Ezra 5:14 - De Beebaa Dabu

¹⁴ Gai ia ne kave denga goloa goolo ma goloa selevaa i de temple o Babylon, go mee a Nebuchadnezzar ne kave gee laa i de temple i Jerusalem, ga dugu i de temple i Babylon. Gai de hodooligi go Cyrus ne hagassao mai goloa laa, ga gaavange gi Sheshbazzar, go taane aana ne hili ange laa gi goobenaa.

Ezra 5:14 Referans Kwoze

Ezra 6:5

Gai goolo ma selevaa o de hale o de Maadua, go mee a Nebuchadnezzar ne kave gee mai i de temple i Jerusalem, ga kave gi Babylon, gi hagaahea gi de temple i Jerusalem, ga dugu i olaadeu mommee donu, i lo te hale o de Maadua.’

Jeremiah 52:19

Gai tagi o de gau hagaloosi ne kave hogi denga boolo, ma mee hhao maga ahi, ma beisini, ma anibada, ma mee dugu laama, ma gumedi e hai ai sigidaumaha maanongi, ma boolo e hai ai ssigidaumaha o mee unu, ma goloa alodahi e hai i goolo ma selevaa.

Ezra 5:16

Gai Sheshbazzar ne humai ga hagadagodo tagelo o de hale o de Maadua i Jerusalem. Gai mai i de masavaa laa gai goi duudagi donu huu de hagaduu ga dae mai ai gi iainei, gai tigi maua gi lava.’

Acts 13:12

Gai ga gidee huu e de goobenaa o de vaaenga laa mee gu hai laa, aagai ia gu hagadonusia hogi, go hiidinga ia gu lele ono mouli i agoago a Tagi Maolunga.

Haggai 2:21

“Daalaa ange gi Zerubbabel, de goobenaa o Judah bolo au gu dai hagangalungalue naa de langi ma henua i lalo.

Haggai 2:2

“Basa ange gi Zerubbabel, tama daane a Shealtiel, de goobenaa o Judah, ma Joshua, tama daane a Jehozadak, tangada haimeedabu maolunga, aama dangada alodahi. Siilia ange gi gilaadeu,

Haggai 1:14

Gai Tagi Maolunga ga hagangaalue lodo o Zerubbabel, tama daane a Shealtiel, de goobenaa o Judah, ma lodo o Joshua, tama daane a Jehozadak, tangada haimeedabu maolunga, aama lodo o dangada alodahi. Gai gilaadeu ga loomai ga daamada de hagaduu age de hale o Tagi o denga hagabuulinga hebagi, delaadeu Maadua,

Haggai 1:1

De lua ngadau huu o de hodooligi go Darius, i tahi laangi o de ono malama, gai Tagi Maolunga ne hagaago ange gi de pelaabisi go Haggai ana muna ange gi Zerubbabel, tama daane a Shealtiel, de goobenaa o Judah, aama Joshua, tama daane a Jehozadak, tangada haimeedabu maolunga:

Proverbs 21:1

Lodo o de hodooligi e bei ssaalingaa vai i lo te lima o Tagi Maolunga; gai ia e hai gi hano be go hee aana e lodo e hai gi hano aagena.

Ezra 7:27

Duuhia Tagi Maolunga, de Maadua o odaadeu dubuna madagidagi, i dana gaavange gi lodo o de hodooligi gi haia gi mahamaha de hale o Tagi Maolunga i Jerusalem;

2 Chronicles 36:18

Gai Nebuchadnezzar ne kave gi Babylon denga goloa nnui ma goloa vaaligiligi alodahi i lo te hale o de Maadua, ma goloa hagamogomogo o de hale o Tagi Maolunga, ma de hale o de hodooligi aama hale o denga dagi.

2 Chronicles 36:7

Nebuchadnezzar ne kave hogi hanu goloa mai i de hale o Tagi Maolunga gi Babylon, ga dugu i dono hale i Babylon.

Ezra 5:15

Gai ia ne hai ange gi Sheshbazzar, “Gaavee goloa naa haaoa gi lo te temple i Jerusalem, gai gi hagaahea age de hale o de Maadua i dono duulanga donu.”