Galatians 1:13 - De Beebaa Dabu

¹³ Gai goodou gu langona dagodo o dogu mouli i de masavaa oogu nogo daumaha ai bei dagodo o de gau Ssuu: au ne kona donu dagu vaivai hai de nohoanga dabu o de Maadua ma de hagatale de oha de nohoanga dabu.

Galatians 1:13 Referans Kwoze

Acts 8:3

Gai a Saul ne daamada de oha de nohoanga dabu. Ia ne hagadaga i hale alodahi ga dada mai denga daane ma haahine ga tili ange gi lo te hale pono.

1 Corinthians 15:9

Gai go au hugadoo e maolalo i de gau tala, gai e dee bau ange gi de hagabinga bolo se dangada tala, go hiidinga au ne vaivai hai de nohoanga dabu o de Maadua.

Acts 9:26

Gai de masavaa huu oona ne hano ai ga dae gi Jerusalem, gai ia ga hagatale de hagabuni ange gi denga dangada agoago i kilaa, aagai gilaadeu alodahi gu maatagu i de ia, i hiidinga gilaadeu e dee hagadonusia bolo ia gu se agoago bei olaadeu dagodo.

Acts 9:21

Gai gilaadeu alodahi ne langona laa ana muna gu llele mouli ga ssili, “E dee deenei taane nogo vaivai haia laa dangada e hagahia de ingoo o Iesu i Jerusalem? Gai ia tee humai nei hogi gi kinei e noonooa ai dangada, e kave gi dagi o de gau haimeedabu?”

1 Timothy 1:13

I mua gai au se dangada e basa baubau i de ia, ma de vaivai hai dangada ma de alasala. Gai de Maadua ne lodo aloha mai gi de au, i hiidinga au ne hai mee nei i dogu dee donu ma tee hagadonusia.

Philippians 3:6

dagodo o dogu lodo gaiaa; au ne vaivai hai de nohoanga dabu; gai tagelo o dogu heohi, go dagu daohi de hainga, au tee hagahaisala donu dahi hainga daudahi.

Acts 8:1

Gai a Saul ne buni ange donu gi de magau o Stephen. Gai go de laangi laa ne daamada ai de vaivai haia o de nohoanga dabu i Jerusalem. Gai dangada alodahi gu mavaevae saele gi denga mommee i Judea ma Samaria, go de gau tala donu huu e doe.

1 Corinthians 10:32

Goodou gi dee hagadaemaha ina lodo o de gau Ssuu, be go de gau Greek, aabe go de nohoanga dabu o de Maadua,

1 Timothy 1:14

Gai tegi laumalie o taadeu Dagi Maolunga ne gaamai gi de au i de gai ma de aloha i daho Klisdo Iesu.