Galatians 1:19 - De Beebaa Dabu

¹⁹ Aagai teai ange donu agu dangada tala ne gidee, go James donu huu, taina o Tagi Maolunga.

Galatians 1:19 Referans Kwoze

Matthew 13:55

E aha, e dee go tama daane a de labagau deenei? Gai e dee go Mary de ingoo o dono dinana? Aagai e dee go James, ma Joseph, ma Simon, aama Judas ono daina daane?

Mark 6:3

E dee deenei de labagau, go tama daane a Mary, taina daane o James, ma Joses, ma Judas, aama Simon? Gai ono daina haahine e dee nnoho nei hogi madali gidaadeu?” Gai gilaadeu tee hagadonusia ia.

Matthew 12:46

De masavaa o Iesu e basa ange ai gi dangada, gai dono dinana ma ono daina daane ne loomai ga tuu i duaahaho, gilaadeu ne llodo e pasa ange gi de ia.

1 Corinthians 9:5

Gai e deai semaadeu heohi e kave ai omaadeu bodu madali gimaadeu, bei de gau tala ange laa ma daina daane o Tagi Maolunga aama Cephas?

Matthew 10:3

Philip ma Bartholomew, Thomas ma Matthew taane hagabudu taagisese, ma James tama daane a Alphaeus ma Thaddaeus;

Jude 1:1

Mai i daho Jude, tangada hai hegau o Iesu Klisdo, taina daane o James. Ange gi dangada a de Maadua gu hagahia laa, ma de hagamogomogo i daho de Maadua Tamana ma de buibui i daho Iesu Klisdo.

James 1:1

Mai i daho James, tangada hai hegau o de Maadua ma Tagi Maolunga go Iesu Klisdo. Ange gi denga aamuli e madaangahulu ma lua gu mavaevae saele laa i denga huaahenua: De laangi danuaa goodou.

Acts 12:17

Gai Peter ga daodaohi ange dono lima, ga hai gilaadeu gi dee pasa, gai ia ga tala ange gi gilaadeu de hai a Tagi Maolunga ne hagasao mai ai ia i lo te hale pono. Ia ne hai ange hogi gi gilaadeu, “Goodou hulo daalaa ange gi James ma denga daina ange laa mee nei.” Aagai ia ga hano gee mai i kilaa ga hano gi dahi mommee gee.

Luke 6:15

ma Matthew, ma Thomas, ma James tama daane a Alphaeus, ma Simon e hagaingoo ange laa hogi go Zealot,

Mark 3:18

ma Andrew, ma Philip, ma Bartholomew, ma Matthew, ma Thomas, ma James tama daane a Alphaeus, ma Thaddaeus, ma Simon de Zealot,

Acts 1:13

Gai ga tae huu gilaadeu gi Jerusalem, gai gilaadeu ga loage gi de aabi i lunga, go de mommee olaadeu nei e nnoho ai: go Peter, ma John, ma James, ma Andrew, ma Philip, ma Thomas, ma Bartholomew, ma Matthew, ma James tama daane a Alphaeus, ma Simon Zealot, aama Judas tama daane a James.

Luke 8:20

Gai dahi dangada ne hai ange gi Iesu, “Doo dinana aama oo daina daane e tuu i duaahaho, gilaadeu e llodo e hedae adu gi de goe.”