Galatians 1:10 - De Beebaa Dabu

¹⁰ E aha, go dangada aagu e hagatale nei de hai gi malangilangi, aabe go de Maadua? Noo au goi hagatale huu de hagamalangilangi dangada, aagai au e dee se dangada hai hegau abodonu niio Klisdo.

Galatians 1:10 Referans Kwoze

1 Thessalonians 2:4

aagai ne hai bei de hai a de Maadua ne gaamai ai gi gimaadeu de longo danuaa. Deelaa ai, gimaadeu tee tala mee nei e hagamalangilangi ai dangada, aagai ne tala e hagamalangilangi ai de Maadua, go de ia e hagataalea dagodo maanadu i odaadeu lodo.

Acts 5:29

Aagai Peter ma de gau tala ange laa ga pasa ange, ga hai ange, “E heohi donu demaadeu hagallongo ange gi de Maadua, e dee go dangada.

Ephesians 6:6

Gai gi dee hagallongo ange donu huu i de masavaa alaadeu e gidee ai goodou, gi malangilangi ai gilaadeu i goodou, aagai hai hegau gi bei dagodo o de gau hai hegau o Klisdo, e haia lodo o de Maadua i de lodo se muna abodonu.

James 4:4

Goodou dangada e dee hai hegau i de mee abodonu! Goodou e dee iloo laa bolo tangada e hai soa ange gi henua i lalo e hai baasi ange donu gi de Maadua? Deenei ai, be goai e lodo e hai soa ange gi henua i lalo, gai ia e hai donu ia gi se hagadaumee niio de Maadua.

Matthew 22:16

Gai gilaadeu ne hai gi hulo alaadeu dangada agoago, ma hanu dangada mai i de hagabuulinga o Herod gi ono daha, ga hai ange, “Tangada Agoago, gimaadeu e iloo bolo koe e hai hegau i de mee abodonu, gai koe e agoago de haiava o de Maadua i de mee abodonu. Koe e dee dagi i daho dangada, go hiidinga koe e dee vae dangada.

Colossians 3:22

De gau hai hegau, goodou hagallongo ange gi oodou dangada aamua i mee alodahi. Gai goodou gi dee hagallongo ange donu huu i de masavaa alaadeu e gidee ai goodou, gi malangilangi ai gilaadeu i goodou, aagai goodou hai hegau i de lodo se muna abodonu i doodou maatagu i Tagi Maolunga.

Romans 2:29

Aagai tangada Ssuu abodonu se mee mai i de lodo, gai de tuu dagaholiage abodonu se mee e hai i de lodo o tangada, i ssauaa o de Hagasaalunga ⌊Dabu⌋, e dee go hiidinga o de hainga gu sisi laa. Gai dono tuhi e dee se mee mai i daho dangada, aagai mai i daho de Maadua.

1 John 3:9

E deai donu se dangada gu haanau i daho de Maadua e aheahe ange ga haisala, go hiidinga hua o de Maadua e dagodo i ono daha; ia e dee maua donu i de aheahe ange e haisala, go hiidinga ia gu haanau i daho de Maadua.

2 Corinthians 12:19

Goodou e maanadu naa bolo gimaadeu e hagaheohi adu gimaadeu? Gimaadeu e pasa adu nei i mada luu mada o de Maadua bei dagodo o dangada e seesee i lodo o Klisdo, denga daina hagamogomogo, mee nei alodahi ne hai e hagammahi ai oodou kai.

Romans 2:8

Aagai gilaadeu e dee anga ange gi dangada, ma tee hagallongo ange gi de mee abodonu, gai e hagallongo ange gi de mee dee heohi, e tuu ange donu gi de bole ma de lili ⌊o de Maadua⌋.

Romans 1:1

Mai i daho Paul, tangada hai hegau o Klisdo Iesu gu hagahia laa gi se dangada tala, ma de hili ange gi daalaa de longo danuaa a de Maadua,

1 Corinthians 10:33

bei dagu hai gu hagatale ai laa de hagamalangilangi dangada alodahi i agu mee alodahi e hai; au e dee ssala donu huu de mee e danuaa mai gi de au, aagai go de mee e danuaa ange gi dangada soa, gi hagamouli ai gilaadeu.

Matthew 28:14

Gai noo gu langona e de goobenaa muna nei, gai gimaadeu ga hai gi sili ono lodo, gi dee tuu ange ai goodou gi de hai ngadaa.”

1 Samuel 21:7

Gai e dahi daane hai hegau o Saul e noho i kilaa, i de laangi laa, go hiidinga ia gu daohi gi noho i mada luu mada o Tagi Maolunga. Ia se daane Edom, gai dono ingoo go Doeg, gai go tagi o dangada e hagaloosi ina manu a Saul.

Acts 12:20

De masavaa laa gai Herod gu lili i de gau Tyre ma de gau Sidon, gai gilaadeu ne hagabuni ga loomai e hedae ange gi de ia. Gai dua delaadeu maua de bale mai i daho Blastus, go dahi daane hai hegau o de hodooligi, gai gilaadeu ne dangidangi i de hagadanuaa olaadeu magavaa ma Herod, go hiidinga delaadeu henua e kave alaadeu gai mai i de henua o de hodooligi.

Matthew 6:24

“E deai donu se dangada e maua i de hai hegau ange gi e dogolua dangada aamua; go hiidinga ia e kino naa i dahi gai e aloha i de ia ange laa, aabe ia e hagapigi ange naa gi dahi gai ga hagangadi mee de ia ange laa. Goodou e dee maua hogi i de hai hegau ange gi de Maadua ma sseene.

Philippians 1:1

Mai i daho Paul ma Timothy, luu dangada hai hegau o Klisdo Iesu. Ange gi dangada alodahi o de Maadua i lodo o Klisdo Iesu i Philippi, madali denga dagi ma de gau bale.