Galatians 2:1 - De Beebaa Dabu

¹ Gai dua huu e madaangahulu ma haa ngadau, gai au ne ahe gi Jerusalem madali Barnabas, gai au ne kave hogi Titus madali au.

Galatians 2:1 Referans Kwoze

Galatians 2:3

Aagai gilaadeu tee hai hogi Titus, taane madali au, gai se daane Greek, gi tuu dagaholiage.

Titus 1:4

Ange gi Titus, dagu dama abodonu i de gai. De abodonu ma de baba mai i daho de Maadua Tamana aama Klisdo Iesu taadeu Ia Hagamouli gi dagodo i oo daha.

Colossians 4:10

Aristarchus se daane e noho i lo te hale pono madali au e gaavadu dana hagaboo gi goodou, ma Mark tangada o Barnabas. (Goodou gu lava i de iloo dagu hai gu tala adu ai ono dagodo; gai noo ia gu dae adu gi oodou daha, goodou abodonu ange gi de ia.)

Galatians 2:13

Gai ia ne kave lodo o denga daane Ssuu ange laa gi hai hegau i de mee dee heohi, gai gilaadeu ne kave ai hogi lodo o Barnabas, gai ia ga daudali ange i alaadeu hegau dee heohi.

Galatians 1:18

Aagai dua huu e dolu ngadau gai au ne hano e hedae ange gi Cephas i Jerusalem, ga noho i ono daha i e madaangahulu ma lima laangi.

2 Corinthians 8:23

Gai dagodo o Titus, ia se daane e hai hegau madali au e bale adu ai goodou. Gai luu daane ange laa ni dangada e suuia denga nohoanga dabu, aama de hagadubu Klisdo.

2 Corinthians 8:16

Gai de abodonu ange gi de Maadua, i dana gaavange gi lodo o Titus de lodo mmao e bale adu goodou bei ogu dagodo.

1 Corinthians 9:6

Aabe go gimaau donu huu ma Barnabas e hai gi hegau e hagadanuaa ai gimaau?

Acts 15:25

Gai gimaadeu ne maanadu bolo e danuaa demaadeu hilihili hanu daane gi loadu gi oodou daha madali luoodaadeu daane e aaloha ai go Barnabas ma Paul,

Acts 14:12

Gilaadeu ne hagaingoo ange Barnabas go Zeus, gai Paul go Hermes, go hiidinga go ia delaau ngudu.

Acts 13:50

Aagai de gau Ssuu ga hagabasa denga haahine maolunga e daumaha ange laa gi de Maadua, ma denga dagi o de aduhale laa, gai gilaadeu ga vaivai hai a Paul ma Barnabas ga alualu gilaau gi hulo gee mai i delaadeu ungaamee.

Acts 13:2

Gai de masavaa olaadeu ne daumaha ange ai gi Tagi Maolunga, ma de hagahiikai, aagai de Hagasaalunga Dabu ga hai ange, “Goodou vaaea gee Barnabas ma Saul, ange gi de hegau aagu gu dai hagahi ange gilaau aagena.”

Acts 12:25

Gai Barnabas ma Saul ga aahe mai i Jerusalem i de masavaa ne lava ai delaau hegau, ga gaamai a John, e hagaingoo ange laa hogi go Mark madali gilaau.

Acts 11:30

Gai gilaadeu ne hai donu de hegau nei, ga gaavange denga sseene laa gi Barnabas ma Saul gi gaavee gi denga dagi i kilaa.

Acts 11:25

Gai Barnabas ne hano gi Tarsus ga ssala ai a Saul,

2 Corinthians 2:13

gai ogu lodo e dee baba i hiidinga au tee gidee dogu daina go Titus i kilaa. Gai au ne hano gee mai i daho dangada i kilaa ga hano gi Macedonia.

Galatians 2:9

Gai ga gidee huu e James, ma Cephas, aama John, go gilaadeu e hagabinga laa bolo ni dagi, de abodonu o de Maadua gu gaamai laa gi de au, gai gilaadeu ga luuluu omaau lima ma Barnabas, ga hai gimaau gi hulo gi denga Gentile, gai gilaadeu ne hulo gi de gau Ssuu.