:2

Au ne hano gi kilaa i hiidinga se mee ne hagaago mai i daho de Maadua au gi haia. Gai au ne hagabuni donu huu madali denga dagi i kilaa ga tala ange gi gilaadeu dagodo o de longo danuaa aagu e agoago ange laa gi denga Gentile, gi dee ni ngadi hegau ai aagu e hai.

Acts 10:34

Aagai Peter ne daamada de basa ga hai ange, “Au e iloo bolo ni muna abodonu de Maadua e dee vae dangada,

2 Corinthians 12:11

Au ne basa be se dangada lodo senga! Gai go goodou donu ne hidi ai. De mee heohi, go goodou donu e duuhia ngau. Go hiidinga au e dee maolalo ange donu i dangada e hagataba naa bolo gilaadeu ni dangada tala maolunga, e dee galemu donu au se dangada e dee dau.

Galatians 6:3

Go hiidinga noo tangada e maanadu bolo ia se mee dau, gai ia e dee dau donu, aagai ia e hagasenga donu huu ia.

2 Corinthians 11:5

Gai au e hagadaba bolo au e dee maolalo ange donu i gilaadeu e hagataba naa bolo gilaadeu ni dangada tala maolunga.

Romans 2:11

Go hiidinga de Maadua e dee vae dangada.

1 Peter 1:17

Gai noo goodou e hagahi ange Tamana, go de ia e hagamodu ina muna o dangada, gai e dee vae dangada, gai goodou mouli i de hagadubu ma de maatagu i doodou nnoho gaainga i henua i lalo nei.

Hebrews 13:17

Hagallongo ange gi oodou dagi, ma de hagadubu gilaadeu, i hiidinga go gilaadeu e diiloo adu goodou i de baasi gi de hagasaalunga, gai gilaadeu e tala ange naa dagodo o alaadeu hegau gi de Maadua. Goodou haia gi malangilangi gilaadeu i de hai alaadeu hegau, goodou gi dee hagadaemaha ina gilaadeu, go hiidinga e dee haigamaiana adu gi goodou.

Hebrews 13:7

Goodou manadua oodou dagi, ne agoagona adu goodou i muna a de Maadua. Manadua dagodo olaadeu mouli, gai goodou ga ago ange i olaadeu kai.

2 Corinthians 5:16

Deenei ai, mai iainei gai gimaadeu gu dee tilo dangada bei de hai a dangada e tilo ai; e dee galemu donu gimaadeu nogo tilo Klisdo i mua bei de hai a dangada e tilo ai laa, gai iainei gimaadeu gu dee tilo bee nei.

Luke 20:21

Gai de gau mulidagi ne loomai ga ssili ange gi de ia, “Tangada Agoago, gimaadeu e iloo bolo koe e basa ma de agoago i de heohi, koe e dee vae dangada, aagai e agoago de haiava o de Maadua i de muna abodonu.

Mark 12:14

Gilaadeu ne loomai ga hai ange gi de ia, “Tangada Agoago, gimaadeu e iloo bolo koe e hai hegau i de mee abodonu, gai koe e dee dagi i daho dangada. Koe e dee vae dangada, aagai e agoago lodo o de Maadua i de mee abodonu. E alaange de hagao ange taagisese gi Caesar aabe deai? E hagao gimaadeu taagisese be deai?”

Matthew 22:16

Gai gilaadeu ne hai gi hulo alaadeu dangada agoago, ma hanu dangada mai i de hagabuulinga o Herod gi ono daha, ga hai ange, “Tangada Agoago, gimaadeu e iloo bolo koe e hai hegau i de mee abodonu, gai koe e agoago de haiava o de Maadua i de mee abodonu. Koe e dee dagi i daho dangada, go hiidinga koe e dee vae dangada.

De Beebaa go Job 34:19

Go ia e dee hilihili dangada ange gi dagi o de henua, gai e dee kii ange dono abodonu ange gi de gau lava i de gau hagaau aloha, go hiidinga go ia ne haia gilaadeu alodahi.

Deuteronomy 10:17

Go hiidinga Tagi Maolunga doodou Maadua go de Maadua o denga maadua alodahi, gai go de Ia Aamua o de gau aamua alodahi, ia e maolunga, e mmahi, gai se Maadua hagamaatagu, ia e dee hilihili dangada aabe e kave mee ngadi gaavange hagasenga.

Acts 5:36

Hanu masavaa gu hulo gai Theudas ne humai ga hagadaba bolo ia se daane dau, gai daha de haalau daane ne daudali ange i de ia. Aagai ia ne daia ga magau, dangada ne daudali ange i de ia gu mavaevae saele, gai de hegau laa tee maua gi sula.