Ezra 7:6 - De Beebaa Dabu

⁶ deenei taane go Ezra ne humai laa i Babylon. Ia se dangada sisi e agoagona hainga a Moses, go hainga a Tagi Maolunga, de Maadua o Israel gu gaavange ⌊gi Moses⌋. Gai de hodooligi ne gaavange gi de ia, mee alodahi oona ne dangidangi ange ai, go hiidinga de lima sauaa o Tagi Maolunga i ono elunga.

Ezra 7:6 Referans Kwoze

Ezra 8:22

Go hiidinga au ne dogaa i de dangidangi ange gi de hodooligi i hanu daane hebagi, ma hanu daane e kage i honga hoosa, gi buibuia gimaadeu i denga hagadaumee i honga de haiava, i hiidinga gimaadeu ne hai ange gi de hodooligi, “De lima sauaa o demaadeu Maadua i honga olaadeu alodahi e hagadonusia ia, aagai dono sauaa ma dono lili e hai baasi ange gi gilaadeu alodahi e daahuli gee i de ia.”

Ezra 7:28

ia ne hai de hodooligi ma ono daane hagasaele, aama denga dagi alodahi gi abodonu mai gi de au. Gai Tagi Maolunga dogu Maadua ne hagammahi mai ogu lodo, gai au ga hagabuni mai denga dagi o Israel gi loomai madali au.

Ezra 8:31

Gai gimaadeu ne hulo gee mai i ssaalingaa vai go Ahava i de madaangahulu ma lua laangi o tahi malama, ga hulo gi Jerusalem; gai de lima sauaa o demaadeu Maadua i omaadeu elunga, ma de hagaola gimaadeu mai i omaadeu hagadaumee, aama gilaadeu e nnoho laa e hebagi mai gi gimaadeu i honga de haiava.

Matthew 28:20

ma de agoago ange gilaadeu gi daudali i mee alodahi aagu gu tala adu gi goodou. Gai tilo, au e noho i oodou daha i masavaa alodahi ga dae ai gi de hagaodi.”

Nehemiah 2:18

Au ne tala ange hogi gi gilaadeu de noho o dogu Maadua i ogu daha ma dono abodonu mai gi de au, aama muna hogi a de hodooligi ne tala mai gi de au. Gai gilaadeu ne hai mai, “Gidaadeu ga daamada de hagaduu!” Gai gilaadeu ne hagadabena e hai gi danuaa de hegau.

Nehemiah 2:8

Gai siia hogi dahi leda ange gi Asaph, taane e diiloo ange de gelegele o de hodooligi i lodo henua, gai ia ga gaamai ai laagau e hagatuu ai denga haitoga, o de hale buibui makaga i gaogao de temple, ma de buibui o de aduhale, aama dogu hale e noho ai.” Gai de hodooligi ne dugu mai mee alodahi oogu ne dangidangi ange ai, go hiidinga de lima sauaa o de Maadua e dagodo i ogu elunga.

Ezra 8:18

Gai go hiidinga de lima sauaa o demaadeu Maadua i omaadeu elunga, deelaa ai, gilaadeu ne gaamai Sherebiah gi omaadeu daha, ia se daane maanetonu, go dahi hagadiilinga o Mahli, tama daane a Levi, tama daane a Israel. Gai gilaadeu ma ono daina daane ma alaadeu dama, se dinoangahulu ma dogovalu;

Ezra 7:21

Gai au, de hodooligi go Artaxerxes, e hai adu gi goodou de gau doange i baasi dai o Euphrates: goodou hagamoolau haia mee alodahi a Ezra, tangada haimeedabu e agoagona laa de hainga a de Maadua o de langi, e tala adu gi goodou —

Ezra 7:9

Ia ne humai i Babylon i tahi laangi o tahi malama, gai ia ne hano ga dae gi Jerusalem i tahi laangi o de lima malama, i hiidinga de lima sauaa o dono Maadua i ono elunga.

Proverbs 3:6

koe gi manadua ia i mee alodahi aau e hai, gai ia ga dagi ai goe i denga haiava heohi.

Deuteronomy 28:1

Gai noo koe e hagallongo ange gi muna a Tagi Maolunga doo Maadua, ma de kana ange ga daudali i ana hainga aagu gu tala adu gi de goe anailaa nei, gai Tagi Maolunga doo Maadua e hai naa goe gi maolunga ange i denga huaahenua alodahi o henua i lalo.

Deuteronomy 4:5

Goodou e iloo bolo au gu agoago adu goodou hainga gu hagasauaa ma hagamodu, bei de hai a Tagi Maolunga dogu Maadua gu tala mai ai gi de au, gai goodou ga daudali ai, i de masavaa oodou e hulo ai ga kave de henua laa.

1 Corinthians 15:1

Denga daina, au e lodo e hagamaanadu adu gi goodou de longo danuaa aagu gu agoago adu ai goodou, go mee oodou gu hai hegau ai ma de tuu ai ga makaga i de gai.

1 Corinthians 1:20

Gai go hee ai naa iai tangada heiangi? Gai go hee ai naa iai tangada sisi? Gai go hee naa iai tangada e hagadau gaavange i muna iainei? Gai de Maadua tee hai laa de heiangi o henua i lalo gi se lodo senga?

Matthew 13:52

Ia ne hai ange, “Deenei ai, de gau sisi alodahi gu agoago i dagodo o de nohoanga hodooligi o de langi, e bei tangada e dugua mai laa ono goloa hoou ma goloa duai i dono mommee doange.”

Isaiah 59:1

Tilo, de lima o Tagi Maolunga e dee bodobodo, gu dee maua i de hagaola, aabe luoono dalinga gu longoduli gu dee langona.

Isaiah 50:2

Gai gu aha gu deai ai laa dangada i de masavaa oogu ne humai ai? Gai gu aha gu deai ai laa dangada e pasa mai, i de masavaa aagu ne hagaagahi ai? E aha, gu kona laa de bodobodo dogu lima, gu dee maua i de hagaola goodou? Aabe gu deai ogu mahi e hagaola ai goodou? Tilo, au ne hagasee tai gu masa, au ne hai denga saalingaa vai ga se vao; denga mamu i kilaa gu pilo i teai dai ma de maakau i delaadeu hieunu.

Psalm 45:1

Ogu lodo gu honu malingilingi i muna hagamalangilangi; au e hua ange agu daahili gi de hodooligi; gai dogu alelo e bei de biini sisi a tangada labagau i de sisi.

Nehemiah 12:36

madali ono dangada, go Shemaiah, ma Azarel, ma Milalai, ma Gilalai, ma Maai, ma Nethanel, ma Judah, ma Hanani, madali denga mee hagadangidangi a David taane o de Maadua. Gai Ezra tangada sisi e hano i olaadeu mada i mua.

Nehemiah 8:13

Gai de hagalua laangi huu gai gu hagabuni mai denga dagi o denga hagadiilinga alodahi, ma de gau haimeedabu, aama denga daane de aamuli o Levi gi daho tangada sisi go Ezra, e agoago ai gilaadeu i muna o de hainga.

Nehemiah 4:15

Gai omaadeu hagadaumee gu langona e gilaadeu, bolo gimaadeu gu iloo alaadeu hagatau, gai de Maadua gu hai gi dee ssula alaadeu hagatau. Gai gimaadeu alodahi ga ahe ange gi de buibui, dahi ma dahi gi ana hegau.

Nehemiah 2:12

Gai gimaadeu ma hanu daane ne maalanga ga hulo i de boo. Gai au tee tala ange donu gi dahi dangada daudahi, mee a dogu Maadua gu gaamai au gi haia i Jerusalem. Teai ange hogi manu madali au, go de manu donu huu oogu e gage laa.

Ezra 6:22

Gilaadeu ne hai hogi Taonga o Pelaoaa Dee Hagahua i e hidu laangi ga malangilangi ai; i hiidinga Tagi Maolunga gu hai gi kona mmao delaadeu malangilangi, ia ne sui lodo o de hodooligi o Assyria, gai ia ga bale ange gilaadeu ga hagaahe age ai de hale o de Maadua, go de Maadua o Israel.

Ezra 5:5

Aagai de Maadua ne dagitilo ga bale ange dagi o de gau Ssuu, deelaa ai, gilaadeu tee tuu donu delaadeu hai hegau ga dae ai gi de kave de leda gi Darius, gai ia ga sisi dana muna ga hagaahe mai gi gilaadeu.

Jeremiah 8:8

Gai dee hee doodou hai e hagataba ai naa, ‘Gimaadeu e heiangi, go hiidinga de hainga a Tagi Maolunga i omaadeu daha’ — aagai tilo, de biini sisi a oodou dangada sisi gu hagahadu muna agu hainga?

Nehemiah 12:26

Gilaadeu nei ne hai hegau i de masavaa o Joiakim tama daane a Jeshua, tama daane a Jozadak, aama de masavaa o de goobenaa go Nehemiah, aama Ezra tangada haimeedabu ma sisi.

Nehemiah 8:9

Gai Nehemiah, de goobenaa, ma Ezra, tangada haimeedabu ma ssisi, ma denga daane de aamuli o Levi ne agoago ina ange laa dangada, ga hai ange gi dangada alodahi, “Anailaa nei se laangi e dabu ange gi Tagi Maolunga doodou Maadua; goodou aude llodo baubau aabe gi tangi.” Go hiidinga dangada alodahi gu tangi i de masavaa alaadeu ne langona ai muna o de hainga.

Nehemiah 8:4

Gai Ezra tangada sisi ne duu i honga de hada laagau alaadeu gu hagadabena laa. Gai Mattithiah, ma Shema, ma Ananiah, ma Uriah, ma Hilkiah, aama Maaseiah e tuu madali ia i dono baasi madau, gai Pedaiah, ma Mishael, ma Malkijah, ma Hashum, ma Hashbaddanah, ma Zechariah, aama Meshullam e tuu i dono baasi masui.

Genesis 32:28

Gai ia ga hai ange, “Koe gu dee hagaingoo ange go Jacob, aagai go Israel, go hiidinga koe gu daudau ange gi de Maadua ma dangada, gai koe gu kii.”

Matthew 23:2

“De gau sisi ma denga Pharisee e nnoho i tuulanga o Moses;

Ezra 7:5

tama daane a Abishua, tama daane a Phinehas, tama daane a Eleazar, tama daane a Aaron, tangada haimeedabu maolunga —

Nehemiah 8:1

Gai dangada alodahi ne hagabuni bei dagodo o dahi dangada donu huu, gilaadeu ne loomai gi lo te duu malaelae i ma te Haitoga o Vai. Gai gilaadeu ne hai ange gi Ezra, tangada sisi, gi gaamai de beebaa o de hainga a Moses, go muna a Tagi Maolunga ange gi de gau Israel.

Ezra 8:1

Aanei dagi o denga huaabodu ma dangada gu sisi olaadeu ingoo ne loomai madali au i Babylon, i de masavaa o Artaxerxes e hodooligi ai:

Nehemiah 9:13

Koe ne hano iho gi de mounga go Sinai, ga basa ange gi gilaadeu mai i de langi ga gaavange gi gilaadeu au hagamodu ssoe, ma au hainga heohi, ma au mee gu hagasauaa aama au muna danuaa gu tala mai.

Psalm 80:18

Gai gimaadeu e dee aahe ange naa donu e huuhuli gee i de goe; hagaola ina gimaadeu, gai gimaadeu ga dalodalo adu gi de goe.

Psalm 109:27

Haia gi iloo e gilaadeu bolo go koe donu ne haia de hegau nei, Tagi Maolunga, go koe donu ne haia de mee nei.

Psalm 147:19

Ia ne tala ange ana muna gi Jacob, ana muna gu hagasauaa aama ana hagamodu ange gi Israel.