Galatians 1:6 - De Beebaa Dabu

⁶ Au gu lele ogu mouli i de moolau doodou hulo gee mai i de ia ne hagahia goodou i de abodonu o Klisdo, ga daudali ange i dahi longo danuaa gee —

Galatians 1:6 Referans Kwoze

2 Corinthians 11:4

Gai noo dahi dangada e humai ga agoago adu goodou i dahi Iesu gee ma de Iesu amaadeu gu agoago adu ai goodou, be go dahi hagasaalunga gee ma de Hagasaalunga oodou gu lava naa i de kave, aabe go dahi longo danuaa gee ma de mee oodou gu daohi naa, gai e moolau naa donu doodou daudali aagena.

Isaiah 29:13

Gai e hagadaba de Ia Aamua: “De huaadangada nei e hagapaa mai gi de au i olaadeu ngudu, ma de hagadubu donu huu au i alaadeu muna e tala, aagai olaadeu lodo e mmao gee donu i de au. Alaadeu hai daumaha mai gi de au, e daudali i dahulinga ne ago mai i daho dangada.

Psalm 106:13

Aagai ne moolau delaadeu ngalo ana hegau; gilaadeu tee tali gi iloo e gilaadeu ana hagatau.

1 Timothy 1:3

Au ne hai goe gi noho i Ephesus, i dogu masavaa ne hano ai gi Macedonia, gai koe ga hai ai gilaadeu e agoago i hanu agoago gee gi dee agoago ai,

1 Corinthians 4:15

Gai ga soa naa donu dangada e agoago ina adu goodou i lodo o Klisdo, gai e dahi donu huu oodou damana. Go au doodou damana i lodo o Klisdo Iesu i hiidinga o de longo danuaa.

Acts 15:11

Gidaadeu e hagadonusia bolo gidaadeu e maua de mouli i de abodonu o Tagi Maolunga go Iesu, gai e bei ai naa hogi olaadeu dagodo.”

Galatians 5:4

Goodou e daudali laa i de hainga e hagaheohi ai goodou, goodou gu vvae gee donu goodou i Klisdo; goodou gu dee maua i de kave de abodonu o de Maadua.

Romans 10:3

Go hiidinga gilaadeu tigi tonu ange gi de hai a de Maadua e hagaheohi ai dangada, gai e ssala donu huu delaadeu hai e hagaheohi ai, gilaadeu e dee llodo e dugu ange gilaadeu gi de hagaheohi a de Maadua.

1 Timothy 1:14

Gai tegi laumalie o taadeu Dagi Maolunga ne gaamai gi de au i de gai ma de aloha i daho Klisdo Iesu.

Revelation 22:21

De abodonu o Tagi Maolunga go Iesu gi dagodo i daho dangada alodahi o de Maadua. Amen.

2 Timothy 2:1

Deenei ai, dagu dama, koe gi lodo mmahi i de abodonu e dagodo laa i daho Klisdo Iesu;

2 Timothy 1:9

go de ia ne hagamouli ina gidaadeu ma de hagahi ange gidaadeu gi de mouli dabu — aagai e dee go hiidinga o adaadeu hegau gu hai, gai go hiidinga o dana hagatau aama dono abodonu mai gi gidaadeu i lodo o Klisdo Iesu mai i taamada age,

2 Thessalonians 2:14

Gai ia ne hagahi ange goodou gi de mee nei i doodou hagadonu de longo danuaa amaadeu gu agoago adu ai goodou, gai gi gaavee ai e goodou de mahamaha o taadeu Dagi Maolunga go Iesu Klisdo.

Romans 5:2

gai go ono hiidinga adaadeu ne kave ai nei de abodonu o de Maadua i de gai. Gai gidaadeu e tala tuhi taadeu tali de masavaa adaadeu e kave ai de mahamaha o de Maadua.

John 9:30

Gai taane laa ga hai ange gi gilaadeu, “E kona de hagalele mouli oodou muna; goodou e dee iloo be go hee oona ne humai ai, gai ia gu hai ma gu gide au.

2 Peter 1:3

Ssauaa o de Maadua gu gaamai gi gidaadeu mee alodahi odaadeu e mouli ai i lodo o de Maadua, i taadeu iloo de ia ne hagahia gidaadeu gi gaavee dono mahamaha ma dono danuaa mmao,

1 Peter 1:15

Aagai oodou hegau alodahi e hai gi dabu, bei dagodo o de Maadua ne hagahia goodou, ia e dabu.

Mark 6:6

Gai ia gu lele ono mouli i hiidinga o delaadeu dee hagadonusia. Gai Iesu ne hano ga hagadaga i denga aduhale ga agoago ai.

Romans 8:28

Gai gidaadeu e iloo bolo de Maadua e hagahai hegau mee alodahi e hai ai de mee danuaa ange gi gilaadeu e aaloha i de ia, go gilaadeu gu hagahia laa bei dagodo o dana hagatau.

Romans 8:30

Gai gilaadeu aana gu lava laa i de hagatau olaadeu dagodo gu lava hogi i dana hagahi, gai gilaadeu aana gu hagahi laa gu lava hogi i dana hai gi dabu; gai dangada aana gu hai laa gi dabu gu lava hogi i dana hagamahamaha.

2 Corinthians 2:17

Gai gimaadeu e dee bei dagodo o dangada soa, e haia laa muna a de Maadua bei goloa e hagao laa gi daha gi lagolago ai olaadeu mee. Aagai gimaadeu e hai hegau i de muna abodonu, i demaadeu agoago i mada luu mada o de Maadua, i lodo o Klisdo, bei de hai a de Maadua gu hagadabu ai gimaadeu.

Galatians 1:7

e dee se longo danuaa abodonu. Hanu dangada gu hai ma gu dee paba oodou lodo ma de hagatale de sui de longo danuaa o Klisdo.

Galatians 1:11

Denga daina, au e lodo goodou gi tonu ange bolo de longo danuaa aagu gu agoago adu ai goodou, e dee se mee mai i daho dangada.

Galatians 1:15

Aagai de masavaa huu a de ia ne vaaea gee au i mua dogu haanau, ma de hagahi au i dono abodonu,

Galatians 2:2

Au ne hano gi kilaa i hiidinga se mee ne hagaago mai i daho de Maadua au gi haia. Gai au ne hagabuni donu huu madali denga dagi i kilaa ga tala ange gi gilaadeu dagodo o de longo danuaa aagu e agoago ange laa gi denga Gentile, gi dee ni ngadi hegau ai aagu e hai.

Galatians 2:5

Gai gimaadeu tee dugu ange donu gi hai mee nei i dahi masavaa bodobodo, gi maua ai de mee abodonu o de longo danuaa gi dagodo adu gi goodou.

Galatians 2:7

Gai gilaadeu ne gidee bolo gu gaamai gi de au de hegau, go de agoago ange de longo danuaa gi denga Gentile, bei de hai gu gaavange ai laa hogi gi Peter, gi agoagona ange de longo danuaa gi de gau Ssuu.

Galatians 2:14

Aagai de masavaa huu aagu ne gidee ai bolo gilaadeu gu dee hai hegau i de mee heohi o de longo danuaa, gai au ga basa ange gi Cephas i madamada o dangada alodahi i kilaa, ga hai ange, “Koe se dangada Ssuu, gai koe e mouli bei dagodo o denga Gentile, e dee mouli bei dagodo o tangada Ssuu; gai gu aha gu usuusu ange ai naa goe denga Gentile gi mouli bei dagodo o de gau Ssuu?”

Galatians 5:14

Gai denga hainga e hagapuni alodahi i de muna nei, “Koe gi aloha i tangada e baa adu gi de goe bei doo aloha donu i de goe.”