Galatians 2:14 - De Beebaa Dabu

¹⁴ Aagai de masavaa huu aagu ne gidee ai bolo gilaadeu gu dee hai hegau i de mee heohi o de longo danuaa, gai au ga basa ange gi Cephas i madamada o dangada alodahi i kilaa, ga hai ange, “Koe se dangada Ssuu, gai koe e mouli bei dagodo o denga Gentile, e dee mouli bei dagodo o tangada Ssuu; gai gu aha gu usuusu ange ai naa goe denga Gentile gi mouli bei dagodo o de gau Ssuu?”

Galatians 2:14 Referans Kwoze

Galatians 2:5

Gai gimaadeu tee dugu ange donu gi hai mee nei i dahi masavaa bodobodo, gi maua ai de mee abodonu o de longo danuaa gi dagodo adu gi goodou.

Acts 10:28

Gai ia ga hai ange gi gilaadeu, “Goodou e iloo donu bolo de gau Ssuu e dee hagabuni ange gi denga Gentile, aabe e hulo gi olaadeu daha. Aagai de Maadua gu hagaago mai bolo au gi dee daalaa bolo dahi dangada e dee gilimalali aabe e hakino gee.

1 Timothy 5:20

Gai koe hagaseegina gilaadeu e aheahe ange ma e haisala i madamada o dangada alodahi, gi maatagu ai de gau ange laa.

Galatians 6:12

Gai go dangada e llodo laa gi duuhia alaadeu hegau e usuusuhia adu goodou gi tuu dagaholiage, gi dee vaivai haia ai gilaadeu i hiidinga o de laagau lui o Klisdo.

Proverbs 2:7

Ia e doange de heiangi e gaavange gi gilaadeu e heohi, ia se buibui niiolaadeu e dee haisala,

Psalm 84:11

Go hiidinga Tagi Maolunga de Maadua e bei de laa ma de mee hungihungi; ia e abodonu mai aama de hagadubu au. Ia e dee daohi donu dahi mee danuaa daudahi i gilaadeu e seesee i de heohi.

Hebrews 12:13

gai hagassoea haiava oodou e seesee ai, gi dee daahuli ai vae o de gau balagelage, aagai gi ieiangi.

Hebrews 9:10

Gai mee nei ni mee ange donu huu gi denga gai, ma mee unu, aama de hai e hagagilimalali ai. Mee nei alodahi ni hainga ange gi mee e hai ange gi de angaanga ga dae ai gi de masavaa o de hagatau hoou.

Galatians 2:9

Gai ga gidee huu e James, ma Cephas, aama John, go gilaadeu e hagabinga laa bolo ni dagi, de abodonu o de Maadua gu gaamai laa gi de au, gai gilaadeu ga luuluu omaau lima ma Barnabas, ga hai gimaau gi hulo gi denga Gentile, gai gilaadeu ne hulo gi de gau Ssuu.

Galatians 2:7

Gai gilaadeu ne gidee bolo gu gaamai gi de au de hegau, go de agoago ange de longo danuaa gi denga Gentile, bei de hai gu gaavange ai laa hogi gi Peter, gi agoagona ange de longo danuaa gi de gau Ssuu.

Romans 14:14

Au e iloo abodonu ma de hagadonusia i lodo o Tagi Maolunga go Iesu, bolo e deai donu se mee daudahi e dee gilimalali. Aagai e dee gilimalali donu huu noo tangada e maanadu bolo e dee gilimalali.

Acts 15:24

Gimaadeu ne langona bolo hanu i omaadeu magavaa ne loadu ga hai ga dee paba goodou, ma de hai gi manavasaa oodou lodo i alaadeu muna, gai e dee go gimaadeu donu ne hagasauaa ina gilaadeu gi loadu.

Proverbs 10:9

Tangada e hai hegau laa i de mee abodonu e noho baba, aagai tangada e seesee laa i denga haiava dee heohi e gidee mai naa ono dagodo.

Psalm 141:5

De hagaili a tangada heohi au, e bei donu dono abodonu mai; dana hagasee au, e bei donu de lolo e hagasulu ai laa dogu biho; gai au e dee hagaui gee ai donu. Gai au e duudagi naa donu de dalodalo e hai baasi ange ai gi dangada e haia de baubau.

Psalm 58:1

Denga dagi, e aha, goodou e tala naa donu de mee heohi? Goodou e hagamodu naa muna o dangada i de heohi?

Psalm 15:2

Go tangada e dee haisala, gai e hai hegau i de mee heohi, ma de tala de muna abodonu i ono lodo laa.

Leviticus 19:17

Aude daohia doo lili i doo daina. Gai hagaseegina ia, gi dee dau adu ai ono haisala gi de goe.

Galatians 2:3

Aagai gilaadeu tee hai hogi Titus, taane madali au, gai se daane Greek, gi tuu dagaholiage.

Acts 15:1

Aagai gu loomai hanu daane i Judea gi Antioch ga agoago ange denga daina, ga hai ange, “Noo goodou e dee tuu dagaholiage bei dagodo muna o de hainga a Moses, gai goodou e dee hagamouli donu.”

Acts 15:5

Aagai hanu Pharisee gu hagadonusia laa ne tuu age, ga hai ange, “Gidaadeu e tala ange gi denga Gentile bolo e heohi delaadeu tuu dagaholiage aama de daohi de hainga a Moses.”

Galatians 1:6

Au gu lele ogu mouli i de moolau doodou hulo gee mai i de ia ne hagahia goodou i de abodonu o Klisdo, ga daudali ange i dahi longo danuaa gee —

Galatians 1:18

Aagai dua huu e dolu ngadau gai au ne hano e hedae ange gi Cephas i Jerusalem, ga noho i ono daha i e madaangahulu ma lima laangi.

Colossians 1:5

i hiidinga de tali hagalodolodo gu hagadabena adu laa gi goodou i de langi. Gai goodou gu langona dagodo o de tali nei i de agoago abodonu, go de longo danuaa,