Ezra 7:27 - De Beebaa Dabu

²⁷ Duuhia Tagi Maolunga, de Maadua o odaadeu dubuna madagidagi, i dana gaavange gi lodo o de hodooligi gi haia gi mahamaha de hale o Tagi Maolunga i Jerusalem;

Ezra 7:27 Referans Kwoze

Ezra 6:22

Gilaadeu ne hai hogi Taonga o Pelaoaa Dee Hagahua i e hidu laangi ga malangilangi ai; i hiidinga Tagi Maolunga gu hai gi kona mmao delaadeu malangilangi, ia ne sui lodo o de hodooligi o Assyria, gai ia ga bale ange gilaadeu ga hagaahe age ai de hale o de Maadua, go de Maadua o Israel.

Isaiah 60:13

De mahamaha o Lebanon e gaamai naa gi de goe, go denga pine ma fir, aama cypress, e hagamahamaha ai dogu mommee dabu; gai au e hai naa gi mahamaha de mommee e dugu ange aagena luoogu vae.

Revelation 17:17

Go hiidinga de Maadua gu hai gi gilaadeu gi llodo e hagasula dana hagatau, i delaadeu buni ga gaavange ssauaa o olaadeu nohoanga hodooligi gi de manu alasala laa, ga dae ai gi de hagassula muna a de Maadua.

James 1:17

Mee danuaa alodahi ma mee ngadi gaavange abodonu ni mee mai i lunga, i daho Tamana o denga maalama e deai laa se sui ono dagodo, bei dagodo o de gohu e hano laa ga lilo.

Hebrews 10:16

“Deenei dagu hagatoo donu hagaheloongoi e hai madali gilaadeu i dua laangi laa, go Tagi Maolunga e hagadaba: au e hai naa gi daakodo agu hainga i olaadeu lodo, ma de sisi agu hainga i lodo alaadeu maanadu.”

Hebrews 8:10

Gai deenei dagu hagatoo donu hagaheloongoi e hai madali dangada o Israel i dua laangi laa, go Tagi Maolunga e hagadaba: au e hai naa gi daakodo agu hainga i lodo alaadeu maanadu, ma de sisi ange gi olaadeu lodo. Gai au e hai naa go delaadeu Maadua, gai gilaadeu go ogu dangada.

2 Corinthians 8:16

Gai de abodonu ange gi de Maadua, i dana gaavange gi lodo o Titus de lodo mmao e bale adu goodou bei ogu dagodo.

Nehemiah 2:12

Gai gimaadeu ma hanu daane ne maalanga ga hulo i de boo. Gai au tee tala ange donu gi dahi dangada daudahi, mee a dogu Maadua gu gaamai au gi haia i Jerusalem. Teai ange hogi manu madali au, go de manu donu huu oogu e gage laa.

Nehemiah 2:8

Gai siia hogi dahi leda ange gi Asaph, taane e diiloo ange de gelegele o de hodooligi i lodo henua, gai ia ga gaamai ai laagau e hagatuu ai denga haitoga, o de hale buibui makaga i gaogao de temple, ma de buibui o de aduhale, aama dogu hale e noho ai.” Gai de hodooligi ne dugu mai mee alodahi oogu ne dangidangi ange ai, go hiidinga de lima sauaa o de Maadua e dagodo i ogu elunga.

Philippians 4:10

Au gu malangilangi mmao i lodo o Tagi Maolunga, i hiidinga goodou gu maua ange hogi i de hagaago mai doodou llodo e bale mai au. Au e iloo bolo goodou gu llodo huu e bale mai au i mua, aagai tigi maua.

Proverbs 21:1

Lodo o de hodooligi e bei ssaalingaa vai i lo te lima o Tagi Maolunga; gai ia e hai gi hano be go hee aana e lodo e hai gi hano aagena.

Nehemiah 7:5

Gai dogu Maadua ne gaamai gi ogu lodo de hagabuni de gau aamua, ma denga dagi ma de gau ange laa gi siia olaadeu ingoo ma olaadeu atangada. Gai au ne gidee dahi beebaa e daohi ai ingoo o dangada, ne aahe mai laa gi de henua i taamada, gai au ne gidee mee ne sisi i ono lodo:

Exodus 8:9

Gai Moses ga hai ange gi Pharaoh, “Go koe dugua mai de masavaa oogu e dalodalo ai i oodou hiidinga ma oo dangada hai hegau aama doo huaadangada, gi odi ai de maakau denga kailu i oodou daha, ma lodo oodou hale. Gai go denga kailu donu huu i lo te Nile e doe.”

2 Chronicles 31:8

De masavaa a Hezekiah ma dagi o de henua ne loomai ai ga gidee de hagabudubuduungaa mee gu gaamai laa, gai gilaadeu ga tuhi Tagi Maolunga ma de hagamanuuia ono dangada go de gau Israel.

Luke 7:5

go hiidinga ia e aloha i taadeu huaahenua, gai go ia ne hagaduulia demaadeu synagogue.”