Galatians 1:23 - De Beebaa Dabu

²³ Gilaadeu ne langona donu huu de hagataba a dangada, “Taane nogo vaivai haia laa gidaadeu, gu agoago ange hogi dangada i dagodo o de gai, go de mee aana ne hagatale laa de oha.”

Galatians 1:23 Referans Kwoze

Acts 9:13

Gai Ananias ga hai ange, “Tagi Maolunga, au gu langona longo o taane naa mai i daho dangada soa, bolo gu kona dana vaivai hai oo dangada dabu i Jerusalem.

Acts 9:20

Gai ia ne moolau donu de daamada de agoago i dagodo o Iesu i denga synagogue ga tala bolo Iesu go Tama Daane donu a de Maadua.

Acts 9:26

Gai de masavaa huu oona ne hano ai ga dae gi Jerusalem, gai ia ga hagatale de hagabuni ange gi denga dangada agoago i kilaa, aagai gilaadeu alodahi gu maatagu i de ia, i hiidinga gilaadeu e dee hagadonusia bolo ia gu se agoago bei olaadeu dagodo.

Acts 6:7

Gai muna a de Maadua gu hagadagadaga age, gai gu kii ange de soa dangada gu hagadonusia i Jerusalem, gai gu soa hogi dangada haimeedabu gu gaavee de gai.

Acts 9:21

Gai gilaadeu alodahi ne langona laa ana muna gu llele mouli ga ssili, “E dee deenei taane nogo vaivai haia laa dangada e hagahia de ingoo o Iesu i Jerusalem? Gai ia tee humai nei hogi gi kinei e noonooa ai dangada, e kave gi dagi o de gau haimeedabu?”

Acts 19:13

Gai hanu dangada Ssuu e haia laa gi hulo gee denga hagasaalunga baubau ne hagatale de hai gi hulo denga hagasaalunga baubau i de ingoo o Tagi Maolunga go Iesu, ga hai ange, “Gimaadeu e hai adu goodou gi ssao mai i de ingoo o Iesu o Paul e agoago ai laa.”

Galatians 6:10

Deenei ai, noo gu dahi masavaa danuaa, gai gidaadeu gi haia ange tanuaa gi dangada alodahi, gai go huaabodu donu o dangada gu hagadonusia e hai ange mee nei aagena.