Ezra 6:5 - De Beebaa Dabu

⁵ Gai goolo ma selevaa o de hale o de Maadua, go mee a Nebuchadnezzar ne kave gee mai i de temple i Jerusalem, ga kave gi Babylon, gi hagaahea gi de temple i Jerusalem, ga dugu i olaadeu mommee donu, i lo te hale o de Maadua.’

Ezra 6:5 Referans Kwoze

Daniel 5:2

De masavaa o Belshazzar ne senga ai i de unu uvaini, gai ia ga hagadaba bolo gi gaamai denga ubu goolo ma ubu selevaa a dono damana go Nebuchadnezzar ne gaamai laa i lo te temple i Jerusalem, e unu ai ia ma ono daane aamua ma ono bodu aama ono bodu laa daha.

Ezra 5:14

Gai ia ne kave denga goloa goolo ma goloa selevaa i de temple o Babylon, go mee a Nebuchadnezzar ne kave gee laa i de temple i Jerusalem, ga dugu i de temple i Babylon. Gai de hodooligi go Cyrus ne hagassao mai goloa laa, ga gaavange gi Sheshbazzar, go taane aana ne hili ange laa gi goobenaa.

Jeremiah 27:16

Gai au ne basa ange gi de gau haimeedabu, ma de hagabuulingaa dangada laa, ga hai ange, “E hagadaba Tagi Maolunga: Goodou aude daudali i muna a denga pelaabisi e tala adu gi goodou bolo goloa o de hale o Tagi Maolunga gu dai hagaahe mai naa i Babylon, go hiidinga gilaadeu ni pelaabisi hadu muna.

Jeremiah 52:19

Gai tagi o de gau hagaloosi ne kave hogi denga boolo, ma mee hhao maga ahi, ma beisini, ma anibada, ma mee dugu laama, ma gumedi e hai ai sigidaumaha maanongi, ma boolo e hai ai ssigidaumaha o mee unu, ma goloa alodahi e hai i goolo ma selevaa.

2 Chronicles 36:10

De masavaa o de matili age, gai de hodooligi go Nebuchadnezzar ne aalu Jehoiachin ga gaamai gi Babylon madali denga goloa hagamogomogo i de hale o Tagi Maolunga, gai ia ne hai Zedekiah taina o dono damana, gi hodooligi i Judah ma Jerusalem.

2 Kings 24:13

Gai ia ne kave hogi denga goloa hagamogomogo alodahi i de hale o Tagi Maolunga, ma de hale o de hodooligi, ma de duuduu ga too dagidahi goloa goolo alodahi a Solomon, de hodooligi o Israel ne hai laa moo de temple o Tagi Maolunga, bei de hai a Tagi Maolunga gu tala ai laa.

Daniel 1:2

Gai de Ia Aamua ne dugu ange ia gi hagadee kii ina de hodooligi o Judah go Jehoiakim, ma de kave hanu goloa mai i de hale o de Maadua. Ia ne kave mee nei ga dugu i lo te hale daumaha o dono diinonga i Babylon.

2 Chronicles 36:18

Gai Nebuchadnezzar ne kave gi Babylon denga goloa nnui ma goloa vaaligiligi alodahi i lo te hale o de Maadua, ma goloa hagamogomogo o de hale o Tagi Maolunga, ma de hale o de hodooligi aama hale o denga dagi.