Galatians 2:11 - De Beebaa Dabu

¹¹ Gai de masavaa huu o Cephas ne humai ai gi Antioch, gai au ga hagasee ia i madamada o dangada, go hiidinga ia gu dee heohi.

Galatians 2:11 Referans Kwoze

1 Timothy 5:20

Gai koe hagaseegina gilaadeu e aheahe ange ma e haisala i madamada o dangada alodahi, gi maatagu ai de gau ange laa.

Galatians 2:14

Aagai de masavaa huu aagu ne gidee ai bolo gilaadeu gu dee hai hegau i de mee heohi o de longo danuaa, gai au ga basa ange gi Cephas i madamada o dangada alodahi i kilaa, ga hai ange, “Koe se dangada Ssuu, gai koe e mouli bei dagodo o denga Gentile, e dee mouli bei dagodo o tangada Ssuu; gai gu aha gu usuusu ange ai naa goe denga Gentile gi mouli bei dagodo o de gau Ssuu?”

2 Corinthians 5:16

Deenei ai, mai iainei gai gimaadeu gu dee tilo dangada bei de hai a dangada e tilo ai; e dee galemu donu gimaadeu nogo tilo Klisdo i mua bei de hai a dangada e tilo ai laa, gai iainei gimaadeu gu dee tilo bee nei.

Acts 15:1

Aagai gu loomai hanu daane i Judea gi Antioch ga agoago ange denga daina, ga hai ange, “Noo goodou e dee tuu dagaholiage bei dagodo muna o de hainga a Moses, gai goodou e dee hagamouli donu.”

Jude 1:3

Ogu soa hagamogomogo, au ne lodo mmao e sisi adu gi goodou, dagodo o de hagamouli adaadeu alodahi gu kave nei, aagai au ne gidee bolo e danuaa dagu sisi e hagammahi adu, goodou gi lo taane ma de hagaduu ngae i de gai gu gaavange laa gi dangada alodahi o de Maadua.

James 3:2

E lagolago donu odaadeu mee e haisala ai, gai noo tangada e dee haisala i ana muna e tala, gai ia se dangada gu heohi abodonu, ia gu maua hogi i de dagi dono angaanga alodahi.

Galatians 2:9

Gai ga gidee huu e James, ma Cephas, aama John, go gilaadeu e hagabinga laa bolo ni dagi, de abodonu o de Maadua gu gaamai laa gi de au, gai gilaadeu ga luuluu omaau lima ma Barnabas, ga hai gimaau gi hulo gi denga Gentile, gai gilaadeu ne hulo gi de gau Ssuu.

Galatians 2:7

Gai gilaadeu ne gidee bolo gu gaamai gi de au de hegau, go de agoago ange de longo danuaa gi denga Gentile, bei de hai gu gaavange ai laa hogi gi Peter, gi agoagona ange de longo danuaa gi de gau Ssuu.

Galatians 2:5

Gai gimaadeu tee dugu ange donu gi hai mee nei i dahi masavaa bodobodo, gi maua ai de mee abodonu o de longo danuaa gi dagodo adu gi goodou.

2 Corinthians 12:11

Au ne basa be se dangada lodo senga! Gai go goodou donu ne hidi ai. De mee heohi, go goodou donu e duuhia ngau. Go hiidinga au e dee maolalo ange donu i dangada e hagataba naa bolo gilaadeu ni dangada tala maolunga, e dee galemu donu au se dangada e dee dau.

Matthew 16:23

Iesu ne huli dua ga hai ange gi Peter, “Satan, hannoo gi ogu dua! Koe se dangada e buibuia ngau. Go hiidinga au maanadu e dee bei lodo o de Maadua, aagai e bei lodo o dangada.”

2 Corinthians 11:5

Gai au e hagadaba bolo au e dee maolalo ange donu i gilaadeu e hagataba naa bolo gilaadeu ni dangada tala maolunga.

Acts 11:19

Gai dangada ne mavaevae saele laa i hiidinga de vaivai haia o dangada ne daamada laa i Stephen, ne hulo loo ga tae gi Phoenicia, ma Cyprus, aama Antioch. Gai gilaadeu tee agoago ange muna a de Maadua gi hanu dangada gee, go de gau Ssuu donu huu.

Jonah 4:9

Gai de Maadua ga hai ange gi Jonah, “E heohi naa donu doo lili i hiidinga o de manu somo nei?” Gai ia ga hai ange, “Uaa, e heohi donu dogu lili. Mee naa au gu magau donu!”

Jonah 1:3

Gai Jonah ne hidi age ga savini e hano gee mai i mada luu mada o Tagi Maolunga. Gai ia ne hano iho gi Joppa, gu gidee e ia dahi vaga i kilaa gu dai malanga e hano gi Tarshish. Gai ia ne hagao dono paasese, ga gage i de vaga laa e hano gi Tarshish, e mmuni ai i Tagi Maolunga.

Jeremiah 1:17

Aagai koe hagadabena ina oo mee hannoo daalaa ange gi gilaadeu muna alodahi aagu e tala adu gi de goe. Aude madagu donu i gilaadeu, kana haia e au goe gi kona doo madagu i gilaadeu.

Numbers 20:12

Gai Tagi Maolunga ga hai ange gi Moses ma Aaron, “Go hiidinga gooluu tee hagadonu agu muna, ma tee hagadubu au i madamada o de gau Israel, deelaa ai, e dee go gooluu e dagina de hagabuulingaa dangada e kave gi de henua aagu e gaavange gi gilaadeu.”

John 1:42

Gai ia ne dagi mai ia gi daho Iesu. Gai Iesu ne galo ange ga tilo Peter, ga hai ange, “Doo ingoo go Simon tama daane a John? Koe e hagaingoo ange naa go Cephas” (e bei go Peter).

Acts 11:20

Gai hanu gilaadeu mai i Cyprus ma Cyrene, ne hulo hogi gi Antioch ga agoago ange ai de gau Greek de longo danuaa o Tagi Maolunga go Iesu.

Acts 11:22

Gai longo o mee laa gu tae hogi gi de nohoanga dabu i Jerusalem, aagai gilaadeu ga hai gi hano Barnabas gi Antioch.

Acts 11:27

Laangi laa gai hanu pelaabisi ne loomai i Jerusalem gi Antioch.

Acts 15:5

Aagai hanu Pharisee gu hagadonusia laa ne tuu age, ga hai ange, “Gidaadeu e tala ange gi denga Gentile bolo e heohi delaadeu tuu dagaholiage aama de daohi de hainga a Moses.”

Galatians 1:18

Aagai dua huu e dolu ngadau gai au ne hano e hedae ange gi Cephas i Jerusalem, ga noho i ono daha i e madaangahulu ma lima laangi.