Ezra 8:16 - De Beebaa Dabu

¹⁶ Gai au ne aalu Eliezer, ma Ariel, ma Shemaiah, ma Elnathan, ma Jarib, ma Elnathan, ma Nathan, ma Zechariah ma Meshullam, gilaadeu nei ni dagi, aama Joiarib ma Elnathan, gilaau ni daane iloo mee,

Ezra 8:16 Referans Kwoze

1 John 5:20

Gidaadeu e iloo bolo Tama Daane a de Maadua gu humai donu, gai ia gu hai gi tonu danuaa ange gidaadeu, gi iloo ai e gidaadeu de Maadua abodonu. Gai gidaadeu ga nnoho ai i lodo o de Maadua abodonu, i lodo o dana Dama Daane go Iesu Klisdo. Gai go ia donu de Maadua abodonu ma de mouli e dee ngado mai.

2 Timothy 2:7

Noho hagasaele age agu muna e tala adu nei gi de goe, gai Tagi Maolunga ga hai ai gi donu ange goe gi mee nei alodahi.

Daniel 2:21

Ia e sui denga masavaa ma masavaa i lo te ngadau alodahi, ia e tili hanu hodooligi gai ga hagassula hanu. Ia e gaavange de heiangi gi gilaadeu e heiangi, gai de iloo mee gi gilaadeu e tonu ange.

Proverbs 28:2

De masavaa naa huu o de henua e haisala ai, gai gu soa dangada e dagina, aagai tangada e donu ange ma de iloo mee e hai ga nnoho paba dangada.

Proverbs 20:5

Hagatau i lodo o tangada e bei de vai gelo, aagai tangada e donu ange laa e hai gi ssula age mee nei.

Proverbs 2:6

I hiidinga go Tagi Maolunga e gaavadu de heiangi abodonu, gai go ia e daalaa adu dagodo o de iloo mee, ma de donu ange.

Ezra 10:39

ma Shelemiah, ma Nathan, ma Adaiah,

Ezra 10:21

Mai i hagadiilinga o Harim: go Maaseiah, ma Elijah, ma Shemaiah, ma Jehiel, aama Uzziah.

Ezra 8:18

Gai go hiidinga de lima sauaa o demaadeu Maadua i omaadeu elunga, deelaa ai, gilaadeu ne gaamai Sherebiah gi omaadeu daha, ia se daane maanetonu, go dahi hagadiilinga o Mahli, tama daane a Levi, tama daane a Israel. Gai gilaadeu ma ono daina daane ma alaadeu dama, se dinoangahulu ma dogovalu;

Ezra 8:13

mai i de hagadiilinga o Adonikam go Eliphelet, ma Jeuel, aama Shemaiah; aanei gilaadeu ne loomai hagaodi, gai e dinoono ange daane madali gilaadeu;

2 Chronicles 2:12

Hiram ne hai ange hogi: “Duuhia Tagi Maolunga de Maadua o Israel, ne haia de langi ma henua i lalo! Ia ne gaavange gi de hodooligi go David dahi dama daane heiangi, ma de iloo mee aama de donu ange gi hagaduulia dahi temple moo Tagi Maolunga, aama dahi hale e noho ai donu ia.

1 Chronicles 26:14

Shelemiah ne dada de haitoga i de baasi i dua. Zechariah dana dama daane ne dada de haitoga i de baasi i ngaiho, ia se daane heiangi i de bale ange dangada i hagasaele danuaa.

1 Chronicles 12:32

denga daane o Issachar, ni daane e tonu ange gi dagodo o de masavaa, ma de iloo de mee a de gau Israel e heohi i de hai — e lualau dagi madali olaadeu daane alodahi;

1 Kings 3:11

Gai de Maadua ga hai ange gi de ia, “Koe ne dangidangi i de mee nei; koe tee dangidangi mai i de mouli daulooloa, be go de lava, aabe go de daa oo hagadaumee gi maakau, aagai koe ne dangidangi mai i de heiangi gi maua ai e goe i de dagi dangada i de heohi.

Ezra 8:15

Gai au ne hagabuni gilaadeu i gaogao ssaalingaa vai e sali laa ma e hano gi Ahava, gai gimaadeu ne nnoho gaainga i kilaa i e dolu laangi. Gai au ne tilo be goai dangada ma de gau haimeedabu ne loomai laa, aagai au tee gidee hanu hagadiilinga o Levi madali dangada.

Ezra 8:17

ga hai gilaadeu gi hulo gi daho Iddo, tagi o de mommee go Casiphia, ga tala ange alaadeu muna e tala ange gi de ia, ma ono dangada, go de gau hai hegau o de hale daumaha i Casiphia, gilaadeu gi gaamai hanu dangada hai hegau o de hale o de Maadua gi omaadeu daha.