Ezra 7:24 - De Beebaa Dabu

²⁴ Gimaadeu gu hagailoo adu hogi bolo goodou e dee hai de gau haimeedabu, ma de aamuli o Levi, ma de gau daahili, ma de gau hagaloosi haitoga, ma de gau hai hegau o de temple, aabe go de gau hai hegau o de hale o de Maadua ange laa, gi hagao ina taagisese, ma mee e daohi age, aama taagisese o denga goloa.

Ezra 7:24 Referans Kwoze

Ezra 7:7

Gai ne hanu dangada Israel, ma hanu dangada haimeedabu, ma dangada de aamuli o Levi, ma de gau daahili, ma de gau hagaloosi haitoga, aama de gau hai hegau o de hale daumaha ne hulo gi Jerusalem i de hidu ngadau o de hodooligi go Artaxerxes.

Ezra 4:13

Gai de hodooligi gi iloo bolo noo de aduhale nei e hagaduu age ange, gai dono buibui gu hagaahe age, gai gu deai donu taagisese, be go mee e daohi age, aama taagisese o denga goloa, gai de hodooligi gu too.

Ezra 4:20

Gai ne hanu hogi hodooligi mmahi e dagina Jerusalem, ma de mommee alodahi i baasi dai o Euphrates, gai denga taagisese, ma mee e daohi age, aama taagisese o denga goloa, e hagao ange gi gilaadeu.

Matthew 9:9

Gai ga hano gee huu Iesu i kilaa, gai ia gu gidee dahi daane e noho i de mommee hagabudu taagisese, dono ingoo go Matthew. Gai Iesu ga hai ange gi de ia, “Daudali mai i de au.” Gai Matthew ga hidi age ga daudali ange i de ia.

Nehemiah 5:4

Gai hanu ne hagataba, “Gimaadeu ne hai muli i hanu sseene e hagao ange ai taagisese o omaadeu alahenua, ma amaadeu veelengaa grape gi de hodooligi.

Genesis 47:22

Aagai ia tee hagao alahenua o de gau haimeedabu, go hiidinga duuhanga o de gau haimeedabu go Pharaoh e haia, gai gilaadeu e gaimee i alaadeu gai mai i daho Pharaoh. Deelaa ai, gilaadeu tee hagao olaadeu alahenua.

Genesis 47:26

Gai Joseph ga hagasauaa de hainga laa i de henua go Egypt, ga dae mai ai gi anailaa nei: dahi diba i diba e lima o denga huamanu nii Pharaoh. Gai go veelenga donu huu a de gau haimeedabu tee gaavange gi Pharaoh.