Ezra 9:6 - De Beebaa Dabu

⁶ ga dalodalo, ga hai ange: “Dogu Maadua, au gu dogaa mmao i de dangage age luoogu mada e galo age gi de goe, go hiidinga omaadeu haisala gu maolunga ange i omaadeu biho, gai omaadeu sala gu tae age donu gi de langi.

Ezra 9:6 Referans Kwoze

Revelation 18:5

go hiidinga ono haisala gu hagabudubudu ma gu tae age loo gi de langi, gai de Maadua goi manadua donu ono baubau.

Psalm 38:4

Au gu dee bau ange gi ogu mee gu haisala ai; gai gu bei dagodo o de mee hagauda daemaha.

2 Chronicles 28:9

Aagai e dahi pelaabisi o Tagi Maolunga, dono ingoo go Oded, ia ne hano e hedae ange gi de hagabuulinga hebagi i de masavaa olaadeu ne aahe mai ai i Samaria. Gai ia ne hai ange gi gilaadeu, “Tilo, go hiidinga Tagi Maolunga, de Maadua o oodou dubuna ne lili i dangada o Judah, gai ia ne dugu adu goodou gi hagadee kii ina gilaadeu. Gai goodou ne daa gilaadeu ga maakau i doodou llili, gai de mee nei gu dae age gi de langi.

Luke 15:21

Gai dana dama ga hai ange gi de ia, ‘Dogu damana, au gu haisala ange gi de Maadua aama adu gi de goe. Gu dee heohi dogu hagabinga bolo se dama niiau.’

De Beebaa go Job 42:6

deenei ai, au gu kino i ogu dagodo, gai au gu dahuli ogu lodo ma gu noho i lodo lehu.”

Ezra 9:15

Tagi Maolunga, de Maadua o Israel, koe e heohi donu, aagai gimaadeu ni dangada sogoisi ne ola anailaa nei. Tilo, koe e iloo danuaa omaadeu haisala, aagai gu deai donu se gimaadeu e maua i de humai e duu i mada luoo mada.”

Romans 6:21

Aagai ni aha oodou ne mau laa i de masavaa laa, mai i mee oodou gu dookaa ai naa iainei? De hagaodi o mee laa go de magau donu.

Ezekiel 16:63

Gai koe e manadua naa ma de dogaa; koe e dee ahe ange naa donu e tala hanu muna, i hiidinga doo dogaa, i dagu masavaa e hagaheohi ai au mee alodahi gu hai, go de Ia Aamua go Iahweh e hagadaba.’ ”

Jeremiah 31:19

Dua dogu huli gee i de goe, gai au ne dahuli ogu lodo; dua dogu agoagona ga donu ange, gai au ne hagailiili ogu hadahada ⌊i dogu daemaha⌋. Au ne dogaa ma de hagadogaa ina, i hiidinga o ogu baubau i de masavaa oogu e dama daane ai.’

Jeremiah 8:12

Gai gilaadeu e dookaa laa donu i alaadeu hegau hakino gee? E deai, gilaadeu e dee dookaa donu; gilaadeu e dee iloo donu be se aha de dookaa. Deenei ai, gilaadeu e maakau naa madali gilaadeu gu maakau laa; gilaadeu e hagadee kii ina naa i de masavaa o de hagaduasala, go Tagi Maolunga e hagadaba.

Jeremiah 6:15

E aha, gilaadeu e dee dookaa laa donu i alaadeu hegau hakino gee? E deai, gilaadeu e dee dookaa donu; gilaadeu e dee iloo donu be se aha de dookaa. Gai gilaadeu e maakau naa hogi madali gilaadeu gu maakau laa; gilaadeu e hagadee kii naa i de masavaa aagu e hagaduasala ai gilaadeu,” go Tagi Maolunga e hagadaba.

Jeremiah 3:3

Deenei ai, de langi gu daohi gi dee pala, gai gu dee pala de langi i taamada o de ngadau. Gai koe gu bei dagodo o de hine hai be se manu; koe e dee dogaa donu i au hegau hagadookaa dangada.

Isaiah 59:12

Go hiidinga omaadeu baubau i mada luoo mada e lagolago mmao, omaadeu haisala gu hagabaubau donu gi gimaadeu. Omaadeu baubau e daakodo donu i omaadeu daha, gai gimaadeu e iloo donu omaadeu baubau.

Isaiah 1:18

Loomai, gidaadeu ga hagamodu de mee nei, go Tagi Maolunga e hagadaba. E dee galemu naa donu de mmea oodou haisala bei scarlet, gai e hai naa ga tea bei denga snow; e dee galemu naa donu de mmea oodou haisala bei crimson, gai e hai naa ga tea bei huluhulu o ssiibi.

De Beebaa go Job 40:4

“Tilo, au se dangada e dee bau ange gi mee nei — gai dee hee dagu hai e basa adu ai gi au muna? Au e pono dogu ngudu i dogu lima.

Ezra 9:13

Gai dua demaadeu tuu ange gi mee nei, i hiidinga o amaadeu hegau baubau, ma omaadeu haisala lagolago, gai koe, demaadeu Maadua, tee hagaduasala donu gimaadeu gi bei de lagolago omaadeu baubau, aagai ne hai gi hanu gimaadeu e doe.

Genesis 13:13

Gai de gau Sodom ni dangada baubau, ma de kona de haisala ange gi Tagi Maolunga.

Luke 18:13

Aagai taane e hagabudulia laa taagisese ne duu i dahi mommee mmao, gai ia tee galo age donu hogi gi de langi, gai ia ne hagailiili ono hadahada, ga hai ange, ‘De Maadua, degi mai gi de au, au se dangada e haisala!’

1 Kings 8:47

gai noo gilaadeu e sui olaadeu lodo i de henua olaadeu gu gaavee laa aagena, ga daahuli olaadeu lodo, ga dangidangi adu gi de goe i de henua o dangada ne hagadee kii ina gilaadeu, ga hagataba, ‘Gimaadeu gu haisala, gimaadeu gu dee heohi ma de baubau amaadeu mee gu hai,’

Jeremiah 51:9

Gimaadeu ne hagatale de hai gi ieiangi Babylon, aagai ia tee maua gi ieiangi. Gidaadeu ga tili ia, gai dahi ma dahi gi hano gi dono henua; go hiidinga dono hagaduasala gu dae age loo gi lo te langi gai gu maolunga donu bei denga giliiga.

Exodus 32:31

Gai Moses ne ahe gi daho Tagi Maolunga, ga hai ange, “De huaadangada nei gu hai dahi haisala laumalie mmao! Gilaadeu gu hai hanu diinonga goolo moolaadeu.

Leviticus 26:40

Aagai noo gilaadeu e tala olaadeu haisala ma haisala o olaadeu maadua madagidagi — delaadeu hai baasi mai gi de au, ma delaadeu tee hai hegau mai gi de au i de mee abodonu,

Nehemiah 1:6

hagahuuhulia mai luoo dalinga ma luoo mada, mage hagalaangona talodalo a doo dangada hai hegau, e dalodalo ai i mada luoo mada i de laangi ma de boo i dagodo o de gau Israel, oo dangada hai hegau, ma de tala adu haisala o de gau Israel gu haisala adu ai gi de goe. Ni muna abodonu, gimaadeu ma ogu dubuna madagidagi gu haisala adu donu gi de goe.

Psalm 38:5

Ogu maanuga gu pilo ma de augaua i hiidinga dogu lodo senga.

Lamentations 3:42

ma gi hagataba, “Gimaadeu gu haisala ma de hagamaanege, gai koe tigi degi mai gi gimaadeu.