Galatians 1:7 - De Beebaa Dabu

⁷ e dee se longo danuaa abodonu. Hanu dangada gu hai ma gu dee paba oodou lodo ma de hagatale de sui de longo danuaa o Klisdo.

Galatians 1:7 Referans Kwoze

Acts 15:24

Gimaadeu ne langona bolo hanu i omaadeu magavaa ne loadu ga hai ga dee paba goodou, ma de hai gi manavasaa oodou lodo i alaadeu muna, gai e dee go gimaadeu donu ne hagasauaa ina gilaadeu gi loadu.

Galatians 5:10

Gai au e dahi donu agu tali i daho Tagi Maolunga bolo goodou e maanadu hogi bei au; gai tangada e hakoso ina naa goodou e hagaduasala naa donu, e dee hilihili be ia goai.

2 Corinthians 11:13

Gai de gau bee nei ni dangada tala hadu muna, gai ni dangada hai hegau e hagasengalia dangada, ma de hagadulagi ange gilaadeu gi dagodo o de gau tala o Klisdo.

Galatians 5:12

Mee naa dangada e hakoso ina naa goodou gi duuduudia donu huu gilaadeu bei dagodo o denga eunuch!

2 Corinthians 2:17

Gai gimaadeu e dee bei dagodo o dangada soa, e haia laa muna a de Maadua bei goloa e hagao laa gi daha gi lagolago ai olaadeu mee. Aagai gimaadeu e hai hegau i de muna abodonu, i demaadeu agoago i mada luu mada o de Maadua, i lodo o Klisdo, bei de hai a de Maadua gu hagadabu ai gimaadeu.

Revelation 20:3

ga tili ange gi lo te geelonga e deai sono dagelo, ga pono de geelonga laa ga hagamakaga, gi dee maua ai e ia i de hagasenga denga huaahenua ga dae ai gi de odi ange de mano ngadau. Gai dua naa huu de masavaa laa gai ia gu tala gi hano saele i dahi masavaa bodobodo.

2 John 1:10

Noo dahi dangada gu hanadu gi oodou daha, gai ia e dee agoago bei dagodo agoago nei, aagai goodou gi dee abodonu ange gi de ia i oodou hale, aabe gi hagaboo ange gi de ia,

1 John 4:1

Ogu soa hagamogomogo, goodou gi dee hagadonusia denga hagasaalunga alodahi, gai hagataalea denga hagasaalunga ga tilo be gilaadeu ni mee mai i daho de Maadua, go hiidinga gu soa pelaabisi hadu muna gu hulo saele i henua i lalo.

Revelation 19:20

Gai de manu alasala laa ne nnoa, madali dono pelaabisi hadu muna ne haia laa denga hagailonga i ono mada i mua, ga hagasenga ai dangada, gilaadeu gi gaavee de maaga o de manu alasala laa, ma de daumaha ange gi dono diinonga. Gai gilaau ngaadahi gu maga ange gi lo te ahi ula i denga sulfur e sali laa bei de vai.

Revelation 13:14

ga hagasenga ai dangada i henua i lalo, i hiidinga o denga hagailonga aana e hai i ssauaa o de manu alasala laa. Gai ia ne hai dangada gi hagaduulia dahi diinonga, gi hagadulagi ina ange gi de manu alasala ne lagohia laa i de gadilaasa, gai tee magau.

Revelation 12:9

Gai de dragon laumalie laa gu tili iho gi lalo, go de labodo madagidagi e hagaingoo ange laa go de ia hagabaubau aabe go Satan, gai go de ia e hagasengalia laa dangada i henua i lalo alodahi — ia gu tili iho gi henua i lalo madali ono dangada de langi alodahi.

Revelation 2:20

Aagai e dahi mee aagu e hagasee ai goe: koe e dee buibui de hine go Jezebel, e tala laa bolo ia se pelaabisi, gai e agoago ange ma de hagasenga ogu dangada hai hegau gi haia denga dahulinga dagodo hai be se manu, aama de gai mee gu sigidaumaha ange gi denga diinonga.

Revelation 2:6

Aagai deenei dau mee e hai: koe e kino i hegau a de gau Nicolaitan, go mee hogi oogu e kino ai.

Revelation 2:2

Au e iloo dagodo o au hegau; koe e hagaduu ngae ma e hai hegau ma de golomagi oo lodo, gai koe e dee malangilangi i de gau baubau, aagai koe gu hagatale dagodo o dangada e hagataba laa bolo gilaadeu ni dangada tala, gai e dee se muna abodonu, gai koe gu gidee bolo gilaadeu ni dangada donu hadu muna.

Jude 1:4

Go hiidinga hanu dangada gu ulu hagammuni adu gi oodou magavaa, aanei gilaadeu gu sisi laa madagidagi bolo e hagaduasala. Gilaadeu ni dangada baubau, gilaadeu e hagahadu muna de abodonu o taadeu Maadua gi maua ai e gilaadeu i de hai denga dahulinga hakino gee, gai ga hagangadi mee taadeu Ia Aamua ma Tagi Maolunga e dahi laa donu huu, go Iesu Klisdo.

2 John 1:7

Go hiidinga gu soa gilaadeu e daahangadia dangada gu hulo saele i henua i lalo, gilaadeu e dee llodo e tala bolo Iesu Klisdo gu humai ma gu hai gi se dangada. Tangada bee nei se dangada e daahangadia dangada gai se hagadaumee niio Klisdo.

1 John 2:26

Au e sisi adu mee nei e tala adu ai dagodo o dangada e llodo laa e dagina gee goodou.

2 Timothy 2:18

go dangada ne daahuli gee i de muna abodonu. Gai gilaadeu e hagataba bolo de mouli age o de gau maakau gu lava donu i de hai. Gai gilaadeu gu hagabaageaa kai o hanu.

Galatians 6:17

Mai iainei ga hano ai, gai gi deai dangada e haia gi hai ngadaa au; go hiidinga au e hagauda denga maaga o Iesu i dogu angaanga.

Galatians 4:17

Gilaadeu ne llodo mmao gi maua e gilaadeu goodou, aagai e dee se hiidinga danuaa. Gilaadeu e llodo e vvae gee goodou mai i de au, gi kona ai doodou llodo i gilaadeu.

Galatians 2:4

Gai de mee nei ne hai i hiidinga o dangada e dee hagadonusia gu ulu mai laa gi odaadeu magavaa, ma e dagitilo ai dagodo o demaadeu ilaage i daho Klisdo Iesu, gai gilaadeu ga hai ai gimaadeu gi ni dangada hai hegau dee ilaage.

2 Corinthians 4:2

Gimaadeu gu tili gee hegau hagadookaa e hai hagammuni laa. Gimaadeu gu dee hai hegau hagasenga ma tee hagahaisala muna a de Maadua, aagai gimaadeu e tala de muna abodonu i mada luu mada o de Maadua, aama tagi i de lodo o dahi ma dahi.

Acts 20:30

Gai e hanu donu hogi dangada i oodou magavaa e hiihidi age ga hagahaisala de mee heohi ga dagi gee ai hanu daina.

Acts 13:10

ga hai ange, “Koe se dama nii de ia hagabaubau laa, gai se ia donu e hai baasi ange gi de mee heohi alodahi. Koe e honu i mee alodahi e daahangadia dangada ma de vaivai dagodo. Koe tigi tuu donu dau hagahaisala dagodo o Tagi Maolunga?

Matthew 24:24

Go hiidinga denga klisdo ma pelaabisi hadu muna e ssula age naa donu, ga hai denga hagailonga ma mee hagalele mouli e daahanga ai dangada, gai noo e maua, gai gilaadeu e daahanga naa hogi gilaadeu gu lava i de hili.

Jeremiah 23:26

Dee hee maa taulooloa de daakodo denga muna hhadu i lodo o denga pelaabisi e daalaa naa muna hhadu naa? Gilaadeu ni pelaabisi donu e daalaa muna hhadu i olaadeu lodo donu.

Jeremiah 23:36

Aagai goodou e dee aahe ange donu e hagataba, ‘Muna hagadaemaha a Tagi Maolunga,’ go hiidinga dangada e tala muna nei e hagadonu ai alaadeu muna donu, ga hagahaisala ai muna a de Maadua e mouli laa, go Tagi o denga hagabuulinga hebagi, taadeu Maadua.

Galatians 1:6

Au gu lele ogu mouli i de moolau doodou hulo gee mai i de ia ne hagahia goodou i de abodonu o Klisdo, ga daudali ange i dahi longo danuaa gee —